Malékuse 15:21 - Nouveau Testament en Ngienboum

²¹ Pɔ́ la ne ńdɔgɔ yé ńgee, ḿbumte tsɔ̌ nyìŋ, á fóo lé tsẅɛ, lezíŋ sé gwɔ́ le Símo, á gwɔ́ nyìŋ gẅie à la fó tsɛ̀ɛ ngwòŋ Sirɛne ńtó, ńgwɔ́ tá pà Alekzáŋdele pɔ́ Rẅifẅis. Pàlÿɔ́’ ncù gwoon yé, ńdɔg tʉ̀ sẅɛ́ɛ yé ngie à kaa tÿǒ nkǐ Yěsô.

Malékuse 15:21 ပူးပေါင်းရင်းမြစ်များ

Matio 27:32

Pàlÿɔ́’ ncù lɔgɔ yé fó tÿǒsoŋ ńkẅɛ, ńgiŋ tà ḿbumte tsɔ̌ nyìŋ Sirɛne, mé tóŋo yé lê Símo, mé sẅɛ́ɛ yé ngie à kaa tÿǒ nkǐ Yěsô.

Matio 5:41

Mékéle lɔg tʉ̀ sẅɛ́ɛ nyìŋ ngie à kaa pì’ yé, ńdɔg ńgiŋe mmó tà’ kilometà lê gwǒŋ, á lɔg ńgiŋe nà mmó mekilometà méntá.

Malékuse 15:20

Pɔ́ zoonte yé tà ńkʉ́a, éfó ná yé ésẅɛ nzsǒ lefùɔ, ḿma’ kwà’ mé menzsǒ ná ye, ńdɔgɔ yé fó wó ńkẅɛ ńgʉa. Légʉa ńkime yé nà tÿǒ nkǐ.

Lukase 14:27

Nyìŋ lɔɔn tè kaa yé tÿǒ nkǐ ńdɔgɔ ńzẅíŋe lékwé, tá ńcʉ́me nzèm mèŋ wɔ́, mbà ńgwɔ́ á le ku’u légwɔ́ *ngàŋa kwò wɔ̀ɔn mɔ́.

Lukase 23:26

Pɔ́ lɔgɔ Yěsô ńcʉ́me mánzsè, ńgiŋ tà ḿbumte tsɔ̌ nyìŋ Sirɛne, gẅie mé lɔ́ɔn ńtóŋo yé lê Símo, á ne fóo nká’. Pàlÿɔ́’ ncù gwoon yé, ńdɔg tʉ̀ ńnáa tÿǒ nkǐ Yěsô ngie à kaa ńdɔg ńcʉ́me nzèm.

Ŋwà’ne Jâŋ 19:17

Ńgwɔ fóo tÿǒsoŋ kẅɛ, kwà’ yé zɔ̌ kaa tÿǒ nkǐ yé, pâ pɔ̌ ne ńgee nê tsɔ́ jʉ’, mé tóŋ lê kẅǐ twó. Á gwɔ́ ná shwóŋè pà Heber, ńgwɔ́ Golgota.

Megàŋ ntúm 11:20

Tá’, etsɔ́ ntá’ pʉ̀a Kristo tsetsɛ̀ɛ pɔ́b pie é laa pʉ̀a Sirɛne, mbɔɔ pe Shʉ̀pele, gʉa tà ńkúu Antiokia yɔ́b, éshwóŋó nò Nkʉ̀ Mbòŋo Cʉ̀apʉ̀a Yěsô mbɔɔ mbwo pʉ̀a pie é té pà Yuda wɔ́.

Megàŋ ntúm 13:1

Á laa tsɛ̀ɛ cú’tè pʉ̀a Kristo gie á laa tÿǒsoŋo Antiokia, epʉ̀a pie pɔ́ ńnéŋe ńtsẅi nkʉ̀ gẅie é fóo mbwo Ssé gwɔ́ wó, ńgÿo pàzí’i pʉ̀a nò Ssé. Wɔɔn laa Panebâse, ńgÿó Simeon gẅie mé tóŋo yé lê «ssé nyìŋ», ńgÿo Lusius, á mûɔ Sirɛne, ńgÿo Manaen gẅie pɔ́ *Herôd gẅie à laa ngúmnɔ́ɔn la pú ńgú’, ḿbiŋ ńgÿo Sɔ̂l.

Megàŋ ntúm 2:10

Pàfó Filigia pɔ́ Panfilia pɔ́ Egipto, pàfó Sirɛne á nà pàga ngwòŋ Libia, pàfó *Roma gwɔ́ pɔ́ ssé. Lâ pà Yuda pie pɔ́ ée lá’ɔɔn nà melyɛ̌’ mɔɔn.

Megàŋ ntúm 6:9

Etsɔ́ ntá’ pʉ̀a gÿo ńzyé lézoŋo nò gie Etien gɔɔn. Atsɔ́ gwǒŋ gwɔ́ pà Yuda pie pɔ́ fóo Sirɛne mbɔɔ Alekzáŋdeli, ńgwɔ́ pʉ̀a pie pɔ́ gee nà *ndá cú’tè gie mé lɔ́ɔn ńtóŋo le *ndá cú’tè pàkẅɛɛ ndá nkwɔɔn. Yetsɔ́ gwǒŋ gwɔ́ pà Yuda pie pɔ́ fóo nà pàga ngwòŋ Silisia mbɔɔ nà pàga ngwòŋ Azia.

Roma 16:13

Mèŋ n tsyɛ’té Rẅifẅis. Àa nyìŋ gẅie Cʉ̀apʉ̀a ka tsɔ’ɔ́ yé á piŋ ńnéŋe twó nà fà’ yé tɛ’. Pi gíŋ ńtsyɛ’te mbɔɔ má we, má we ŋwɛ́ gǐŋ ńgwɔ́ má wɔ̀ɔn yɔ́ɔn.