Malékuse 13:23 - Nouveau Testament en Ngienboum

²³ Tá á ké ńgʉa ná pi, mbà mèŋ n kě ńtʉ́ njÿó shwóŋó gẅi nò gie á ne ńtóo, pi laga twó gí.

Malékuse 13:23 ပူးပေါင်းရင်းမြစ်များ

Matio 24:25

Á yɔɔn, mbà mèŋ n kě ńtʉ́ njÿó shwóŋó gẅí.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Malékuse 13:22

Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Malékuse 13:24

Tá’, á ge lá’ gwɔ́ nà mɛ̌ melyɛ̌’, tà mbà yɔɔn ngʉ̀ngʉ̀ tɔ̌g, mé gyá nèm sele síŋ, saŋ le gíŋe ńtʉ́a wɔ́.

Malékuse 13:33

Pi ké ńdaga twó gi, tà pi gwá’a lÿɔg, ńdyé. Á nue pi tè ne ńzsé fʉ̀’ gie mɛ̌ menò ge gÿo tó wɔ́.

Malékuse 13:5

Yěsô zye léshwóŋó wɔ́b ngie: Pi lag twó sí, ḿbɔ́ɔn nyìŋ léfʉʉ gẅí.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

Lukase 21:34

Pi laga twó gí nà lecʉ’ʉ́ ńzɔ́gɔ ḿpfɛ́ɛ pɔ́ shúm, ńnúu melù’ tà ḿbʉ́a, ḿmÿɔgɔ menò nzsè nzsè, ḿbɔ́g legyè sí lépyé, lyɛ̌’ɛ́ lá’ *Míŋ Nyìŋ gwaa tó, pi le ne ḿbyɛ́bɛ yé wɔ́,

Lukase 21:8

Á tsɔ́’ ngie: Pi laga twó gí, ḿbɔ́ɔn nyìŋ léfʉʉ gẅí. Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔ́ɔ ná pɔ́b wɔ́ gɔɔn ngie aa *Nzà’nkÿo, afʉ̀’ ku’ú. Pɔ́ lɔɔn ńgɔɔn pú’u, tà pi mɔ́ɔn tà ńcʉ́me nzèm pɔ́b.

Ŋwà’ne Jâŋ 14:29

Mèŋ tʉ́ʉ njÿó shwóŋó gẅi tá yɛ̌ nò gÿo tó, á gÿo ńgwɔ́ tá ńtó, pi záb ntʉ́m ná mèŋ.

2 Piɛ 3:17

Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.