Malékuse 13:6 - Nouveau Testament en Ngienboum

⁶ Epʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, awɔ̌wɔ́ɔ ná pɔ́b gɔɔn ngie aa *Nzà’nkÿo, é gɔɔn pú’u, lɔg fʉte pʉ̀a tà ńgyɔ́ɔn.

Malékuse 13:6 ပူးပေါင်းရင်းမြစ်များ

Matio 24:11

Pà *ntsẅì nkʉ̀ Ssé pe cÿɔ’ nò kẅɛte tà ńgyɔ́ɔn, éfʉte lelÿò pʉ̀a.

Matio 24:5

Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔɔ ná pɔ́b wɔ́ gɔɔn ngie: Aa *Nzà’nkÿo, é gɔɔn pú’u lɔg fʉte pʉ̀a tà ńgyɔ́ɔn.

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Malékuse 13:5

Yěsô zye léshwóŋó wɔ́b ngie: Pi lag twó sí, ḿbɔ́ɔn nyìŋ léfʉʉ gẅí.

Malékuse 13:7

Pi lá’ ńgwɔ́ tà ńjú’ mé ne ńgɔɔn nò nà mencù mie é kẅɛ̌ nà gẅi shÿó, kà ngʉ̀a shʉ̀shʉ̀a wɔ́, tà pi cÿɔ’. Á ne ńzɛ́te ngie sɛ̌ shúm vɔg ńcʉate, tá á lěen ńdɔgɔ ńgwɔ́ ngie njÿó mǎg wɔ́.

Ŋwà’ne Jâŋ 5:43

Mèŋ n ka lɔg lezíŋ Tá wɔ̀ɔn ńtó, pi lʉ’ʉ lézẅíŋe yɔ́ɔn nò. Tá ńgwɔ́ gie tsɔ̌ nyìŋ ndyɛ̀’ɛ lɔɔn ńtó fʉ̀’ɔɔn pɔ́ nà sé lezíŋ, mbà pi ge zẅíŋe yé nó.

Ŋwà’ne Jâŋ 8:24

Áa mmó gie á ně ńgÿo tá mèŋ n gɔɔn né pi ngie: Pi ge gÿo kwé tsɛ̀ɛ menò tepòŋ mí. Á nue pi lɔɔn tè zẅíŋ ngie nyìŋ gẅie mé tóŋo yé lê N gee gwɔ́ à gwɔ́ pɔ́ mèŋ wɔ́, mbà pi ge kwé tsɛ̀ɛ menò tepòŋ mí.

Ŋwà’ne Jâŋ 8:28

Yěsô leen ńké ńgɔɔn né pɔ́b ngie: Pi lɔɔn ńgÿo ńkwé’e *Míŋ Nyìŋ tà ńnáa tÿǒ, mbà pi ge leen ké zsé ngie N gee gwɔ́, à gwɔ́ pɔ́ mèŋ, é gíŋ zsé ngie mèŋ n gee ntěen ńgÿo tsɔ́ mmó pɔ́ le yɔ́ɔn twó wɔ́. N gɔɔn pɔ́ mmó gie Tá wɔ̀ɔn la zí’i wɔ̀ɔn.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.