Malékuse 12:6 - Nouveau Testament en Ngienboum

⁶ Nyìŋ gẅie à la nyé mbwo ye, à la cʉ́’ ńgwɔ́ pɔ́ ndà’ míŋ we gẅie à lɔ̌ɔn ńkwoŋo yé tɛ’. Á gwaa zsote, ńtúmo wɛ̌ múɔ mbwo pɔ́b, ńne ńkwaŋa ngie, á ge gǎ wɔ́, pɔ́ gÿo mekù’ mé.

Malékuse 12:6 ပူးပေါင်းရင်းမြစ်များ

Matio 1:23

Mé ge lá’ gwaa gyá, mùɔ ngùɔ nyé té zsé mámbàŋa ńgwɔ́ shwoŋ, ńzyé múɔ mbàŋa, mè tsẅi lezíŋ sé lê Emanuel, e lɔgɔ ńgɔɔn ngie: «E Ssé ee nùɔ pege».

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Matio 17:5

Á nyé ńgɔɔn gɔɔn, etsɔ́ melɔ́ɔn, mie é ŋwʉŋe ŋwʉŋe sẅɛ́’ ńkábte wɔ́b, ngyè nyìŋ fó tsɛ̀ɛ wó ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág, pi jú’ ncwò wé.

Matio 26:63

Tá Yěsô pú tè tsɔ́b. *Nùŋe pwɔ́’ we lÿò gɔɔn né yé ngie: Lɔg lezíŋ Ssé gẅie aa ntentʉ́, ńkʉa ngie ɔ́ɔ *Nzà’nkÿo gẅie aa Míŋ Ssé ka ɔ̀ tè wɛ̌ wɔ́?

Matio 3:17

Ngyè fó tÿǒ lepwó ngie: Wɔɔn aa Míŋ wɔ̀ɔn, mèŋ n kwoŋo yé tɛ’, aa wɔ̀ɔn lekág

Malékuse 1:11

Ngyè fó tÿǒ lepwó ngie: Ɔɔ míŋ wɔ̀ɔn, mèŋ n kwoŋo ɔ́ tɛ’, n záb ntʉ́m wɔ̀ɔn ná gù.

Malékuse 12:5

Á gíŋe ńtúmo tsɔ̌ tà’. Wɛ̌ nyìŋ tó fʉ̀’ó, pɔ́ zẅé yé. Á gíŋe ńtúm petsɔ́ tà é gyɔ́ɔn. Mé gwoon petsɔ́ ńzẅéte, ńcúa petsɔ́.

Malékuse 12:7

Tá á fó ńkúu wó, epʉ̀a pá gɔɔn ngie: Anjÿò ndá we wɛ̂ gẅie à tóo lɛ̀, pege zẅé yé, ńjÿó nká’,

Malékuse 9:7

Pɔ́ gwaa gyá, etsɔ́ melɔ́ɔn sẅɛ́’, ńkábte wɔ́b. Ngyè nyìŋ fóo tsoló ńgɔɔn ngie: Wɔɔn aa Míŋ wɔ̀ɔn, mèŋ n kwoŋo yé tɛ’. Pi jú’ ncwò wé,

Lukase 3:22

A Zẅìge Ndʉalʉ̌a sẅɛ́’, ńgwá’a kapʉŋ la, ńtyé ná ye, ngyè fóo tÿǒ lepwó ngie: Ɔ̀ɔ míŋ wɔ̀ɔn, mèŋ n kwoŋó gú tɛ’, ɔɔ wɔ̀ɔn lekág.

Lukase 9:35

Ngyè nyìŋ fóo tsɛ̀ɛ melɔ́ɔn ŋwɛ́, ńgɔɔn ngie: Wɔɔn aa míŋ wɔ̀ɔn mie n kǎŋ, pi jú’ ncwò wé.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:49

Natanayɛl tsɔ́’ ngie: Rabbi, ɔ́ɔ Mìŋ Ssé, ɔ́ɔ fùɔ pà Israel.

Ŋwà’ne Jâŋ 3:35

E Ssé Tá kwoŋo Míŋ we, mbà à léen ńnéŋ shúm ntsèm á nà lɔ̌ɔn pwó Míŋ we.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Heber 1:6

Tá á la ké ńgʉa fʉ̀’ gie e Ssé lɔ̌ɔn ńge gÿo Míŋ we gẅie yé zɔɔ twó mvfò nà kɔ̀ɔkɔ́ɔ à tóo tsɛ̀ɛ njÿó, yé Ssé gɔɔn ngie: Á poŋ ngie mecÿɔ́’ pé, yé Ssé, métsèm gu’te yé,

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

3 Jâŋ 1:1

Mèŋ nkẅè mvfò tsɛ̀ɛ cú’tè pʉ̀a Kristo, n náa yɔɔn ŋwà’ne mbwo gù Gaẅis, á shǔ wɔ̀ɔn we tʉ̀ nzẅìŋ. Mèŋ n kwoŋo gú nue pɔgɔ pǔ ńtyé nà nénʉ́.