Malékuse 12:35 - Nouveau Testament en Ngienboum

³⁵ Yěsô nyé *jʉ’ʉ Ssé ńne ńzí’i pʉ̀a nò Ssé, ńgɔɔn ngie: Pi kwaŋ gí ngie *pàkyàgte lepʉ̌ Mǒsê zí’i pʉ̀a ngie: *Nzà’nkÿo gẅie Ssé la ka’ ge lá’ gwɔ́ nyìŋ nà ngẅɛ̀ fùɔ Ndavíd pé’e, á lɔgɔ ńgwɔ́ lêkɔ́?

Malékuse 12:35 ပူးပေါင်းရင်းမြစ်များ

Matio 26:55

Yěsô leen ńké ńgɔɔn mbwó lá’ ngie: Pi gwǎ tó légwoon wɔ̀ɔn, ńgẅiin menně ncù lâ mekésiŋ pá’ fʉ̀’ gie pi ge ńgwoon ntsǒŋ pá’ɔɔn lêkɔ́? Mèŋ n kaa lyɛ̌’ ntsèm ńgwɔ́ pɔ́ tsetsɛ̀ɛ pi *jʉ’ʉ Ssé, ńne ńzí’i pʉ̀a nò Ssé! Pi ké tè wɔ̀ɔn gwoon.

Matio 9:27

Yěsô fó jʉ’ó ne ńgee, etsɔ́ pàfʉ̀ menÿɔ́g mépʉ́a cʉ́me nzèm yé, ńne ńga’te ńgɔɔn ngie: Nyìŋ na ngẅɛ fùɔ Ndavíd tsɔ́ɔn mezìŋe még.

Malékuse 10:1

Yěsô fó jʉ’ó, ńcʉ́me mánzsè, ńdɔg shÿó Jẅidea, ńgʉa nà yetsɔ̌ nzǐŋ ntse Jurdeŋ. Alá’ gíŋe ńcú’te lejʉ́ŋ yé tà ńgyɔ́ɔn, á leen ńzye lézí’i wɔ́b nò Ssé pá’ à laa mà mbwo yé.

Malékuse 11:27

Yěsô pâ *ngàŋa kwò yé gíŋe ńgʉa tà ńkúu Yerósalem, á kúu *jʉ’ʉ Ssé, ńne ńgwá ńgiŋte, metándá pà nùŋe pwɔ́’ pâ *pàkyàgte lepʉ̌ Mǒsê mbɔɔ mekěme lá’ tsóte nnɛ́ ńtó,

Malékuse 14:49

Mèŋ n kaa lyɛ̌’ ntsèm, ńgwɔ́ pɔ́ tsetsɛ̀ɛ pi, á *jʉ’ʉ Ssé, ńně ńzí’i pʉ̀a nò Ssé. Pi ké tè wɔ̀ɔn gwoon. Tá’, à yɔɔn nò tóo ńdɔgɔ ńgÿo mmó gie mé la ŋwe’e tsɛ̀ɛ ŋwà’ne Ssé á pumte.

Lukase 19:47

Yěsô piŋ ńgwɔ́ lyɛ̌’ ntsèm, ńně ńgwɔ́ pɔ́ tsɛ̀ɛ *jʉ’ʉ Ssé ńzí’i pʉ̀a nò Ssé, *metándá pànùŋe pwɔ́’, pâ *pàkyàgte lepʉ̌ Mǒsê mbàa *mekěm pà Yuda ne fa’a shÿó légÿo mé zẅé yé.

Lukase 20:1

Yěsô gwɔ́ tsɔ́ lyɛ̌’, ńnyé ńgwɔ́ pɔ́ tsɛ̀ɛ *jʉ’ʉ Ssé ńně ńzí’i pʉ̀a mmó ńdɔgɔ ńtsẅii Nkʉ̀ Mbòŋo mbwo lá’, *metándá pànùŋe pwɔ́’ pâ *pàkyàgte lepʉ̌ Mǒsê lâ melÿò tsɛ̀ɛ lá’ tó.

Lukase 21:37

Wɔɔn aa pá’ Yěsô lɔ̌ɔn ńzí’i pʉ̀a mmó tsɛ̀ɛ *jʉ’ʉ Ssé lyɛ̌’ ntsèm, ńgwɔ́ ncwò nzém, ńgee ndùm lekwɔ’ɔ́ sie mé tóŋo le lekwɔ’ɔ́ metÿǒ mèvɛ olive, éfa’a jʉ’, ńdá’a wó.

Ŋwà’ne Jâŋ 18:20

Yěsô tsɔ́’ɔ mbwo yé ngie: Mèŋ n kɔ̌ɔn shʉ̀ashʉ̀a ńgɔɔn nò mbwo lá’, mèŋ n kɔ̌ɔn ńzí’i pʉ̀a mmó tsɛ̀ɛ *mendá cú’tè, mbɔɔ tsɛ̀ɛ jʉ’e Ssé, á jʉ’ gie pà Yuda cú’te wó. Mèŋ n kɔ̌ɔn tě ńgɔɔn tsɔ́ nò pɔ́ ńdÿoon lÿoon wɔ́.

Ŋwà’ne Jâŋ 7:42

Ńtí nue mé la ŋwe’e tsɛ̀ɛ ŋwà’ne Ssé ngie: *Nzà’nkÿo ge lá’ fó pɔ́ nà ngẅɛ̀ ndá fùɔ Ndavíd, ńgie *Nzà’nkÿo ge lá’ fó pɔ́ Mbetélehem á gẅie áa lá’ pà fùɔ Ndavíd.