Malékuse 12:1 - Nouveau Testament en Ngienboum

¹ Yěsô tsɔ́’ pú’u, ńzye lélɔg *sagá nò ńgɔɔn né pɔ́b ngie: Atsɔ̌ ndÿò lǎ’ ńgẅiin nká’ wé, ńgʉa wó, ḿbye metÿǒ mie mé kyéen mentɔ̌ɔn ńdɔgɔ ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’, ńtúŋo jʉ’ gie mé ge kyéen mentɔ̌ɔn wó, ḿbiŋ ḿbwóon tà’ shʉa ndá gẅie mé ge kwɔ́’ɔ tyé tsoló tá pyɛ́bɛ nká’, ńgÿo pú’u, ńcʉ́me nká’ mbwo pà nyɛte melù’ ńdeen ńgʉa nê legìŋ.

Malékuse 12:1 ပူးပေါင်းရင်းမြစ်များ

Matio 13:3

Á lɔg mesagá nò éshwóŋó wɔ́b menò tà é gyɔ́ɔn gyɔ̌ɔn, ńgɔɔn né pɔ́b ngie: Tsɔ̌ nyìŋ lǎ’ ńgʉa ḿmá’ mbyè mmó,

Matio 21:28

Yěsô gíŋe ńgɔɔn ngie: Pi jú’u yɔɔn nò, éshwóŋó wɔ̀ɔn gí nò gie pi kwaŋá mǒ. Àtsɔ̌ nyìŋ lǎ’ ńgẅiin penkʉ́ pé mépʉ́a, ńgɔɔn mbwó mvɔ́g mvfò ngie: Míŋ wɔ̀ɔn, gʉa nká’ lyɛ̌’ yɔɔn ńzɔ́gɔ wó fa’.

Matio 21:33

Yěsô gɔɔn ngie: Pi gíŋe ńjú’ tsɔ̌ sagá nò. Àtsɔ̌ ndÿò lǎ’ ńgẅiin jʉ’ʉ nká’ yé, ńgʉa wó ḿbye metÿǒ mie mé kyéen mentɔ̌ɔn ńdɔg ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’ ńtúŋo jʉ’ gie mé ge kyéen mentɔ̌ɔn wó, ḿbwóon tà’ shʉ̀a ndá gẅie mé ge kwɔ́’ɔ tyé tsɛ̀ɛ wó tá pyɛ́bɛ nká’, ńgÿo pú’u, ńcʉ́me nká’ mbwó pànyɛte melù’, ńdeen ńké ńgʉa lé túm

Matio 21:34

Àfʉ̀’ʉ lékáb ntɔ̌ɔn tÿǒ gÿo ńku’, á túm megàŋa fà’ pé mbwó pʉ̀a pie ée nká’ ngie pɔ́ gʉa ńkẅé mé mentɔ̌ɔn tÿǒ ńdɔg ńtó.

Matio 25:14

Á ge lá’ gwɔ́ pɔ́ pá’ nò nyìŋ gẅie à la cʉ́’ʉ légʉa legiŋ, ńtóŋ megàŋa fà’ pé, ńnyé nkáb ye mbwó pɔ́b,

Malékuse 11:33

Pɔ́ kwaŋ pú’u, ńcʉ́’ ńtsɔ́’ pɔ́ ngie: Peg kaa zsé. Yěsô gɔɔn né pɔ́b ngie, á lɔɔn ńgwɔ́ pú’u, mbà mbɔɔ mèŋ yɔ́ɔn, n tè shwoŋo gẅi nyìŋ gẅie mèŋ n dɔgɔ lezíŋ sé ńgÿo mɔɔn menò wɔ́.

Malékuse 13:34

Menò fʉ̀’ ayɛ̌ ge gÿo gwɔ́ pá’ nò nyìŋ gẅie à cʉ́’ʉ légʉa legìŋ, ńcʉ́me ndá ye mbwo ngàŋa fa’ yé, ńnáa fà’ gie wɛ̌ nyìŋ wɔ́ ge cʉ́’ ne fa’a, ńdeen ńké ńtsẅii mbwo nyìŋ gẅie à pyɛ́bɛ ncwò nká’ ngie tà á gwá’a lÿɔg ńdyé.

Malékuse 3:23

Yěsô tóŋo wɔ́b pɔ́ tó, á saga mbwo pɔ́b ngie: Tà áa nénʉ́ ngie à lɔɔn ńgwɔ́ Sátà sele ńjwoŋo twó mbùm yé lá?

Malékuse 4:2

Á la lɔg *sagá nò ńzí’i wɔ́b menò tà é gyɔ́ɔn gyɔ̌ɔn, ńne ńzí’i wɔ́b ńgɔɔn ngie:

Lukase 15:13

é gwaa cʉa lyɛ̌’ shÿɔ́’ɔ tsɔ́ wɔ́, múɔ wá sẅiŋ sé shúm, ńdɔg nkáb ńgʉa lê túm, ńkúu zɔ́gɔ tepòŋ, ḿbú ńcʉŋte nkáb ya,

Lukase 19:12

Atsɔ̌ mûɔ ntɔ́’ lǎ’ ńdu ssé ńgʉa tàa túm pá’ mé ge lɔgɔ yé gÿo fùɔ ntÿɔ́’ tá à piŋ nzèm, ésá’a yé pàga lá’.

Lukase 22:9

Pɔ́ zɛ́te yé ngie: Ɔ kwǒŋ ngie: Peg gʉa nzɔ̌ ńcwoŋte?

Lukase 8:10

Á gɔɔn mbwo pɔ́b ngie: E Ssé la gÿo ngie pi pɛ zɔ zsé nò nénʉ́ nà lefùɔ sé sie ée lelyěen. Tá á gʉa ná petsɔ́ pʉ̀a pɔ́ jú’ yɔ́b pɔ́ ndà’ sag legʉa, ńké tè jú’u mmó gie mé lɔgɔ ńgɔɔn wɔ́. Á lɔgɔ ḿbumte ná pá’ mé la ŋwe’e tsɛ̀ɛ ŋwà’ne Ssé ngie: «Pɔ́ ge ne líe jʉ’ pɔ́ le gyá, é ne jú’u, pɔ́ le jú’ tà ńjú’ wɔ́»

Megàŋ ntúm 7:38

Mǒsê zɔ gíŋe ńgwɔ́ nyìŋ gẅie á laa fʉ̀’ gie pàmangʉa njʉ’ pégè la cú’te nkwòŋo tsẅɛ, á tyé tsetsɛ̀ɛ pɔ́b lâ *cÿɔ́’ Ssé gẅie à lɔ̌ɔn cʉ́me nò mbwo yé á ndùm lekwɔ’ɔ́ Sinay. Kwà’ yé Mǒsê zɔ la kẅé shwóŋe gie á gÿo mé gwɔ́ wó léná né pege.