Malékuse 12:26 - Nouveau Testament en Ngienboum

²⁶ Á gʉa nà mepfó pie é zimé nà legwé, mbà pi laa fó ńtóŋo mmó gie Mǒsê la ŋwe’e, ńda’te mmó gie e Ssé la gɔɔn né yé, á jʉ’ gie tsɔ̌ mûɔ métÿǒ laa wó, mmɔ̌g gwɔ́ mǒ wɔ́ kà? E Ssé la ne ńgɔɔn ngie: «Mèŋ, n gee Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b»

Malékuse 12:26 ပူးပေါင်းရင်းမြစ်များ

Malékuse 12:10

Á lɔɔn tè kɔ́ wɔ́, mbà pi léen ńtóŋo jʉ’e ŋwà’ne Ssé gie á gɔɔn ngie: «Tóon gẅie pàpwóon ndá la gwá’ léen ńcʉ́’ʉ tóon gẅie yé zɔ pi’ ndá».

Malékuse 12:25

Pi zsé ngie mé ge lá’ zíme nà legwé, mbàŋa mbɔɔ panzwě le gíŋe ńzɔ́’ wɔ́. Pɔ́ cʉ́’ ńgwɔ́ pɔ́ pá’ *mecÿɔ́’ Ssé pie ée tÿǒ lepwó.

Lukase 20:37

Kwà’ Mǒsê la shʉ̀ashʉ̀a ńda’te ngie epʉ̀a ge lá’ zíme nà legwé. Áa nà jʉ’e ŋwà’ne gie à la ŋwe’e nà nò mûɔ métÿǒ gẅie à la gyá mmɔ̌g mǒ, á tóŋo Cʉ̀apʉ̀a le, e Ssé Ábalam, ńgwɔ́ Ssé Esâg, ńgwɔ́ Ssé Yakwɔ́b,

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Roma 11:2

E Ssé kaa gwá’ pʉ̀a pé pie à la tʉ́ njÿó ńtsɔ́’ɔ wɔ́b gwɔ́. Á ge gǎ wɔ́ pi ne ńzsé jʉ’ʉ ŋwà’ne Ssé gie áa mǒ *Elîɛ ne shwóŋó Ssé mmó gie pà Israel gÿǒ,