Malékuse 14:15 - Nouveau Testament en Ngienboum

¹⁵ À ge nyɛɛ gẅi máamáa lûm ndá, á ná ndêg we tÿǒ. Tà mbà mé ně ńdá’ ńtáŋte mboŋó, áa jʉ’ gie pi ge cwoŋte ségè shúm línɔ́ɔn wó.

Malékuse 14:15 ပူးပေါင်းရင်းမြစ်များ

Malékuse 14:14

tà à kúu ndá, pi kú gí, ńgɔɔn né ngàŋ ndá ngie: Tsítsà gɔɔn ngie peg zɛ́te gú ngie awe lûm ndá gẅie pâ *ngàŋa kwò yé ge jÿó *Páskà wó, aa wɛ̌ wɔ́?

Malékuse 14:16

*Ngàŋa kwò yé gʉa tà ńkúu tÿǒsoŋ, ńgyá kɔ̀ɔkɔ́ɔ gwɔ́ pá’ Yěsô ně ńgɔɔn. Pɔ́ cwoŋte shúm léjÿó *Páskà jʉ’ó.

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Megàŋ ntúm 1:13

Pɔ́ kúu Yerósalem, ńkwɔ́’ɔ ná ndêg we tÿǒ, ńkúu tsɛ̀ɛ lûm ndá gẅie pɔ́ lɔ́ɔn ńcú’te wó. Wɔɔn laa Piɛ, ńgÿo Jâŋ pɔ́ Jâg, ńgÿo Ndeléya. Wɔɔn gwɔ́ Filib, ńgÿo Tomáse, pɔ́ Patelemî mbɔɔ Matio. Wɔɔn gwɔ́ Jâg míŋ Alfe, ńgÿo Símo gẅie mé lɔ́ɔn ńtóŋo yé le mûɔ ngwòŋ, pɔ́ Jẅide míŋ Jâg.

Megàŋ ntúm 20:8

Peg gwɔ́ pú’u, mbà peg cu’té tsɛ̀ɛ lûm ndá gẅie aa nà ndêg we tÿǒ. Mbà mé pǔ ńdyɛ melâm ńtÿɔ́gte ndá tà é gyɔ́ɔn gyɔ̌ɔn.

2 Timote 2:19

Tà mbɔɔ pú’u, àcÿǒ ndá gie e Ssé la nuŋe á nyé ńtʉʉ tʉ. Mé la ŋwe’e ndùmo ngie: Cʉ̀apʉ̀a ne ńzsé pʉ̀a pie ée pé, ńgíŋe ńŋwe’e ngie: Nyìŋ lɔɔn ngie aa nyìŋ Cʉ̀apʉ̀a, á tém nzèm nò tepòŋ.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.