Malékuse 15:32 - Nouveau Testament en Ngienboum

³² A *Nzà’nkÿo, afùɔ pà Israel, afó nà tÿǒ nkǐ fʉ̀’ɔɔn sẅɛ́’, peg gyá, ńzáb ntʉ́m wég ná ye. Pʉ̀a pie mé la púte wɔ́b lâ pɔ̌ ńkime nà metÿǒ nkǐ la gíŋe ńne ńzoonte yé yɔ́b zoonte.

Malékuse 15:32 ပူးပေါင်းရင်းမြစ်များ

Matio 1:17

E lɔgɔ ḿbú ńgwɔ́ mejwoŋó ntsɔ̀b lekùɔ nê legém tà fó ná Ábalam ńgʉa ńkúu nà Ndavíd, ńgíŋe ńgwɔ́ mejwoŋó ntsɔ̀b lekùɔ nê legém tà fó ná Ndavíd ńkúu nà fʉ̀’ gie mé la gwoon pà Israel, pɔ́ cʉ́’ megàŋa tsǎŋa ncù, mé lɔgɔ wɔ́b ńgee Mbabilonia, ḿbɔ́ɔnte mé gíŋe ńgẅiin mejwoŋó ntsɔ̀b lekùɔ nê legém tá ńgʉa ńkúu ná *Nzà’nkÿo

Matio 27:42

À ka gÿo tsɔ́ pʉ̀a tsẅɛ́, tá’ à kâ ku’u lékẅé yé twó á mbwó legwé wɔ́! À lɔɔn ńgwɔ́ fùɔ pà Israel, á fó ná tÿǒ nkǐ fʉ̀’ɔɔn ésẅɛ́’ peg gyá, ńzáb ntʉ́m wég ná yé.

Matio 27:44

Tà mbɔɔ metsǒŋ pie mé la kime wɔ́b nà metÿǒ nkǐ á lejʉ́ŋ Yěsô gíŋe ne ńzoonte yé yɔ́b pɔ́ pú’u.

Malékuse 15:26

Mé la ŋwe’e mmó gie à fʉ̌a, ńkyɛɛ nà tÿǒ nkǐ. Á gwɔ̂ ngie fùɔ pà Yuda.

Malékuse 15:27

Pɔ́ la gíŋe ńkim tsɔ́ metsǒŋ mépʉ́a nà metÿǒ nkǐ. Tà’ gwɔ́ nà gwoŋó pwó Yěsô ye tʉ̀, wetsɔ̌ gwɔ́ nà gwoŋó pwó kyɛ̀bɛ.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 12:13

ńdeen ńké ńkɔ́’ meyáŋa letÿǒon, ńdɔg ńkẅɛɛ tÿǒsoŋ, ńgʉa ńzá’a yé, ńne ńgɔɔn né ngyè tetʉ́ʉ ngie: Gùugẅî E Ssé gwɔ́ né fùɔ gẅie à lɔgɔ lezíŋ Ssé ńtóo. E Ssé gwɔ́ né fùɔ pà Israel.

Roma 3:3

Á piŋ ńgʉa nà pá’ etsɔ́ pà Yuda la nyé yɛ̌ shwóŋè pé’è, á ge cʉa pú’u, e Ssé nyé menò mie à la ka’a mbwo pɔ́b keen?

2 Timote 2:18

Pɔ́ kéen ńgwá’a mánzsè nò gie áa nénʉ́. Pɔ́ zɔ́gɔ ńgɔɔn ngie e Ssé kéen ńdá’ ńgÿo pege zíme ná legwé. Pɔ́ kéen ńgÿo pú’u, tà tsɔ̌ lelÿò pʉ̀a tè nyé ńgwɔ́ ná mánzsè nò gie áa nénʉ́ wɔ́.