Malékuse 12:17 - Nouveau Testament en Ngienboum

¹⁷ Á gɔɔn né pɔ́b ngie: Á lɔɔn ńgwɔ́ pú’u, pi náa mmó Kása mbwo Kása, ńnáa ye Ssé mbwo Ssé. Pɔ́ jú’ ntí gie à lɔ̌g ńtsɔ́’, á pú ńkʉ’ʉ wɔ́b tɛ’. Ncwò wɔ́b júm.

Malékuse 12:17 ပူးပေါင်းရင်းမြစ်များ

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Matio 22:22

Pɔ́ jú’ pá’ à tsɔ̌’ pú’u, á cʉa wɔ́b. Pɔ́ nyé yé jʉ’ó, ńgʉa.

Matio 22:33

Menùɔ lá’ mie é laa jʉ’ó la ne ńgɔ’te ntí gie Yěsô lɔgɔ ńzí’i pʉ̀a mmó pú’u.

Matio 22:46

Á gʉa tsetsɛ̀ɛ pà *farisay, nyìŋ tè ku’u léfó ńtsɔ́’ pɔ́ tà’a nò ná nò gie Yěsô zɛ́te wɔ́. Á fó lyɛ̌’ ŋwɛ́ nyìŋ tè gíŋe, ńgẅiin shÿɔg, lézɛ́te yé tsɔ́ nò wɔ́.

Matio 8:10

Yěsô jú’u yɔ̀ɔn shwóŋò gie á kẅɛ̌ ncwò tándá ncù ńgɔ’te yé, ésele nnɛ́ ńgɔɔn mbwo lá’ gie aa nzèm yé ngie: Mèŋ shwóŋó gẅí, kwà’ nénʉ́, mbɔɔ tsɛ̀ɛ ngwòŋ pà Israel, mèŋ n kaa gyá tsɔ́ nyìŋ gẅie à zǎb ntʉ́m ná mèŋ pá’ yé wɔ́.

Malékuse 12:16

Wɔɔn ée shÿó wɔ́ gẅie ée nà nkáb? Sɔɔn gwɔ́ lezíŋ wɔ́ sie ée mǒ? Pɔ́ tsɔ́’ɔ mbwo yé ngie: Ée we Kása, lezíŋ gíŋ ńgwɔ́ pɔ́ sé.

Malékuse 12:30

Kwoŋo Cʉ̀apʉ̀a Ssé ɔ̀ lê ngwòŋ ntʉ́m ɔ́ ntsèm, ńtÿɔ́g pɔ́ yé mvfò nà jú kɔ̀ɔkɔ́ɔ, ńzáb nkwaŋá gú ndà’ ná yé, ḿbiŋ ńdɔg metʉ̀ mú ntsèm fa’a mbwo yé»

Lukase 20:25

Yěsô lêen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa ye Kása mbwo Kása, ńnáa ye Ssé mbwo Ssé.

Roma 12:1

Mefɛ́ pɔ́ɔn, pá’ Ssé léen ḿbú ńtsɔ́ɔn mezìŋe mégè la, mèŋ n ne ńgɔɔn mbwo pi ngie pi pú ńná mbùm gi mbwo yé pá’ shúm pwɔ́’ la, ńcʉ́’ʉ ńnéŋe ńjú’u pɔ́ mbwo yé, ńgwɔ́ pɔ́ pʉ̀a pé ndà’, ńgÿo pɔ́ mmó gie á ge poŋo yé. Legÿo pú’u, aa legu’te Ssé nà ntí yé mbòŋo.

Roma 13:7

Pú’u la, á gʉa nà pàsá’ ngwòŋ, pi náa mmó gie á ne ńzɛ́te ngie pi náa mbwo wɛ̌ nyìŋ wɔ́ né yé. E lɔɔn ńgwɔ́ ncùb ngwòŋ, pi náa mbwo nyìŋ gẅie à kẅé ncùb ngwòŋ, ńgwɔ́ nkáb gie *lepʉ̌ ne ńzɛ́te mbwo pi ná tsɔ́ nò, pi náa mbwo nyìŋ gẅie à kẅé yɛ̌. Pi jú’ ncwò nyìŋ gẅie á ne ńzɛ́te ngie mé jú’ ncwò wé, ńná mekù’ nyìŋ gẅie á ne ńzɛ́te ngie mé ná mekù’ mé.

Roma 6:13

Tà pi gíŋe ńdɔg mekèm mbùm mí ńgÿo nò tepòŋ pá’ mé lɔgɔ shúm ncù ńgÿo menò tepòŋ. Tà ńcʉ́’ pú’u, pi pú ńnyé mbùm gi mbwo Ssé ńgwɔ́ kwà’ pʉ̀a pie é ka kwě ḿbiŋ ńzím. Pi lɔg mekèm mbùm mí ńgÿo shúm sie pi ge lɔg gÿo mmó gie áa ndʉŋ ndʉŋ.

1 Piɛ 2:17

Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.