Malékuse 10:21 - Nouveau Testament en Ngienboum

²¹ Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Malékuse 10:21 ပူးပေါင်းရင်းမြစ်များ

Matio 16:24

Yěsô gíŋe ńgɔɔn mbwó *ngàŋa kwò yé ngie: Nyìŋ lɔɔn nge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Matio 19:21

Yěsô tsɔ́’ɔ mbwó yé ngie: Ɔ̀ lɔɔn ne fa’a lémege ńcʉ́me, ɔ̀ gʉa sẅiŋ shúm sie ɔ̀ gẅiin ntsèm, ńná nkáb mbwó pàtèmmó, ńdeen ńké ndá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Malékuse 10:22

Nyìŋ wá jú’u yɔɔn shwóŋè, eshÿó wé gwóon sẅɛ́’. Á tém nzèm, ńgwɔ́ gʉa, ńcʉ́ŋe twó yé cʉ́ŋe, mélà’mie à la gẅiin shúm tʉ̀ nzẅìŋ tɛ’.

Malékuse 8:34

Ńdeen ńké ńtóŋo lá’ mbɔɔ *ngàŋa kwò yé, ńgɔɔn né pɔ́b ngie: Nyìŋ lɔɔn ńge gwɔ́ wɔ̀ɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Lukase 10:42

Tá’ tà’a mmó gwɔ́ wó, ńgwɔ́ tʉ̀ nzẅìŋ, Malîɛ kaŋá yɛ̌ ŋwɛ́, ḿbɔ́ɔn nyìŋ léfó mbwo yé ńkẅé.

Lukase 12:33

Pi sẅíŋ shúm sie pi gẅiin, ńná nkáb mbwo pàtèmmó, ńdɔgɔ ńgẅiin púɔ pɔ̀ɔn nkáb pie é lɔɔn ńgwɔ́ é le tɔ́gte, ńdɔg ńde’e fù’ gí lejʉ́ŋ Ssé. Á jʉ’ gie á lɔɔn ńgwɔ́ wó, á le mag, metsǒŋ le ku’u léjʉ wɔ́, asɔ́ɔn á le ku’u léjÿó wɔ́.

Lukase 16:9

Yěsô ma’a twó ngie: Pi lɔg gí shúm se yɔɔn tèpòŋ njÿó, ńkúu kwà’ shǔ gẅie é tsẅé té mì, à lá’ ńtyé fʉ̀’ gie sɛ̌ shúm ŋwɛ́ té nyé wó wɔ́, e Ssé lɔgɔ gẅi ńgʉa lá’ ye, pi tsẅé ńgwɔ́ wó.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 19:41

Yěsô gʉa tà ne ńkúu Yerósalem, ńdíe tÿǒsoŋ ńzye lélʉa,

Lukase 9:23

Yěsô gÿo ńgɔɔn mbwo pʉ̀a metsèm ngie: Nyìŋ lɔɔn nge gwɔ́ wɔɔn nyìŋ, á gwága twó mbùm yé, ńkaa yé tÿǒ nkǐ ńdɔg ńzẅíŋe lékwé, tá ńcʉ́me nzèm mèŋ.

Ŋwà’ne Jâŋ 12:26

Nyìŋ lɔɔn ne fa’a mbwo mèŋ, á cʉ́me nzèm mèŋ. Àjʉ’ gie mèŋ n gee wó la, ngàŋa fà’ wɔ̀ɔn gÿo ńgwɔ́ yé wó. Nyìŋ lɔɔn ne fa’a mbwo mèŋ, mbà Tá wɔ̀ɔn ge gÿo ná mekù’ mé.

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Megàŋ ntúm 2:45

Pɔ́ lɔ́ɔn ně sẅiŋe metsetsá’ mɔ́b mbɔɔ shúm tʉ̀ nzẅìŋ sɔ́b, ńdɔgɔ nkáb ńtóo mé gábte ńná ye wɔ̌wɔ ɔ pɔ́ pá’ e ge ku’u nà yé nò.

