Malékuse 10:24 - Nouveau Testament en Ngienboum

²⁴ *Ngàŋa kwò yé jú’u yɔɔn shwóŋè, á kʉ’ʉ wɔ́b tɛ’. Yěsô gíŋe ńgɔɔn né pɔ́b ngie: Pènkʉ́ pɔ́ɔn, nyìŋ lézẅíŋ tà Ssé zɔ cʉ́’ʉ sá’a yé pǔ ńtʉ tɛ’.

Malékuse 10:24 ပူးပေါင်းရင်းမြစ်များ

Matio 19:25

*Ngàŋa kwò yé jú’u yɔɔn nò, á pú ńkʉ’ʉ wɔ́b tɛ’, pɔ́ gɔɔn ngie tà á lɔɔn ńgwɔ́ pɛ́’ɛ, mbà wɔ̌ ge lá’ tsẅɛ́?

Malékuse 1:27

Á pú ńkʉ’ʉ lá’, pɔ́ mɔɔn, ńzɛ́te tsetsɛ̀ɛ pɔ́b ngie: Yɔɔn áa lêkɔ́? Áa pá’ɔɔn ńgwɔ́ pɔ́ tsɔ́ nò sẅé gie á giŋé ńkẅɛ la? À gwɔ̌ tà ńdɔgɔ tʉ̀, ńtsẅii nò mbwo *messé tepòŋ, pɔ́ jú’u ncwó we.

Malékuse 10:23

Yěsô cʉ́’ nzèm sele nnɛ́ ńdíe pʉ̀a pie é la tÿɔ́’ɔ yé ńnéŋe soŋ, ńgɔɔn mbwo *ngàŋa kwò yé ngie: Á pú ńtʉ pá’ à lɔɔn ńgwɔ́ ngàŋa mmó zẅíŋ ngie Ssé zɔ cʉ́’ʉ sá’a yé.

Lukase 16:14

Yěsô gɔɔn pú’u, pà *farisay pie é laa jʉ’ó jú’, ḿbú sóon, ńgẅe yé, mélà’mie pɔ́ gɔ’ nkáb tɛ’.

Ŋwà’ne Jâŋ 13:33

Pènkʉ́ pɔ́ɔn, pege tè gíŋe ńnéŋe tà ntyě sag wɔ́. Pi ge gÿo ne gwá fa’a wɔ̀ɔn pá’ mèŋ n ka gɔɔn mbwo pà Yuda ngie: Ajʉ’ gie mèŋ n gee nê wó, pi tè ku’u létóo wó wɔ́. Mèŋ n giŋé ńgɔɔn yɛ̌ nò mbwo pi fʉ̀’ɔɔn.

Ŋwà’ne Jâŋ 21:5

Á gɔɔn né pɔ́b ngie: Ńgie mbà pʉ̀a pɔ́ɔn, tà pi fǒ ńgẅiin mbaŋ ssó lá? Pɔ́ gɔɔn ngie ngǎŋ.

Ŋwà’ne Jâŋ 6:60

*Ngàŋa kwò Yěsô jú’u shwóŋè yé, lelÿò zye légɔɔn ngie: Ashwóŋe yɛ̂ á tʉ̌ tà ńcʉa! À lɔɔn ńgwɔ́ à wɔ̌ zẅí’te?

Galatia 4:19

Egubé yɔ́ɔn, n gǐŋ ne ńgyá ngɔ́’ sẅe sẅe nà pi pɔ́ pá’ manzwě gẅie à ne ńdúme ńgee ńzyé la. Mèŋ n ge ké gyá ngɔ́’ pɔ́ pú’u, tà kú fʉ̀’ gie pi cʉ̌’ kwà’ pʉ̀a Kristo.

1 Timote 6:17

Á gʉa ná pʉ̀a pie pɔ́ ée megàŋa mmó tsɛ̀ɛ yɔɔn njÿó, tsẅi né pɔ́b ngie pɔ́ pɔ́ɔn le ŋá’te nnɛ́, ńgie tà pɔ́ ńnéŋe ńzẅí’te wɔb lepòŋ pɔ́ nà shúm sie pɔ́ gẅiin, á nue á gwɔ́ pɔ́ fù’u njÿòon. Tsẅi né pɔ́b ngie pɔ́ zẅí’te wɔb lepòŋ pɔ́ mbwo Ssé gẅie à náa wege shúm ntsèm tà é gyɔ́ɔn gyɔ̌ɔn ngie pege lɔg ńkẅéte mbùm yege.

1 Jâŋ 2:1

Epúɔ mémá pɔ́ɔn, mèŋ n ŋwe’e mɔɔn menò légwɔ́ gie pi ge gẅiin shÿó tà pi le gÿo nò tepòŋ wɔ́. Tá ńgwɔ́ gie nyìŋ gÿo nò tepòŋ, mbà pege gẅiin wege nyìŋ lejʉ́ŋ Tá, á gwɔ́ Yěsô Kristo, yé gẅie aa ndʉŋ ndʉŋ mvfò Ssé.

1 Jâŋ 4:4

Pi penkʉ́ pɔ́ɔn, pi ee nà gwǒŋo yé Ssé. Pi kéen ńdÿɔ́’ tà ńcʉa pà *ntsẅì nkʉ̀ Ssé pe cÿɔ̌ nò, mélà’mie a Zẅìge Ssé gie áa ná pi á pú ńtʉ ńcʉa ngàŋ mbù Kristo gẅie aa tsɛ̀ɛ njÿó.

1 Jâŋ 5:21

Penkʉ́ pɔ́ɔn, pi laga twó gí nà shúm sie pʉ̀a gu’te ngie ee Ssé.

Ŋwà’ne Ngyà jʉ’ 3:17

Pá’ pi ne ńgɔɔn ngie pi ee ngàŋa mmó, ńgie pi kéen ńgẅiin nkáb tà é gyɔ́ɔn, tà pi cʉ’ʉ́ ńzága tsɔ́ mmó wɔ́ la, pá’ pi ké tè ńne ńzsé ngie pi ee ngàŋ ngɔ́’ tà ńgwɔ́ mé tsɔ́ɔn mezìŋe mí tsɔ̌ɔn wɔ́ la, mbɔɔ pá’ pi tè ne ńzsé ngie pi ee mefÿɔg, ńgwɔ́ pà fʉ̀ menÿɔ́g, ńtyéte té jÿɔ́g nzsǒ wɔ́ la,