Malékuse 10:33 - Nouveau Testament en Ngienboum

³³ Pi cwoŋo ńjú’ mboŋó, pege ee mánzsè ńne ḿbʉʉ nê Yerósalem pá’ɔɔn, é kúu wó, mé sẅiŋe *Míŋ Nyìŋ mbwo *metándá pànùŋe pwɔ́’ pâ *pàkyàgte lepʉ̌ Mǒsê, pɔ́ ŋaga yé, ńzáb pá’ à ge kwé, é leen náa yé mbwo pʉ̀a túmo ndyɛ̀’ɛ.

Malékuse 10:33 ပူးပေါင်းရင်းမြစ်များ

Matio 16:21

Á fó fʉ̀’ ayɛ̌, Yěsô Kristo shʉashʉa ḿbÿe mbwó *ngàŋa kwò yé ngie: Á ne ńzɛ́te ngie à gʉa Yerósalem. À ge kúu wó gyá ngɔ́’ tɛ’ mbwó mekěme lá’, pâ *metándá pànùŋe pwɔ́’, mbɔɔ *pàkyagte lepʉ̌ Mǒsê, pɔ́ gÿo mé zẅé yé. A piŋ nzime na legwé na ḿbɔ́ɔnte lyɛ̌’ tá.

Matio 26:66

Pi Kwǎŋ gí ngie kɔ́? Àlá’ tsɔ́’ ngie: Aa nyìŋ gẅie ńgwɔ́ mé zẅé yé zẅé.

Matio 27:2

ńgÿo mé kwɛ́ɛ yé, ńdɔgɔ yé ńgʉa ńnáa mbwó ngúmnɔ́ɔn *Pilato.

Malékuse 14:64

Pi jǔ’ pá’ à kaŋá lʉŋe Ssé pɛ́’ɛ̀, ńkwaŋ gí ngie kɔ́? Pʉ̀a metsèm gɔɔn ngie: À gwɔ́ pɔ́ nyìŋ gẅie à lɔɔn ńgwɔ́ mé zẅé yé zẅé.

Malékuse 15:1

Njÿó gÿo ńne ńdʉ́a, *metándá pànùŋe pwɔ́’, pâ *mekěm mbɔɔ *pàkyàgte lepʉ̌ Mǒsê, pɔ́b *pàsá’a lá’ metsèm mʉ́ mba’ámba’, ńgÿo cú’tè, ńkwɛ́ɛ Yěsô, ńdɔgɔ yé ńgʉa ńnáa mbwo *Pilato.

Malékuse 8:31

Éfó mǒ, ńzye lézí’i wɔ́b mmó, ńgɔɔn ngie: Á ne ńzɛ́te ngie: *Míŋ Nyìŋ gyá ngɔ́’ tɛ’, mekěme lá’ pú ńgwá’a yé, mbɔɔ *metándá pànùŋe pwɔ́’ pâ *pàkyàgte lepʉ̌ Mǒsê, é gÿo pú’u, mé zẅé yé. À piŋ ńzíme nà legwé nà mbɔ́ɔntè lyɛ̌’ tá.

Malékuse 9:12

Á tsɔ́’ɔ mbwo pɔ́b ngie: «Áa nò, a*ntsẅì nkʉ̀ Ssé *Elîɛ vɔgɔ ńtóo lézába kɔ̀ɔkɔ́ɔ nà yé jʉ’», ńzɔɔn ńgwɔ gwɔ́, mbà pá’ mé la gíŋe ńŋwe’e tsɛ̀ɛ ŋwà’ne Ssé ngie: *Míŋ Nyìŋ zɔɔn ge lá’ gyá ngɔ́’ tɛ’, mé kʉ́e yé, mé ŋwe’e pú’u, ńdɔgɔ ngie kɔ́

Malékuse 9:31

ńně ńzí’i *ngàŋa kwò yé mmó, ńne shwóŋó ngie: Mé ge sẅiŋe *Míŋ Nyìŋ mbwo pʉ̀a mesoŋ pɔ́ gÿo à kwé. Tá’, e gwaa gwɔ́ lyɛ̌’ tá à zím.

Lukase 23:21

Tá lá’ ntsèm ké ne ńkẅi’i ḿbége pɔ́ shwǒŋ ńgɔɔn ngie: Kime yé nà tÿǒ nkǐ, ké ńkime yé pɔ́ nà tÿǒ nkǐ.

Lukase 9:22

ḿbiŋ ńgɔɔn né pɔ́b ngie: *Míŋ Nyìŋ ge gyá ngɔ́’ tɛ’. Mekěme lá’ pâ *mentándá pànùŋe pwɔ́’ mbɔɔ *pàkyàgte lepʉ̌ Mǒsê lʉ’ʉ yé, ńgÿo mé zẅé yé, tá’ à gwɔ́ mbɔ́ɔntè lyɛ̌’ tá à zíme nà legwé.

Ŋwà’ne Jâŋ 18:28

Mé fóo nɔ’ɔ Kaifa, ńdɔgɔ Yěsô ńgʉa né mbʉ̀a ngúmnɔ́ɔn Pà *Roma. Á gwɔ́ mba’ámba’. Mekěm pie pɔ́ lɔgɔ́ Yěsô ńtó ké tè yɔ́b ndá ngúmnɔ́ɔn kú, ḿbɔ́gɔ lékaa *lɔ̌’, á tɔ’ɔ wɔ́b léjÿó línɔ́ɔn *Páskà.

Ŋwà’ne Jâŋ 18:32

Á lɔgɔ ḿbumte ná nò gie Yěsô la cʉ́’ʉ léshwóŋ ntí gie à ge gÿo kwé ńgɔɔn.

Ŋwà’ne Jâŋ 19:11

Yěsô tsɔ́’ɔ mbwo yé ngie: E Ssé lɔɔn ńnyé té ńná metʉ̀ mbwo gù, ɔ́ le ku’u légÿo tsɔ́ mmó ná mèŋ wɔ́. Áa mmó gie á ka gÿo tá nyìŋ gẅie à ka sẅiŋe wɔ̀ɔn mbwo gù, à yé nò tepòŋ cʉa jú.

Megàŋ ntúm 13:27

Tá á ke ńgwɔ́ pá’ɔɔn, mbà pʉ̀a Yerósalem pâ pà sá’a lá’a yɔ́b kéen tè zsé nyìŋ gẅie Yěsô aa wɛ̌ wɔ́, pɔ́ kéen ńgíŋ tè jú’u mmó gie shwóŋè pà *ntsẅì nkʉ̀ Ssé gɔɔn wɔ́, tá ḿbiŋ ne ńtóŋo ngwòŋ melyɛ’ɛ́ nzse mɔ́b ntsèm. Á ka cʉa pú’u, pɔ́ sẅiŋe Yěsô pá’ mé ge zẅé. Pɔ́ ka lɔg pú’u, ńgÿo ammó gie pà *ntsẅì nkʉ̀ Ssé la tʉ́ njÿó ńtsẅi á púmte,

Megàŋ ntúm 20:22

Mèŋ n ge fʉ̀’ɔɔn ńne ńgee nê Yerósalem. A Zẅìge Ssé zɔ̌ ké ne ńtsóte wɔ̀ɔn ngie mèŋ n gʉa wó. Mèŋ m biŋ ńké té ne ńzsé mmó gie á ge kúu wó, é gÿo wɔ̀ɔn mɔ́.

Ŋwà’ne Jâg 5:6

Pi ka záb menò twó pà tèfʉa, ńzẅéte wɔ́b, pɔ́ ké tè tíɛ tsɔ́ tʉ̀ mvfò pi wɔ́.