Malékuse 14:26 - Nouveau Testament en Ngienboum

²⁶ Pâ pɔ̌ leen ńké ńzɔb mentse ńdɔg ńgu’te Ssé. Afʉ̀’ ku’, pɔ́ kẅɛ, ńgʉa ne ndùm lekwɔ’ɔ́ metÿǒ mèvɛ olive.

Malékuse 14:26 ပူးပေါင်းရင်းမြစ်များ

Matio 21:1

Yěsô pâ *ngàŋa kwò yé gʉa tà ne ńkúu Yerósalem, ńnyé ńgwɔ́ shÿó Mbedfajé, á jʉ’ʉ lekwɔ’ɔ́ metÿǒ mèvɛ olive. Á leen ńké ńtúm *ngàŋa kwò yé yépʉ́a,

Matio 26:30

Pâ pɔ́ leen ńké ńzɔb mentse ńdɔg ńgu’te Ssé, àfʉ̀’ ku’ pɔ́ kẅɛ, ńgʉa né ndùm lekwɔ’ɔ́ metÿǒ mèvɛ olive.

Malékuse 14:25

Mèŋ shwóŋó gẅí, kwà’ nénʉ́, Mèŋ n tě ńdá’a ńgíŋe ńnú mɔɔn melù’ wɔ́, tà lá’ cʉ́’ʉ núu pɔ́ me sẅé á fʉ̀’ gie Ssé zɔ cʉ’ʉ́ sá’a njÿó.

Lukase 22:39

Yěsô la gɔɔn pú’u, ńkẅɛ, pâ *ngàŋa kwò yé gʉa ne ndùm lekwɔ’ɔ́ metÿǒ mèvɛ olive, pá’ à laa mà mbwo ye.

Ŋwà’ne Jâŋ 18:1

Yěsô la gɔɔn pú’u, pâ *ngàŋa kwò yé gʉa, ńkúu tsɛ̀ɛ fú’, ńtúm ntse Sedeloŋ, ńgʉa nà yetsɔ̌ nzǐŋ. Etsɔ́ nká’ gwɔ́ jʉ’ó, pâ *ngàŋa kwò yé kúu tsoló.

Megàŋ ntúm 16:25

Tsɛ̀ɛ tsẅɛ́’ gÿo ne ńku’u, Pɔl pɔ́ Silas ne sẅíŋte Ssé, ńzɔbɔ ntse ńdɔgɔ ńgú’te yé. Petsɔ́ megàŋa tsǎŋ ne ńjú’u,

1 Korento 14:15

Tà áa pú’u, pá’ɔɔn ńgwɔ́ mèŋ n gÿo lêkɔ́? N gyǎ ngie n ge sẅíŋte Ssé nà ntí gie Zẅìge ne ńtsóte wɔ̀ɔn ngie mèŋ sẅíŋte pú’u, tá’ é gíŋe sẅíŋte nà ntí gie ńgwɔ́ nyìŋ jú’u nò gie n gɔ̌ɔn. Mèŋ n ge zɔb ntse nà ntí gie Zẅìge ne ńtsóte wɔ̀ɔn ngie mèŋ n zɔb pú’u, tá’ é gíŋe zɔb á nà ntí gie ńgwɔ́ nyìŋ jú’u mmó gie azɔ́b gɔɔn yɛ̌,

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Ŋwà’ne Jâg 5:13

Nyìŋ gẅi lɔɔn ńne ńgyá ngɔ́’, á sẅíŋte Ssé, ńne ńkága á zɔb mezɔ́bɔ ntse ńdɔg ńgu’te Ssé.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.