Malékuse 10:34 - Nouveau Testament en Ngienboum

³⁴ Pɔ́ zoonte yé, ńtsɔg metyé ná ye, ńdɔg ngwɔ̀ɔn ńcúa yé, ńzẅé yé, à piŋ ńzíme nà legwé nà mbɔ́ɔntè lyɛ̌’ tá.

Malékuse 10:34 ပူးပေါင်းရင်းမြစ်များ

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 26:67

Pɔ́ leen ńké ńtsɔg metyé shÿó Yěsô, ńtsẅiŋe yé, petsɔ́ pʉ̀a ne ńtéme mbwó letuŋó yé,

Matio 27:63

ńgɔɔn né yé ngie: Ànkwɔbɔ́, peg ne ńkímte tsɔ́ nò. Àngàŋa cÿɔ̌ nò wɛ̌ ka nyé ntentʉ́, ńgɔɔn ngie: Meŋ n ge lá’ zime nà legwé na mbɔɔnte lyɛ̌’ tá

Malékuse 14:63

*Nùŋe pwɔ́’ we lÿò jú’ pú’u, ésele *shʉate menzsǒ mé, ńgɔɔn ngie: Pege giŋé fa’a pɔ́ yɛ̌ ntí pà njÿò ńgyá?

Malékuse 14:65

Petsɔ́ pʉ̀a zye létsɔg metyé ná ye, ńkwɛ́ shÿó we, ńně ńcúa yé, ńgɔɔn né ye ngie: Lɔgɔ nò *ntsẅì nkʉ̀ Ssé jú yɛ̌, ńkeme nyìŋ gẅie à cǔa gú. Pàpyɛ́bɛ nɔ’ɔ *nùŋe pwɔ́’ we lÿò ne ńcúa metuŋó mé.

Malékuse 9:31

ńně ńzí’i *ngàŋa kwò yé mmó, ńne shwóŋó ngie: Mé ge sẅiŋe *Míŋ Nyìŋ mbwo pʉ̀a mesoŋ pɔ́ gÿo à kwé. Tá’, e gwaa gwɔ́ lyɛ̌’ tá à zím.

Lukase 23:11

*Herôd pâ pàmékɔ́ɔn pé zoonte Yěsô, ńnyime yé tà ńkaa nzsǒ lefùɔ éshuu ná yé, ńtúm ngie, mé gíŋe ńdɔgɔ yé ḿbiŋ ńnáa mbwo *Pilato.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

Ŋwà’ne Jâŋ 2:10

ńgɔɔn né yé ngie: Mé ée ḿvɔgɔ ńnáa pɔ́ melù’ mbòŋo, tà mé núu tɛ̀’, tá mé náa mie é ná’a ḿmeen meen. Tá ńgʉa ná gù, mbà yɔɔn áa jú fʉ̀’ gie ɔ̀ náa melù’ mbòŋo mbwo pʉ̀a lá?

1 Korento 15:4

Mé la ńnéŋe yé tsɛ̀ɛ lesyè, á gwaa gwɔ́ lyɛ̌’ sétá á zíme nà legwé, pá’ ŋwà’ne Ssé la tʉ́ njÿó ńgɔɔn.