Malékuse 15:42 - Nouveau Testament en Ngienboum

^42-43 Á gÿo ńgwɔ́ ncwò nzém, atsɔ̌ ndÿò tó. Lezíŋ sé gwɔ́ le Yesyɛ̂b. Á gwɔ́ nyìŋ Arimaté. À laa yé nyìŋ nà nùɔ pàsá’a lá’, ńgwɔ́ nyìŋ mé gÿo mekù’ mé tɛ’. Á ńnéŋe yé ńne ḿbyɛ́bɛ fʉ̀’ gie Ssé yé máŋwɛ́ zɔ ge cʉ́’ʉ sá’a njÿó. Pá’ á la gwaa gwɔ́ mé ne ńtáŋte nnɛ́ tá *lyɛ’ɛ́ nzsè pà Yuda zye mbÿɛ̀ njÿó ŋwɛ́ la, Yesyɛ̂b ŋwɛ́ shÿɔg, ńgʉa ńgyá *Pilato, ńdúɔ pfó Yěsô légʉa ńde’e.

Malékuse 15:42 ပူးပေါင်းရင်းမြစ်များ

Ŋwà’ne Jâŋ 19:31

Mé laa lyɛ’ó ńne ńcwoŋte *lyɛ’ɛ́ nzsè pà Yuda, á piŋ tè poŋ ngie à gwɔ́ lyɛ’ɛ́ nzsè, mepfó pʉ̀a gwɔ́ nà metÿǒ nkǐ wɔ́, yɛ̌ ge zɔɔn gwɔ́ lyɛ’ɛ́ nzsè lÿò tɛ’. Mekěm pà Yuda gʉa ńgyá *Pilato, ésẅíŋte yé ngie à gÿo mé pwɔ́’te mekwò pʉ̀a pie ée nà metÿǒ nkǐ, pɔ́ kwéte, mé fó nà metÿǒ nkǐ ésẅí’i wɔ́b.

Megàŋ ntúm 13:29

Pɔ́ kéen ńgwɔ́ tà ḿbú ńgÿo kɔ̀ɔkɔ́ɔ gie mé la ŋwe’e tsɛ̀ɛ ŋwà’ne Ssé ńtí yé Yěsô, pɔ́ gÿo mé fó nà tÿǒ nkǐ ésẅé’e yé, ńnéŋe tsɛ̀ɛ lesyè.