Malékuse 10:14 - Nouveau Testament en Ngienboum

¹⁴ Yěsô gyá pú’u, á té yé poŋ, á gɔɔn né *ngàŋa kwò yé ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b létó, epʉ̀a pie ée pá’ gubé zɔ̌ gẅiin nò ná *Lefùɔ Ssé.

Malékuse 10:14 ပူးပေါင်းရင်းမြစ်များ

Matio 18:10

Pi laga twó gí légwága tsɔ̌ tà’ ná gígyé penkʉ́ pɔɔn. Tà mèŋ shwóŋó gẅí, *mecÿɔ́’ Ssé pie é lie wɔ́b tyé mvfo Ssé fʉ’ ntsem. [

Matio 18:4

Nyìŋ gẅie à sẅe’é mbùm yé ńnáa ssé tà ńcʉ́’ pá’ cʉ̀cʉ̀ŋ yɔɔn la, aa nyìŋ gẅie aa ndÿò tsɛ̀ɛ *lefùɔ Ssé.

Matio 19:14

Yěsô gɔɔn ngie: Pi nyé gubé pɔ́ tó ńkẅɛ́te wɔ̀ɔn, tà pi táte wɔ́b, èpʉ̀a pie ée pá’ gubé zɔ̌ gẅiin nò ná *lefùɔ Ssé,

Matio 5:10

Pàshÿó mbòŋo ee pʉ̀a pie mé ne ńkʉ́e wɔ́b ńtí nue pɔ́ ne ńgÿo pá’ Ssé ne ńzɛ́te, «mélà’mie pɔ́ ge gÿo jÿó pì *lefùɔ Ssé».

Matio 5:3

Pàshÿó mbòŋo ee pʉ̀a pie pɔ́ zsé ngie pɔ́ ee mvfò Ssé pɔ́ té tsɔ́ mmó ku’, mélà’mie pɔ́ ge gÿo jÿó pì *lefùɔ Ssé.

Malékuse 3:5

Yěsô paŋ lejÿɔ́g ńdɔg ńdíe wɔ́b, mbùm yé ne ńtsyɛte ńtí tʉʉ twó yɔ́b, á leen ńké ńgɔɔn mbwo mámbàŋa ŋwɛ́ ngie: Siŋe pwó ɔ, á siŋ. Mé gyá á tʉte.

Malékuse 8:33

Tá Yěsô sele nnɛ́, ńdíe *ngàŋa kwò yé, ńcÿɔ́gɔ Piɛ, ńgɔɔn le yé ngie: Fó nzèm mèŋ ńtsíŋte nnɛ́ me Sátà, ɔ̀ tě ńkwaŋa pɛ́’ɛ̀, á gwɔ́ pá’ Ssé ne ńkwaŋa wɔ́, wɛ̂ gwɔ́ pɔ́ nkwaŋá pʉ̀a mesoŋ.

Ŋwà’ne Jâŋ 3:3

Yěsô tsɔ́’ɔ mbwo yé ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le gyá *lefùɔ Ssé té gwɔ́ gie mé giŋé ńzyé yé tsɔ́ legʉ̀a wɔ́.

Ŋwà’ne Jâŋ 3:5

Yěsô tsɔ́’ ngie tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le kúu tsɛ̀ɛ nò *lefùɔ Ssé té gwɔ́ gie mé lɔ̌g ntse ńzyé yé, ńgíŋe ńdɔgɔ zẅìge ńzyé yé wɔ́.

Megàŋ ntúm 2:39

Méla’mie eshúm sie e Ssé la ka’, à lɔ̌ɔn ńka’a mbwo pi, mbɔɔ mbwo gubé gí. À lɔ̌ɔn ńka’a mbɔɔ mbwó pʉ̀a pie pɔ́ ńnéŋe ngʉ̀a shʉ̀shʉ̀a, é ngwòŋ pʉ̀a metsèm pie Cʉ̀apʉ̀a Ssé yégè ge gÿo tóŋo wɔ́b.

Megàŋ ntúm 3:25

E Ssé lɔ̌ɔn ńdɔgɔ ncwò pà *ntsẅì nkʉ̀ Ssé ŋwɛ́ ńgɔɔn né pi. Pi gẅiin gí mmó nà *kʉ̀a gie Ssé la gwa tsetsɛ̀ɛ pàmangʉa njʉ’ pí. Á gwɔ́ pá’ à la gɔɔn né Ábalam ngie: Mèŋ n ge lá’ cʉa pɔ́ nà ngẅɛ̀ jù tá néŋ mbʉ́lè nà metsìŋe ndá ntsèm mie ée ndùmo ssé tsetsá’.

Roma 11:16

Nyìŋ lɔɔn ńzɔɔn ḿvɔg ńnáa ndùŋ mvfò kème mbelég mbwo Ssé, mbà mbelég ntsèm ntsèm e gwɔ́ pɔ́ yé Ssé. Menŋàŋ tà’a tÿǒ lɔɔn ńgwɔ́ mbwo Ssé, mbà mbwó tÿǒ gíŋ ńgwɔ́ pɔ́ mbwo yé.

Roma 11:28

Pɔ́ ka lʉ’ nkʉ̀ mbòŋo, ńcʉ́’ ngàŋ mbù Ssé, pi zẅɛ́’. Tá’, pá’ e Ssé la lá’ ńtsɔ́’ɔ wɔ́b ńdɔg ńgÿo pʉ̀a pé la, à nyě ńkwoŋo wɔ́b kwoŋ ńtí pà mangʉa njʉ’ pɔ́b.

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

1 Korento 7:14

á nue mámbàŋa gẅie à tè nyìŋ Kristo wɔ́, à lɔg pá’ à la nnɛ́ ná nzwě we gẅie aa nyìŋ Kristo, ńgwɔ́ lejʉ́ŋ Ssé. Manzwě gẅie à tè nyìŋ Kristo wɔ́ lɔg pá’ à la nnɛ́ nà ndúm we gẅie aa nyìŋ Kristo, ńgwɔ́ lejʉ́ŋ Ssé, ńgwɔ́ gie á ké tè pú’u wɔ́, mbà pènkʉ́ pɔ́b é té gẅiin légwɔ́ lejʉ́ŋ Ssé wɔ́. Pɔ́ piŋ ńgwɔ́ fʉ̀’ɔɔn ńgwɔ́ lejʉ́ŋ Ssé.

Efeso 4:26

Pi lɔɔn ńgyáŋa lóŋ, pi pɔ́ɔn légÿo nò tepòŋ, ḿbɔ́ɔn nèm légwaa pyé, agyáŋa lóŋ nyé ntʉ́m pi.

2 Timote 1:5

N daa lege ngie ɔ̀ záb ntʉ́m ná Yěsô Kristo tà shwóŋó nò wɔ́, n te lege ngie má gù we ndÿò Lowas tà mbɔɔ má gù Eunis lɔ̌ɔn ńgÿo pɔ́ pú’u wɔ́. N zsě ngie mbàa gù jú ɔ̀ giŋé ńzáb ntʉ́m ná Yěsô pɔ́ pá’ pɔ́b.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

Ŋwà’ne Ngyà jʉ’ 14:5

mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.