Malékuse 1:39 - Nouveau Testament en Ngienboum

³⁹ Á gɔɔn pú’u, ńgwá ńgiŋe jʉ’ ntsèm tsɛ̀ɛ pàga ngwòŋ Galilea ntsèm, ńkúu tsɛ̀ɛ *mendá cú’tè, éshwóŋó nò Ssé, ńkúu ńjwóŋo *messé tepòŋ mie é pue pʉ̀a.

Malékuse 1:39 ပူးပေါင်းရင်းမြစ်များ

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Malékuse 1:21

Pâ pɔ́ gÿo ńgʉa Kapernawúm, á gwɔ́ *lyɛ’ɛ́ nzsè pà Yuda, Yěsô gʉa *ndá cú’tè, ńzye lézí’i pʉ̀a nò Ssé.

Malékuse 1:23

Á ne shwóŋe, tsɔ̌ nyìŋ gwɔ́ yé ndá ŋwɛ́, mbà tsɔ̌ *Ssé tepòŋ léen ńgwoon yé, á ńnéŋe tà ḿvege vege ńgá’te ngie:

Malékuse 1:38

Yěsô tsɔ́’ɔ mbwo pɔ́b ngie: Pege gíŋe ńgʉa jʉ’ʉ ndyɛ̀’ɛ, á tsɛ̀ɛ metsɔ́ melá’ mie ée shÿó jʉ’ó, mèŋ shwóŋó nò Ssé mbɔɔ wó, ée nkẅɛ̌ ndá wɔ̀ɔn.

Malékuse 3:1

Yěsô gÿo ńgíŋe ńgʉa tsɛ̀ɛ tsɔ́ *ndá cú’tè pà Yuda, atsɔ̌ nyìŋ gwɔ́ yé ndá ŋwɛ́, mbà pwó yé léen ńkwé.

Malékuse 6:6

Á kʉ’ʉ Yěsô tɛ’, pá’ pɔ́ kaa záb ntʉ́m ná yé wɔ́. Yěsô gÿo fó jʉ’ó, ńgʉa ńzye légiŋe tsɛ̀ɛ melá’ shÿó jʉ’ó, ńně ńzí’i pʉ̀a nò Ssé.

Malékuse 7:30

Á leen ńké ḿbiŋe mbʉ̀a ye, ńgwaa gyá, múɔ pʉ́le ńnuŋe ndùm kǔ mbà *ssé tepòŋ fǒ ná ye ńkẅɛ.

Lukase 4:41

*Messé tepòŋ ne ńgwaa fóo nà lelÿò é kẅɛɛ, ńga’te ńgɔɔn ngie: Ɔ̀ɔ Míŋ Ssé. Tá’ Yěsô cÿɔ́gɔ wɔ́b, à tè zẅíŋ ngie pɔ́ gɔɔn nò wɔ́, mélà’mie pɔ́ la zsé ngie Yěsô aa *Nzà’nkÿo pù’ gẅie Ssé la ka’a mbwo pʉ̀a mesoŋ.