Malékuse 11:14 - Nouveau Testament en Ngienboum

¹⁴ Á gɔɔn né tÿǒ ŋwɛ́ ngie: Nyìŋ tě ńdá’a ńgíŋe ńjÿó mentɔ̌ɔn mú wɔ́, ńgwaa gɔɔn, *ngàŋa kwò yé ne ńjú’u.

Malékuse 11:14 ပူးပေါင်းရင်းမြစ်များ

Matio 21:19

Á gyá tÿǒ mbÿě ngem ngʉ̀ŋe mánzsè, ńgʉa tsìŋe wó, ńgyá pɔ́ ndà’ meffo mǒ, ńgɔɔn né tÿǒ ayɛ̌ ngie: Ɔ̀ tě ńdá’a ńgíŋe ńzéme ntɔ̌ɔn wɔ́! Àtÿǒ ayɛ̌ gwóon ńjúm.

Matio 21:33

Yěsô gɔɔn ngie: Pi gíŋe ńjú’ tsɔ̌ sagá nò. Àtsɔ̌ ndÿò lǎ’ ńgẅiin jʉ’ʉ nká’ yé, ńgʉa wó ḿbye metÿǒ mie mé kyéen mentɔ̌ɔn ńdɔg ńnyɛte melù’, ḿbwóon nkàŋ nká’ ńdɔg ḿbú ńkíle, ńgʉa tsɛ̀ɛ nká’ ńtúŋo jʉ’ gie mé ge kyéen mentɔ̌ɔn wó, ḿbwóon tà’ shʉ̀a ndá gẅie mé ge kwɔ́’ɔ tyé tsɛ̀ɛ wó tá pyɛ́bɛ nká’, ńgÿo pú’u, ńcʉ́me nká’ mbwó pànyɛte melù’, ńdeen ńké ńgʉa lé túm

Matio 21:44

Tóon ŋwɛ́ aa gẅie nyìŋ lɔɔn ńgwe mǒ, mbà ngàŋ ge pwɔ́’te, á piŋ ńgwe ná nyìŋ, mbà à ge pú gwɔ’ɔ ngàŋ.]

Matio 3:10

Mé ně ńzɔɔn ndá’ ńkaa ńzɔɔn lélɔg ńkɔ́’ɔ yɛ̌ yɛ̌ tÿǒ wɔ́ gie á té zém ntɔ̌ɔn mbòŋo wɔ́, éfó ssé kɔ́’ɔ yé, e ké ma’ pɔ́ mmɔ̌g

Matio 7:19

Àtÿǒ gie á té zém ntɔ̌ɔn mbòŋo wɔ́, mé kɔ́’ ńtuɔ mmɔ̌g.

Malékuse 11:13

Á mma’ lejÿɔ́g, ńgyá tÿǒ mbÿě ngem, meffo mé ne sẅéte, á gʉa letsìŋe ngie kà à ge gyá ntɔ́ɔn mǒ wɔ́, ńkúu jʉ’ó, ńgyá é gwɔ́ pɔ́ ndà’ meffo. Á zɔɔn ńgwaa gwɔ́ á té fʉ̀’ gie mbÿě ngém áa ńzéme wɔ́.

Malékuse 11:15

Pɔ́ gʉa tà ńkúu Yerósalem, Yěsô gʉa *jʉ’ʉ Ssé, ńzye létág pʉ̀a pie ée wó sẅiŋe shúm pâ pàjúu, ńtsó mekǔ metʉ̌a pàkúbe nkáb ḿma’a ssé, ńtág mekwɔ́’ɔ pàsẅiŋ mekàpʉ̀ŋ,

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

2 Piɛ 2:20

E pʉ̀a lɔɔn ńzɔɔn ńdɔg pá’ pɔ́ zsé Cʉ̀apʉ̀a Yěsô Kristo gẅie à gÿo pege tsẅɛ́ɛ, éfó nà ncÿǒ gẅie ée tsɛ̀ɛ njÿó ńkẅɛ, ńgÿo ńgíŋ ḿbiŋe tsoló, ńzẅíŋ sɛ̌ shúm pú ńjÿó wɔ́b, mbà pɔ́ ge pÿɔ́g tà cʉa pá’ pɔ́ ka zɔɔn ńgwɔ́.

Ŋwà’ne Ngyà jʉ’ 22:11

Pú’u la, nyìŋ lɔɔn ńgwɔ́ gie à tè ne ńgÿo mmó gie áa ndʉŋ ndʉŋ mvfò Ssé wɔ́, á ké ńgÿo pɔ́ pú’u, ńdɔg ńgʉa lé mvfò. Nyìŋ gẅie ncÿǒ ée ná yé, à gíŋ ńkẅi’i ńnéŋ ncÿǒ ná yé. Tá nyìŋ gẅie à ne ńgÿo mmó gie áa ndʉŋ ndʉŋ mvfò Ssé, á ke ńgíŋe ńkẅi’i ne ńgÿo pɔ́ mmó gie áa ndʉŋ ndʉŋ. Nyìŋ gẅie aa nyìŋ Ssé, à ké ńgíŋe ńkẅi’i ńgwɔ́ pɔ́ wɛ̌.