Malékuse 12:34 - Nouveau Testament en Ngienboum

³⁴ Yěsô gyá pá’ à lɔgɔ́ zsé nò ḿbÿɛ, ńgɔɔn mbwo ye ngie: Egú ngʉ̀a lékúu tsɛ̀ɛ *Lefùɔ Ssé té nyé ság wɔ́. Á fó fʉ̀’ó nyìŋ tè gíŋe fʉ’ʉ lézɛ́te Yěsô tsɔ́ nò wɔ́.

Malékuse 12:34 ပူးပေါင်းရင်းမြစ်များ

Matio 12:15

Tá Yěsô gwɔ́ tà ńzsé, éfó jʉ’ó ńgʉa. Àlá’ cʉ́me nzèm yé tà ńgyɔ́ɔn. Á gÿo megàŋa guɔ ntsèm pie é laa tsɛ̀ɛ nùɔ lá’ zeŋe.

Matio 12:20

À tě ńdá’a ḿbwɔ́’ɔ kekà’a gie á tʉ́ŋe wɔ́, é ké le pyág mmɔ̌g nà lâm gẅie à gee ḿbyě wɔ́, é ké lá’ gÿo pɔ́ pú’u, tà ntí lesá’a lá’ gie ee ndʉŋ ndʉŋ e jÿó mânyìŋ ntsèm.

Matio 22:46

Á gʉa tsetsɛ̀ɛ pà *farisay, nyìŋ tè ku’u léfó ńtsɔ́’ pɔ́ tà’a nò ná nò gie Yěsô zɛ́te wɔ́. Á fó lyɛ̌’ ŋwɛ́ nyìŋ tè gíŋe, ńgẅiin shÿɔg, lézɛ́te yé tsɔ́ nò wɔ́.

Lukase 20:40

Á fo fʉ̀’ó nyìŋ tè gíŋe ńgẅiin shÿɔ́g légíŋe ńzɛ́te yé tsɔ́ nò wɔ́.

Roma 7:9

Á laa fʉ̀’ gie n da nyé tè zsé *lepʉ̌ Ssé, ńjú’ ńgwɔ́ pɔ́ ntentʉ́, n da piŋ ńgwɔ́ tà ńzsé, létsɔ́ɔn légÿo nò tepòŋ kúu ná mèŋ,

Galatia 2:19

Á kaa fʉ̀’ gie mèŋ n ka nyě ne fa’a ngie e Ssé fó ná pá’ mèŋ n gɔɔn ngie mèŋ n kú’te *lepʉ̌, ńcʉ́’ ńdíe wɔ̀ɔn pɔ́ pá’ nyìŋ gẅie aa ndʉŋ ndʉŋ, mèŋ n jú’ ngie ńgwɔ́ á le gwɔ́ pú’u wɔ́, áa yɛ̌ tá mèŋ n cʉ́’ ńgwɔ́ ná nò *lepʉ̌ yɔɔn ńgwɔ́ pɔ́ mpfó, pú’u, ńzsé ngie n ge gwɔ́ mvfò Ssé é gwɔ́ ntentʉ́. E Ssé la zɔɔn ńteme wég Kristo mé púte wég yé ńkime nà tÿǒ nkǐ.

Kolosia 4:6

Pi gwɔ́ fʉ̀’ ntsèm ńgẅiin pɔ́ ncwò mbòŋo, ńgɔɔn pɔ́ nò gie á ge kẅéte, ńtsɔ́’ɔ nò mbwo nyìŋ pɔ́ pá’ á kě ḿboŋ ngie mé tsɔ́’.