Malékuse 12:15 - Nouveau Testament en Ngienboum

¹⁵ Yěsô gyá pá’ pɔ́ gwɔ́ pɔ́ pà nkwòŋ menÿɔ́g, ńtsɔ́’ɔ mbwo pɔ́b ngie: Pi kwà’te wɔ̀ɔn mélà’a kɔ́? Pi lɔgɔ pàga nkáb ńtó ńnyɛɛ wɔ̀ɔn, pɔ́ lɔgɔ pàga nkáb ńtó, á zɛ́te wɔ́b ngie:

Malékuse 12:15 ပူးပေါင်းရင်းမြစ်များ

Matio 20:2

Pâ megàŋa fà’ lʉ’te pá’ à ge náa tà’a pàga nkába mbwó tà’ nyìŋ ná lyɛ’ɛ́ lá’. Á leen ńké ńtsẅi pɔ́ gʉa né nká’ yé.

Matio 22:18

Tá Yěsô zsé nkwaŋá tepòŋ wɔ́b, ńgɔɔn né pɔ́b ngie: Pànkwòŋ menÿɔ́g, pi kwa’te wɔ̀ɔn mélà’a kɔ́?

Malékuse 10:2

Epʉ̀a nà nùɔ pà *farisay tó yɔ́b, ńgwɔ kwà’te yé, ńzɛ́te yé ngie: Tà áa pé’e *lepʉ̌ ségè zẅíŋ ngie nyìŋ jwoŋo nzwé we?

Malékuse 12:14

Pɛ̌ pʉ̀a tó ńgɔɔn né yé ngie: Tsítsà, peg ne ńzsé ngie ɔ̀ gɔɔn nò, á gwɔ́ nénʉ́, ḿbiŋ ńgɔɔn té pɔ́gɔ nyìŋ, ɔ̀ tè líe nyìŋ mesoŋ pɔ́ nà shÿó wɔ́, ńda’te nò nénʉ́ pɔ́ pá’ Ssé ne ńzɛ́te ngie mé gÿo pú’u, shwóŋó wég, tà áa pé’e *lepʉ̌ lá’ ségè zẅíŋ ngie pege ma’ ncùb ńnáa mbwo Kása pà *Roma kà ngǎŋ?

Malékuse 12:16

Wɔɔn ée shÿó wɔ́ gẅie ée nà nkáb? Sɔɔn gwɔ́ lezíŋ wɔ́ sie ée mǒ? Pɔ́ tsɔ́’ɔ mbwo yé ngie: Ée we Kása, lezíŋ gíŋ ńgwɔ́ pɔ́ sé.

Lukase 20:23

Yěsô zsé ngie pɔ́ zẅí’i pɔ́ ncwò we, ńgɔɔn né pɔ́b ngie:

Ŋwà’ne Jâŋ 21:17

Ńgíŋe ńzɛ́te yé nà mbɔ́ɔntè yétá ngie: Símo míŋ Jâŋ: Tà ɔ̀ kwoŋo wɔ̀ɔn? Eshÿó Piɛ sẅɛ́’, á nue Yěsô zɛté yé taa ngʉ̀a ntá ngie tà à kwoŋo yé wɔ́. Á lêen ńké ńtsɔ́’ ngie: Cʉ̀apʉ̀a, ɔ̀ zsé ngwòŋo nò ntsèm, ɔ̀ zsě ngie mèŋ n kwoŋo gú. Yěsô gɔɔn né yé ngie: pféle *menjʉ̀njÿò mɔ́ɔn.

Ŋwà’ne Jâŋ 8:6

Pɔ́ gɔɔn pú’u, é gwɔ́ pɔ́ lejÿɔ’ lélɔg ńgwoon yé. Pɔ́ fa’a ndiletáŋ lélɔg sẅiŋe yé. Tá’ Yěsô ŋwé’e ssé, ńzye lélɔgɔ mûɔ tepwó we, ńŋwe’e mmó ssé.

Megàŋ ntúm 5:9

Piɛ lêen ńké ńgɔɔn né yé ngie: Pi lɔgɔ yɛ̌ shÿɔ́g tá ńtóo ńkwa’te Zẅìge Cʉ̀apʉ̀a? Jú’ pá’ pʉ̀a ée ncwò ndá ńgiŋe, pɔ́ fóo ńtuŋ ndǔm gu. Tá pɔ́ ge kaa gú jú lɔg gʉa túŋ mo.

1 Korento 10:9

Pege pɔ́ɔn létsiŋe Cʉ̀apʉ̀a tsiŋé. Á piŋ ńgwɔ́ pá’ tsɔ́ pʉ̀a tsetsɛ̀ɛ pɔ́b la gÿo tá menú tsɔ́gte wɔ́b pɔ́ kwéte.

Heber 4:13

Áa mvfò Ssé tsɔ́ mmó té lelyěen wɔ́, á tsɛ̀ɛ yɔɔn njÿó gie à la nyɛte. À gyá shúm ntsèm, à má’ nÿɔ́g ḿbú ńgyá kɔ̀ɔkɔ́ɔ pɔ́ pá’ á gwɔ́. Pege ge gÿo pú tyé mvfò ye é píte ncwò wégè.

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.