Malékuse 10:40 - Nouveau Testament en Ngienboum

⁴⁰ Tá’, á gʉa nà leneŋé nyìŋ nà gwoŋó pwó yɔ́ɔn ye tʉ̀ kà pɔ́ ye kyɛ̀be wɔ́, mbà mèŋ n zɔ tè gẅiin lénná né nyìŋ wɔ́, esɛ̌ jʉ’ ée se pʉ̀a pie Ssé la nyɛte ńdɔgɔ ḿbyɛ́bɛ wɔ́b.

Malékuse 10:40 ပူးပေါင်းရင်းမြစ်များ

Matio 13:11

Yěsô tsɔ́’ɔ mbwó pɔ́b ngie: E Ssé lá gÿó ngie pi pɛ zɔ zsé nó nénʉ́ na lefùɔ sé sie ée lelyěen, ńgʉa nà petsɔ́ pʉ̀a à tè gÿo ngie pɔ́ zsé wɔ́.

Matio 20:23

Yěsô gɔɔn né pɔb ngie: Pi ge gÿo nú ntú’ yɔ̀ɔn. Tá, ńgʉa nà leneŋé nyìŋ nà gwoŋó pwó yɔ́ɔn ye tʉ̀ ka pɔ́ ye kyɛ̀bɛ wɔ́, mbà mèŋ n zɔ tè gẅiin léná né nyìŋ wɔ́. Tá wɔ̀ɔn zɔ ne ńzsé pʉ̀a pie à la nyɛte sɛ̌ jʉ’ ńdɔgɔ ḿbyɛ́bɛ wɔ́b.

Matio 25:34

Fùɔ leen ńké ńgɔɔn né pʉ̀a pie ée nà gwǒŋo pwó yé ye tʉ̀ ngie: Pi pie tá wɔ̀ɔn kěen ńnéŋ mbʉ́lè ná pi, pi tó ńkúu tsɛ̀ɛ lefùɔ sie e Ssé la lá’ nyɛte ńdɔg ńzẅí’te gẅi tà fó lénuŋe ngwòŋ.

Ŋwà’ne Jâŋ 17:2

Ɔ̀ la ná metʉ̀ mbwo yé lélɔg ńdíe pʉ̀a mesoŋ, ńzsé ngie à ge náa légwɔ́ tèmì, á mbwo pʉ̀a metsèm pie ɔ̀ la náa mbwo yé.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

Megàŋ ntúm 1:7

Yěsô tsɔ́’ɔ mbwo pɔ́b ngie: Pi zɔ tè gẅiin lézsé kà fʉ̀’ wɔ́, ka lyɛ̌’ gie mɛ̌ menò ge gÿo wɔ́. Tá gíle yé zɔ la kwaŋte ńzáb.

Heber 11:16

Atsɔ̌ légÿo pú’u la tè gíŋe ńgwɔ́ wó mbwo pɔ́b wɔ́, á nue pɔ́ la cʉ́’ʉ ńtsɔ́ɔn pɔ́ tsɔ́ lá’ gie á poŋ ńcʉa yé yɛ̌, á lá’ gie áa tÿǒ lepwó. Áa mmó gie á gÿo e Ssé lɔg pɔ́ lekág ńzẅíŋ ngie mé tóŋo yé lê Ssé yɔb. À la zɔɔn ńnyɛte tà’a tÿǒsoŋ ńne ńdɔgɔ ńzẅí’te wɔ́b.