Malékuse 13:8 - Nouveau Testament en Ngienboum

⁸ Alá’ ge lá’ lu ssé lÿɔ́’ɔ yetsɔ́, afùɔ túm lu ssé ńdÿɔ́’ɔ wetsɔ̌, atsetsá’ ge lá’ pú cʉ’e nà mejʉ’ tà ńgyɔ́ɔn, gwáŋa gíŋe ńgwe. Mɔɔn menò lɔgɔ ńgwɔ́ nzyète ngɔ́’. Tá ńké ńgwɔ́ pɔ́ pá’ múɔ gwoon manzwě shwoŋ la.

Malékuse 13:8 ပူးပေါင်းရင်းမြစ်များ

Matio 24:8

Mɔɔn menò ge lá’ lɔgɔ gwɔ́ pá’ manzwě gẅie à zyete lélúme la.

Malékuse 13:7

Pi lá’ ńgwɔ́ tà ńjú’ mé ne ńgɔɔn nò nà mencù mie é kẅɛ̌ nà gẅi shÿó, kà ngʉ̀a shʉ̀shʉ̀a wɔ́, tà pi cÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Megàŋ ntúm 11:28

Atsɔ̌ tà’ nyìŋ gwɔ́ tsetsɛ̀ɛ pɔ́b, mé tóŋo yé lê Agabus. A Zẅìge Ssé tsẅi, á tʉ́ njÿó ńgɔɔn ngie: Atsɔ̌ máamáa gwáŋa ge gwe ndùmo tsetsá’ ntsèm, ńgɔɔn pú’u, wɛ̌ gwáŋa gÿo ńkwa’ ńgwe fʉ̀’ gie Kɔlɔde laa Kása pà Roma.

1 Tesalonika 5:3

Pʉ̀a mesoŋ ge lá’ gwɔ́ tà ne gɔɔn ngie: Mbʉ́lè ee tsɛ̀ɛ lá’, pɔ́ té gíŋ ne ńcÿɔ’ɔ wɔ́, tá máamáa ngɔ́’ lêen ńké ńtóo ná pɔ́b pá’ múɔ neŋé tà ńgwoon mánzwě shwòŋ la. Atsɔ̌ wɔb á le lÿɔ́’te tà ńtsẅɛ́ wɔ́.

Ŋwà’ne Ngyà jʉ’ 6:4

Atsɔ̌ tà’ lÿóon gwóon ńkẅɛ, ḿbaŋ pá’ mmɔ̌g la. Mé ná metʉ̀ mbwo nyìŋ gẅie à la ńnéŋe mǒ ngie à gʉa ḿma’a tág ndùmo ssé tsetsá’, ńzsé ngie pʉ̀a mesoŋ ge sele sɔbte mennɛ́ mɔ́b é kwéte, ńgÿo pú’u, ńnáa máamáa nně ncù né yé.