Malékuse 10:22 - Nouveau Testament en Ngienboum

²² Nyìŋ wá jú’u yɔɔn shwóŋè, eshÿó wé gwóon sẅɛ́’. Á tém nzèm, ńgwɔ́ gʉa, ńcʉ́ŋe twó yé cʉ́ŋe, mélà’mie à la gẅiin shúm tʉ̀ nzẅìŋ tɛ’.

Malékuse 10:22 ပူးပေါင်းရင်းမြစ်များ

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Matio 19:22

Mûɔ shùm jú’u yɔɔn shwóŋó, eshÿó wé sẅɛ́’, á tém nzèm ńgʉa, mélà’mie à la gẅiin shúm tʉ̀ nzẅìŋ tɛ’.

Matio 27:3

Jẅidas gẅie à la sẅíŋe Yěsô jú’ pá’ mé zǎ’ ntsaŋ ngie mé ge zẅé Yěsô, ńdeen ńké ńzye lémÿɔgɔ mmó gie à ka gÿo, ḿbí nkáb gie à ka kẅě pàg móm ntá ná yɔɔn nò la, ńdɔg ńgʉa ńgyá *mentándá pànùŋe pwɔ́’ lâ mekěme lá’,

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Malékuse 10:23

Yěsô cʉ́’ nzèm sele nnɛ́ ńdíe pʉ̀a pie é la tÿɔ́’ɔ yé ńnéŋe soŋ, ńgɔɔn mbwo *ngàŋa kwò yé ngie: Á pú ńtʉ pá’ à lɔɔn ńgwɔ́ ngàŋa mmó zẅíŋ ngie Ssé zɔ cʉ́’ʉ sá’a yé.

Malékuse 6:20

mélà’mie fùɔ *Herôd lɔ̌ɔn ńgÿo mekù’ Jâŋ, ńně ńzsé ngie aa nyìŋ Ssé, ńgÿo pɔ́ nò gie á tyé ndʉŋ ndʉŋ, pú’u la, tá á ne ḿbɔ́ɔnte yé pɔ́ɔnte, ḿbiŋe ńnéŋe ńkwoŋo lézẅí’te shwóŋè yé tɛ’, tá’ á ke ńgege yé gege.

Malékuse 6:26

Afùɔ jú’, shÿó wé leen sẅɛ́’ tá’, le gwɔ́ gie à ně ńgɔɔn mvfò megʉ̀ pé tà ńkʉa gÿo à tè zsé lélʉ’ wɔ́.

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 18:23

Á jú’, eshÿó wé sẅɛ́’, mélà’mie à la gẅiin shúm nkáb tɛ’.

2 Korento 7:10

á nue lemÿɔgɔ ná ntí gie e Ssé ne ńkwoŋo, à gÿo nyìŋ kúbe mà. Wɛ̌ lékúbe mà gÿo nyìŋ tsẅɛ́, tà ńgwɔ́ nò á le pÿɔ́gɔ yé pá’ à mÿɔ̌g wɔ́. Tá lemÿɔg ná ntí ye pʉ̀a njÿó, à ná pɔ́ legwé.

Efeso 5:5

Pi zsé ngie, mámbàŋa gẅie à tóŋo pànzwě, kà manzwě gẅie à fa’a mbàŋa wɔ́, mbɔɔ nyìŋ gẅie à gÿo menò ncÿǒ, tà mbɔɔ nyìŋ gẅie à zába ntʉ́m nà shúm pʉ̀a, atsɔ́ wɔb těen ńdá’a ńgẅiin yé jʉ’ tsɛ̀ɛ nò lefùɔ Kristo pɔ́ Ssé wɔ́. Lezǎb ntʉ́m nà shúm pʉ̀a, e gwɔ́ pɔ́ tsɔ̌ ntí legù’te shúm ńdɔg ngie ee Ssé.

2 Timote 4:10

Zsé ngie Ndemas kéen ńgwá’a wɔ̀ɔn, mélà’mie à kwoŋ shúm njÿó tɛ’. Yɛ̌ zɔ̌ ka gÿo á gʉa né Tesalonika. Kelesens ka gʉa lé Galatia, Titus gʉa lé Ndalmatia.