Malékuse 10:47 - Nouveau Testament en Ngienboum

⁴⁷ Á jú’ ngie Yěsô mûɔ Nǎzarɛd zɔ ne ńcʉa, ńkwé’e ngyè ye ńnáa tÿǒ, ńzye légɔɔn ngie: Yěsô gù gẅie ɔɔ na ngẅɛ̀ fùɔ Ndavíd, tsɔ́ɔn mezìŋe mɔ́ɔn.

Malékuse 10:47 ပူးပေါင်းရင်းမြစ်များ

Matio 1:1

Mezíŋ pàmangʉa njʉ̀’ Yěsô Kristo gẅie aa na ngẅɛ fùɔ Ndavíd, éfóo na ngẅɛ Ábalam e mɔɔn:

Matio 12:23

Àlá’ ntsèm pú ńgyá ḿmɔɔn tɛ’, ńgɔɔn ngie: Ndyɛ̀’ tsɔ́ aa nyìŋ na ngẅɛ fùɔ Ndavíd wɛ̌.

Matio 15:22

ńkúu wó, àtsɔ̌ manzwě Kanaan fó wó ńtó, ńzye léga’te, ńgɔɔn ngie: Cʉ̀apʉ̀a, nyìŋ na ngẅɛ fùɔ Ndavíd! E *Ssé tepòŋ pǔ ne ńgege míŋ wɔ̀ɔn we manzwě tɛ’.

Matio 2:23

ńgʉa tà ńkúu wó, ńně ńtsẅé tsɛ̀ɛ tsɔ̌ tÿǒsoŋ, mé tóŋo lê Nǎzarɛd, á lɔgɔ ḿbumte ná pá’ pà *ntsẅì nkʉ̀ Ssé la tʉ́ njÿó ńgɔɔn nò ná *Nzà’nkÿo ngie: «Mé ge lá’ tóŋo yé lê nyìŋ Nǎzarɛd».

Matio 20:30

Etsɔ́ pàfʉ́ menÿɔ́g mépʉ́a pie e ńnéŋe ngʉ̀ŋe mánzsè, jú’ ngie Yěsô ne ncʉà jʉ’ó, ńzye lega’te, ńgɔɔn ngie: Cʉ̀apʉ̀a nyìŋ na ngẅɛ fùɔ Ndavíd tsɔ́ɔn mezìŋe meg.

Matio 21:11

Àlá’ tsɔ́’ ngie: Aa Yěsô á *ntsẅì nkʉ̀ Ssé, à fóo tÿǒsoŋo Nǎzarɛd nà pàga ngwòŋ Galilea.

Matio 21:9

Àlá’ gwɔ́ mvfò, yetsɔ́ gwɔ́ nzèm, ńgiŋe ńgɔɔn ngie: “Gugẅî”! Mbwó nyìŋ na ngẅɛ fùɔ Ndavíd Mbʉ́lè gwɔ́ né nyìŋ gẅie à tóo ná lezíŋ Cʉ̀apʉ̀a. Gugẅî mbwó Ssé tàa tÿǒ lepwó

Matio 26:71

Ńdeen ńké ńgʉa ńnéŋe né ncwò nká’. Wetsɔ̌ ngàŋa fà’ we manzwě gyá yé, ńgɔɔn né pʉ̀a pie é laa jʉ’ó ngie: Nyìŋ wɔɔn pɔ́ Yěsô nyìŋ Nǎzarɛd ka gwɔ̌.

Matio 9:27

Yěsô fó jʉ’ó ne ńgee, etsɔ́ pàfʉ̀ menÿɔ́g mépʉ́a cʉ́me nzèm yé, ńne ńga’te ńgɔɔn ngie: Nyìŋ na ngẅɛ fùɔ Ndavíd tsɔ́ɔn mezìŋe még.

Malékuse 1:24

Yěsô, mûɔ Nǎzarɛd, pege gẅiin kɔ́? Ɔ ka fɔ̌ɔn ńtó pɔ́ lépyága wég ka? Mèŋ n ne ńzsé gú. Ɔ fóo lejʉ́ŋ Ssé, ńgwɔ́ Míŋ we.

Lukase 4:16

Yěsô lá’ ńnéŋe tà ḿbiŋe Nǎzarɛd, á jʉ’ gie à la gú’u wó. Alyɛ̌’ɛ nzsé yɔ́b ku’. Á gʉa *ndá cú’tè pà Yuda pá’ aa ńzɔɔn ńgee. Afʉ̀’ ku’, á lu ssé létóŋo ŋwà’ne Ssé.

Ŋwà’ne Jâŋ 1:46

Natanayɛl gɔɔn né yé ngie: Tà mé lǎ zɔɔn ńgyá mmó mbòŋo fó Nǎzarɛd? Filib tsɔ́’ɔ mbwo yé ngie: Tóo, ɔ̀ ge gyá.

Ŋwà’ne Jâŋ 19:19

*Pilato gÿo mé ŋwe’e mmó, ńkime nà tÿǒ nkǐ. Á gwɔ́ mǒ ńgwɔ́ ngie: Yěsô nyìŋ Nǎzarɛd, fùɔ pà Yuda.

Ŋwà’ne Jâŋ 7:41

Petsɔ́ ne ńgɔɔn ngie yé zɔɔ *Nzà’nkÿo. Tá’, petsɔ́ ne ńgɔɔn yɔ́b pɔ́ ngie *Nzà’nkÿo lɔɔn ńgwɔ́ á le fó Galilea wɔ́.

Ŋwà’ne Jâŋ 7:52

Tá petsɔ́ pʉ̀a tsɔ́’ɔ mbwo yé ngie: Ɔ̀ɔ jú nyìŋ Galilea ka? Ɔ̀ lɔɔn fa’ mboŋó, mbà ɔ̀ ge gyá ngie tsɔ̌ *ntsẅì nkʉ̀ Ssé laa kẅɛɛ Galilea wɔ́.

Megàŋ ntúm 6:14

Peg ka fó ńzɔɔn ńjú’ á gɔɔn ngie Yěsô nyìŋ Nǎzarɛd áwɛ̌ ge gÿo sa’ ndá Ssé yege, é piŋ kúbe mà gẅie Mǒsê la náa mbwó pege.

Ŋwà’ne Ngyà jʉ’ 22:16

Yěsô ne ńgɔɔn ngie: Mèŋ n tumó cÿɔ́’ wɔ̀ɔn ngie à gʉa ńtsẅi mɔɔn menò mie ée nénʉ́ mbwo pi, ńzsé ngie mé ge gɔɔn mbwo mecú’tè pʉ̀a pɔ́ɔn. Mèŋ n gee lejÿɔ́g mmó sie é fóo nà leŋaŋ fùɔ Ndavíd, ńgwɔ́ cÿɔ́’ sàŋ gẅie à kwɔ̌’ ńjÿó gwóon ńdʉ́a.