Malékuse 1:14 - Nouveau Testament en Ngienboum

¹⁴ Mé la gwɔ́ tà ńgwoon Jâŋ ńnéŋe ndá tsǎŋ, Yěsô gʉa nê Galilea. À lɔ̌ɔn ńtsẅii nkʉ̀ mbòŋo gẅie é fóo mbwo Ssé ńgɔɔn ngie:

Malékuse 1:14 ပူးပေါင်းရင်းမြစ်များ

Matio 11:2

Á gwɔ́ fʉ̀’o, Jâŋ Mbabtis gwɔ́ ndá ntsǎŋ, ńjú’ mé ne shwóŋó á na menò mie Yěsô gẅie aa Kristo ne ńgÿo. Á túm tsɔ́ *ngàŋa kwò yé ngie pɔ́ gʉa ńzɛ́te yé ngie,

Matio 14:2

ńdeen ńké ńgɔɔn mbwó mentsìndá pé ngie: Nyìŋ gẅie mé gɔɔn aa Jâŋ Mbabtis, mbà à zǐm. Áa mmó gie á gÿo, tá á ku’u légÿo menò mmɔɔn mmɔɔn.

Matio 4:12

Mé la ńnéŋe Jâŋ ndá tsǎŋ, Yěsô gÿo ńjú’, ńgʉa lê Galilea,

Matio 4:17

Yěsô gwɔ́ Kapernawúm pú’u, ńzye léshwóŋó nò Ssé, ńně ńgɔɔn ngie: Pi kúbe mà gẅi, á nue àfʉ̀’ gie Ssé ge nyɛ lefùɔ sé tsoté tà ne ḿbɔ́ɔnte

Matio 4:23

Yěsô gÿo ne ńgwá ńgiŋe jʉ’ ntsèm tsɛ̀ɛ Galilea, ńzí’i pʉ̀a nò Ssé tsɛ̀ɛ *mendá cú’tè pà Yuda, ésá’a nkʉ̀ mbòŋo gẅie é shwóŋó pʉ̀a pá’ *lefùɔ Ssé ee pú’u, ńně ńgÿo nyìŋ gẅie à gẅiin pɔ́ yɛ̌ ntí guɔ wɔ́ ka yɛ̌ ntí *lɔ̌’ wɔ́, zeŋe

Matio 9:35

Yěsô ně ńcʉa tsɛ̀ɛ metÿǒsoŋ ntsèm mbɔɔ tsɛ̀ɛ melá’, ńkúu nzɔ̌ nzɔ̌ wɔ́ ńgee *ndá cú’tè, ńzí’i pʉ̀a nò Ssé, ésá’a nkʉ̀ mbòŋo gẅie éshwóŋó pá’ *lefùɔ Ssé ee pú’u, ńgÿo meguɔ ntí ntí maga nà pʉ̀a, *melɔ̌’ ntí ntí maga mbùm pʉ̀a,

Lukase 3:20

*Herôd gwaa mege cÿɔb, ńtsẅi mé gwoon Jâŋ ḿma’a ndá tsǎŋ

Lukase 8:1

Yěsô gÿo ne ńgwá ńgiŋe tsɛ̀ɛ metÿǒsoŋ mbàa tsɛ̀ɛ melá’ ńtsẅii Nkʉ̀ Mbòŋo ńdɔgɔ ńda’te pá’ nò *lefùɔ Ssé áa pú’u. Pâ *ngàŋ ntúm yé ntsɔ̀b pʉ́a nê legém gwɔ́ nùɔ.

Megàŋ ntúm 20:25

Mèŋ n ka cʉa tsetsɛ̀ɛ pi metsèm, ńgiŋe sá’a pá’ nò *lefùɔ Ssé áa pú’u. M biŋ ńgwɔ́ fʉ̀’ɔɔn, ńne ńzsé ngie pi tě ńdá’a ńgíŋe ńgyá shÿó wɔ̀ɔn mɔ́.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Roma 1:1

Yɔɔn ŋwà’ne fóo mbwo mèŋ Pɔl, nyìŋ gẅie á fa’a fà’ Yěsô Kristo, e Ssé la tóŋo wɔ̀ɔn ńdɔg ńgÿo ngàŋ ntúm Yěsô Kristo, ńzába wɔ̀ɔn ngie n gʉa ńtsẅi Nkʉ̀ Mbòŋo wé mbwo lá’.

Efeso 2:17

Kristo la tóo létsẅi nkʉ̀ mbòŋo gẅie é náa sẅétè á mbwo pi pie pi tè pà Yuda wɔ́, mbà pi ka tè lejʉ́ŋ Ssé wɔ́, ńgíŋe ńtsẅi mbɔɔ mbwo pà Yuda pie pɔ́ kaa lejʉ́ŋ Ssé.