2 Korento 12:15

Á gʉa ná mèŋ, mbà à lɔɔn ńgwɔ́ á poŋo wɔ̀ɔn poŋ lénáa kɔ̀ɔkɔ́ɔ gie mèŋ n gẅiin né pi. Ngwɔ́ n gíŋe ńná mbɔɔ twó yɔ́ɔn ńtí gẅí. N dɔɔn ne ńkẅi’i ńkwoŋo gẅi pɔ́ nzẅìŋó, egì kwoŋo nzèm mèŋ ne ńtsẅɛ́te tsẅɛté lá?

2 Timote 3:12

ńgwɔ́ nyìŋ zɔɔn le la nnɛ́ ná Yěso Kristo tà ńne ńkwoŋo légÿo mmó gie Ssé ne ńkwoŋo, mé nyé té kʉ́e yé kʉ́e wɔ́.

Heber 10:34

Megàŋa tsǎŋ la ne ńgyá ngɔ́’, pi kú gí nùɔ pɔ́b. Afʉ̀’ gie mé la gwoon shúm sí ńkẅé, pi lɔg pɔ́ lekág ńzẅíŋ mé kẅé, á nue pi la ne ńzsé ngie pi gẅiin tsɔ́ shúm é gwɔ́ sie é poŋ ńcʉa sɛ̌ ḿbiŋ ńgwɔ́ sie é ge lá’a gwɔ́ pɔ́ wó.

Ŋwà’ne Jâg 2:10

Nyìŋ lɔɔn ńzɔɔn ńkú’te mbʉ̌ Ssé, ńgʉa mǒ fʉa pɔ́ ndà’ tà’, mbà à pǔ fʉa pɔ́ mbʉ̌ ntsèm.

Ŋwà’ne Ngyà jʉ’ 2:14

Tá’, n ké ńgẅiin tsɔ́ mmó gie mèŋ n ne ńda’a gẅi mǒ. Etsɔ́ pʉ̀a ée mbʉ̀a pi ńne ńzába ntʉ́m nà ndɔgtelé Mbalam. Mé gɔɔn Mbalam wá gẅie à la shwóŋó Mbalag, pá’ Mbalag ge lʉ’ lejÿɔ’, pà Israel gwe mǒ. À la tsóte wɔ́b pɔ́ pfɛ́ɛ pfwɔ́’ɔ mbàb gie mé lɔ̌g ńgwá’ messé, mbàŋa lâ pànzwě tsetsɛ̀ɛ pɔ́b é gíŋe ḿbumte wɔ̌wɔ́ɔ pâ pɔ̌ nuŋe nuŋe.

Ŋwà’ne Ngyà jʉ’ 2:20

Tá’, mèŋ n ké ńne ńda’a gẅí, á nue Jizabel aa lejʉ́ŋ pi, pi zẅíŋe zẅǐŋ. Mánzwě áwɛ̌ ne shwóŋó pʉ̀a ngie à tsẅii nkʉ̀ gẅie éfóo mbwo Ssé, ńdɔgɔ pú’u, éfʉte ngàŋa fà’ yɔ́ɔn, ńne ńzí’i wɔ́b pá’ mbàŋa lâ pànzwě tsetsɛ̀ɛ pɔ́b lɔɔn ńkẅɛ́te wɔ̌wɔ́ɔ pâ pɔ̌ nuŋe nuŋe, mbɔɔ lépfɛ́ɛ pfwɔ́’ɔ mbab gie mé lɔ̌g ńgwá’ messé.

Ŋwà’ne Ngyà jʉ’ 2:4

Tá’, mèŋ n ké ńne ńda’a gẅi ńtí nò gie pi cʉ’ʉ́ ńkwoŋo wɔ̀ɔn pá’ pi laa nzyeté ńkwoŋo wɔ̀ɔn pú’u wɔ́.