Malékuse 12:43 - Nouveau Testament en Ngienboum

⁴³ Yěsô gyá, ńtóŋ *ngàŋa kwò yé, ńgɔɔn né pɔ́b ngie: Mèŋ shwoŋo gẅí, kwà’ nénʉ́, ampfɔ̌g manzwě wɔɔn, ńgwɔ́ mbóŋ něŋ nkáb jʉ’ó, ńcʉa pʉ̀a metsèm.

Malékuse 12:43 ပူးပေါင်းရင်းမြစ်များ

Matio 10:42

Mèŋ n ge shwóŋó gẅí, kwà’ nénʉ́, nyìŋ lɔɔn ńná pɔ́ ndà’ galase ntse gẅie é ne sẅéte á mbwó múɔ mémúɔ, ńdɔgɔ pá’ wɛ̌ muɔ aa *ngàŋa kwò wɔ̀ɔn ńnáa, mbà wé ntsɔ’ɔ́ fà’ téen ńdá’a ḿbyé wɔ́.

Malékuse 12:42

Atsɔ̌ mpfɔ́g manzwě tó yé, ńgwɔ́ mbóŋ, ńnéŋ pàg nkáb sépʉ́a, é sie é fó tè nà tsɔ́ mmó ku’.

Malékuse 12:44

Petsɔ́ pʉ̀a zɔ̌ɔn ńtó yɔ́b, ńnéŋ pɔ́ metwó nkáb mɔ́b, tá ńgʉa nà mpfɔ̌g manzwě wɛ, à tsɛ ńgwɔ́ pɔ́ mbóŋ tá’, à něŋ wé ndà’a mmó gie á ke ńgẅiin lélɔg ńjú sé shúm.

Ŋwà’ne Jâŋ 8:20

Yěsô la gwaa gɔɔn mɔɔn menò pá’ɔɔn, ńgwɔ́ tsɛ̀ɛ *jʉ’ʉ Ssé, ńne ńzí’i pʉ̀a nò Ssé, ńgwɔ́ ngʉ̀ŋe jʉ’ gie mé ńnéŋe nkáb gie mé náa mbwo Ssé wó. Nyìŋ ké tè yé gwoon, mélà’mie á la gwaa gwɔ́, mbà yé fʉ̀’ kaa ku’u.

Megàŋ ntúm 11:29

Agabus gɔɔn pá’ɔɔn, epʉ̀a Kristo záb ngie awɔ̌wɔ́ɔ náa yé mmó gie à ku’u mǒ, mé túm, ńdɔg ńkẅéte mefɛ́ mefɛ́ pie pɔ́ tsẅé tsɛ̀ɛ pàga ngwòŋ Jẅidea.

2 Korento 8:12

Nyìŋ náa mmó ne ntʉ̀m mbòŋo, e Ssé gwɔ́ zẅíŋe mmó gie ngàŋ nǎ, éfó pɔ́ ná gie ngàŋ gẅiin, à tè fó ná gie ngàŋ tè gẅiin wɔ́.

2 Korento 8:2

Ngʉ̀ngʉ̀ mentí mentí ne ńkúu pʉ̀a Kristo wó tá’, ntʉ́m wɔ́b ne ńkága kǎg tɛ’. Pɔ́ tsɛ ńgwɔ́ pɔ́ mepóŋ tɛ’ tá’, ńgẅiin ntʉ́m mbòŋo lénáa mmó tà á gyɔ́ɔn gyɔ̌ɔn.