Malékuse 13:22 - Nouveau Testament en Ngienboum

²² Á nue tsɔ́ megàŋ cÿɔ nò ge gÿo kẅɛ, etsɔ́ gɔɔn ngie pɔ́ ée pà *Nzà’nkÿo, petsɔ́ ne ngie pɔ́ ée pà*ntsẅì nkʉ̀ Ssé, é nyɛ meliŋé, é gÿo menò mmɔɔn mmɔɔn lélɔg ńcʉŋte twó pʉ̀a, tà ńgwáa ńgwe pɔ́ lɔg ńcʉŋte mbɔɔ ye pʉ̀a pie Ssé la tsɔ́’.

Malékuse 13:22 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Malékuse 13:21

Pú’u la, nyìŋ ké ńdá’ ńgɔɔn né pi ngie gyá, à *Nzà’nkÿo wɔɔn jʉ’ɔɔn, kà ngie gyá, à gẅi jʉ’e wɔ́, pi pɔ́ɔn lézẅíŋ.

Malékuse 13:23

Tá á ké ńgʉa ná pi, mbà mèŋ n kě ńtʉ́ njÿó shwóŋó gẅi nò gie á ne ńtóo, pi laga twó gí.

Malékuse 13:6

Epʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, awɔ̌wɔ́ɔ ná pɔ́b gɔɔn ngie aa *Nzà’nkÿo, é gɔɔn pú’u, lɔg fʉte pʉ̀a tà ńgyɔ́ɔn.

Ŋwà’ne Jâŋ 4:48

Yěsô gɔɔn né yé ngie: Pi lɔɔn tè gyá menò mmɔɔn mmɔɔn mie é lá’te metʉ̀ Ssé wɔ́, láa menkʉ̀’ʉ nò wɔ́, pi le lá’ ńzáb ntʉ́m ná mèŋ wɔ́.

2 Timote 2:19

Tà mbɔɔ pú’u, àcÿǒ ndá gie e Ssé la nuŋe á nyé ńtʉʉ tʉ. Mé la ŋwe’e ndùmo ngie: Cʉ̀apʉ̀a ne ńzsé pʉ̀a pie ée pé, ńgíŋe ńŋwe’e ngie: Nyìŋ lɔɔn ngie aa nyìŋ Cʉ̀apʉ̀a, á tém nzèm nò tepòŋ.

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 2:19

Megàŋ mbù fǒ pɔ́ tsɛ̀ɛ cú’tè yégè ńkẅɛ ńgʉa. Pɔ́ ka zɔ̌ɔn tè pʉ̀a pégè wɔ́. Pɔ́ kaa pé’è ńgwɔ́ pʉ̀a pege, mbà pɔ́ ka zso tsetsɛ̀ɛ pege. Tá’, á ka kě ḿboŋ ngie à kẅɛ pɔ́ pú’u, ná pɔ́b, áwɔ̌wɔ́ɔ gyá ngie pɔ́ ka tè pʉ̀a pege wɔ́,

1 Jâŋ 2:26

Yɔɔn áa mmó gie n kě ne fa’a léshwóŋó gẅí, ńtí pʉ̀a pie é fa’a léfʉte gẅi pi fʉa mánzsè,

Ŋwà’ne Ngyà jʉ’ 13:8

Pʉ̀a metsèm pie ée ndùmo ssé tsetsá’ ge gÿo kẅí’te mvfò yé, é gu’te yé. Mé gɔɔn ngwòŋ pʉ̀a metsèm pie mé la tè ŋwe’e lezíŋ sɔ́b á tsɛ̀ɛ ŋwà’ne le gwɔ́ wó, tà fó fʉ̀’ gie njÿó la zye wɔ́. Aŋwà’ne ŋwɛ́ áa ye mûɔ *Njʉ̀njÿò gẅie mé la zẅé yé.

Ŋwà’ne Ngyà jʉ’ 17:8

Nɔ̀ɔn gẅie ɔ̀ gyǎ lɛ, à laa wó, tá’ à ké ńcʉ́’ʉ wó wɔ́. À ge gÿo gíŋe gwɔ́ wó, éfóo tsɛ̀ɛ pÿé té lǎŋ kwɔ́’ gʉa lé jʉ’ gie à ge kúu wó é kúu pyé. Epʉ̀a pie ée ndùmo ssé tsetsá’, mbà mé la tè ŋwe’e lezíŋ sɔ́b tsɛ̀ɛ ŋwà’ne gie á gÿo mé gwɔ́ wó, tà fó fʉ̀’ gie mé la nuŋe njÿó wɔ́, pɔ́ ge gÿo gyá nɔ̀ɔn ŋwɛ́ é mɔɔn tɛ’. Á nue à laa wó, à tè gíŋe ńgwɔ́ wó wɔ́, é ké gÿo gíŋe kẅɛ.