Malékuse 10:43 - Nouveau Testament en Ngienboum

⁴³ Tá’, á ké tè poŋ ngie à gwɔ́ tsetsɛ̀ɛ pi ńgwɔ́ pú’u wɔ́. Nyìŋ lɔɔn ńne ńkwoŋo légwɔ́ ndÿò tsetsɛ̀ɛ pi, mbà á poŋ ngie à sele ńcʉ́’ʉ ménkʉ́ gẅi.

Malékuse 10:43 ပူးပေါင်းရင်းမြစ်များ

Malékuse 10:42

Yěsô tóŋo wɔ́b métsèm, pɔ́ tó, á gɔɔn né pɔ́b ngie: Pi ne ńzsé ngie mefùɔ pàtè zsě Ssé gwɔ́ sá’a lá’, ńnɔ’ pʉ̀a nɔ’, memǎ pʉ̀a ne sẅɛ́ɛ lá’ sẅɛ́.

Malékuse 10:44

Nyìŋ lɔɔn ńne fa’a légwɔ́ ndÿò tsetsɛ̀ɛ pi, mbà á poŋ ngie à zẅíŋ nkwɔ̀ɔn mânyìŋ ntsèm.

Malékuse 9:35

Yěsô leen ńké ńnéŋe ssé, ńtóŋ *ngàŋa kwò yé ntsɔ̀b pʉ́a nê legém, éshwóŋó wɔ́b ngie: Nyìŋ gẅi lɔɔn ne fa’a létyé ńgwɔ́ mvɔ́g mvfò, mbà á poŋ ngie à zẅíŋe légwɔ́ nzèm, éfa’a mbwo pʉ̀a metsèm,

Lukase 14:11

Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà Ssé ge sẅé’e yé náa ssé, ésẅé’e mbùm ye ńnáa ssé, mbà Ssé ge pʉ’ʉ yé tÿɔ́g tÿɔ́g.

Lukase 18:14

Yěsô ma’a twó yɔɔn nò ngie: Tà mèŋ n ké shwóŋó gẅí, wɔ̀ɔn nkẅè ncùb la gwaa piŋ lê ndá yé, e Ssé tè nyé ne ńda’a yé wɔ́. Tá, ńké ńgʉa ná nyìŋ pà *farisay wɛ̌, e Ssé ké ne ńdá’a yé la’. Áa pú’u, tá ńgwɔ́ gie nyìŋ lɔɔn ńŋá’te nnɛ́, mbà mé ge sẅé’e yé náa ssé, ésẅé’e nnɛ́, mbà Ssé ge pʉ’ʉ yé tÿɔ́g tÿɔg.

Lukase 22:26

Tá’, tà pi fʉ’ʉ wɔ́b. Tà ńcʉ́’ pú’u, nyìŋ gẅie aa tsetsɛ̀ɛ pi ńgwɔ́ ndÿò zɔ sele ńcʉ́’ʉ menkʉ́, nyìŋ gẅie à piŋ ńtyé mvfò pi, ésá’a gẅí, à gwɔ́ pɔ́ pá’ ngàŋa fà’ gẅi la.

Lukase 9:48

ńgɔɔn mbwo *ngàŋa kwò yé ngie: Nyìŋ lɔg lezíŋ sɔ́ɔn, ńkúe mûɔ mémúɔ wɔɔn, mbà ngàŋ kúe pɔ́ wɔ̀ɔn. Nyìŋ piŋ ńkúe wɔ̀ɔn, mbà à tě ńkúe pɔ́ wɔ̀ɔn ndà’ wɔ́, à kúe pɔ́ nyìŋ gẅie à la túmo wɔ̀ɔn. Pi zsé mboŋó ngie nyìŋ gẅie aa tsetsɛ̀ɛ pi à tè nyɛ nnɛ́ wɔ́ zɔɔ kwà’ ndÿò

Ŋwà’ne Jâŋ 18:36

Yěsô tsɔ́’ ngie: Esɔ́ɔn lefùɔ té se yɔɔn njÿó wɔ́. Lefùɔ sɔ́ɔn ke ńgwɔ́ se yɔɔn njÿó, mbà pʉ̀a pɔ́ɔn ně ńtág nzèm yɔ̀ɔn, tà mé té wɔ̀ɔn mbwo mekěm pà Yuda néŋ. Tá’, mèŋ n kě ńgɔɔn ngie sɔ́ɔn lefùɔ ké tè se yɔɔn njÿó wɔ́.

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.