Malékuse 1:20 - Nouveau Testament en Ngienboum

²⁰ Yěsô gwóon ńtóŋo wɔ́b yɔ́b, pɔ́ leen ńnyé tá wɔ́b Zebede pâ ngàŋa fà’, á tsɛ̀ɛ kanú’, ńcʉ́me nzèm yé.

Malékuse 1:20 ပူးပေါင်းရင်းမြစ်များ

Matio 10:37

Nyìŋ kwoŋo tá we ka pɔ́ má we wɔ́, tà ńtɔ́gɔ wɔ̀ɔn, mbà ngàŋ tè ku’u légwɔ́ wɔ̀ɔn nyìŋ wɔ́. Nyìŋ kwoŋo míŋ we we mbàŋa ka we manzwě wɔ́ tà ńtɔ́gɔ wɔ̀ɔn, mbà à tè ku’u légwɔ́ wɔ̀ɔn nyìŋ wɔ́.

Malékuse 1:19

Yěsô ná’a ńgiŋ, ńgyá tsɔ́ pʉ̀a mépʉ́a, á Jâg pɔ́ fɛ́ we Jâŋ, é gubé Zebede, pɔ́ gwɔ́ tsɛ̀ɛ kanú’ ne nyɛ́te menkÿo mɔ́b.

Malékuse 1:21

Pâ pɔ́ gÿo ńgʉa Kapernawúm, á gwɔ́ *lyɛ’ɛ́ nzsè pà Yuda, Yěsô gʉa *ndá cú’tè, ńzye lézí’i pʉ̀a nò Ssé.

Malékuse 10:29

Yěsô tsɔ́’ ngie: Tà mèŋ shwóŋó gẅí, kwà’ nénʉ́, à lɔɔn ńgwɔ́ nyìŋ le nyé ndá ye, ńnyé mefɛ́ pé pe mbàŋa mbɔɔ pe pànzwě, ńnyé má we pɔ́ tá we, ńnyé pènkʉ́ pé pâ menká’ mé, mélà’ mɔ́ɔn mbɔɔ mélà’ nkʉ̀ mbòŋo gẅie à gee ntsẅǐ,

Lukase 14:26

Nyìŋ lɔɔn ńcʉ́me nzèm mèŋ, à tè kwoŋo wɔ̀ɔn ńcʉa tá we, ńcʉa má we, ńcʉa nzwě we, ńcʉa pènkʉ́ pé, ńcʉa mefɛ́ pé pe mbàŋa mbɔɔ pe pànzwě, ńcʉa mbɔɔ kwà’ twó mbùm yé wɔ́, mbà à tè ku’u légwɔ́ *ngàŋa kwò wɔ̀ɔn mɔ́.

Lukase 5:11

Pɔ́ jú’ pú’u, ńdɔg mekanú’ ḿbiŋ lé ngʉ̀ŋe ntse, ńkúu wó, ḿbú ńnyé kɔ̀ɔkɔ́ɔ wɔ́, ńcʉ́me nzèm Yěsô.

2 Korento 5:16

Pá’ áa pú’u la, peg ee nà fʉ̀’ɔɔn ńcʉ́’ʉ ńzsé nyìŋ ná ntí gie pʉ̀a mesoŋ lɔg ńzsé nyìŋ wɔ́. Á lɔɔn ńgwɔ́ gie peg la zɔɔn ńzsé Kristo ná yɛ̌ ntí, mbà peg ee fʉ̀’ɔɔn peg tè gíŋe ne ńzsé yé pú’u wɔ́.