Lukase 7:9 - Nouveau Testament en Ngienboum

⁹ Yěsô jú’u yɔɔn shwóŋè gie á kẅɛ̌ ncwò tá ndá ncù, ńgɔ’te yé, ésele nnɛ́ ńgɔɔn mbwo lá’ gie áa nzèm yé ngie: Mèŋ shwóŋó gẅí, mbɔɔ tsɛ̀ɛ ngwòŋ pà Israel, n kaa gyá tsɔ̌ nyìŋ gẅie à zǎb ntʉ́m ná mèŋ pá’ ye wɔ́.

Lukase 7:9 ပူးပေါင်းရင်းမြစ်များ

Matio 15:28

Yěsô leen ńké ńtsɔ́’ ngie: Má wɔ̀ɔn! Ɔ̀ záb ntʉ́m ná mèŋ tɛ’. Á poŋ ngie àmmó gie ɔ̀ ne ńtsɔ́ɔn á pumte! Yěsô gɔɔn pú’u, míŋ manzwě wá gwóon ńzeŋe pɔ́ kwà’ fʉ̀’ó.

Matio 8:10

Yěsô jú’u yɔ̀ɔn shwóŋò gie á kẅɛ̌ ncwò tándá ncù ńgɔ’te yé, ésele nnɛ́ ńgɔɔn mbwo lá’ gie aa nzèm yé ngie: Mèŋ shwóŋó gẅí, kwà’ nénʉ́, mbɔɔ tsɛ̀ɛ ngwòŋ pà Israel, mèŋ n kaa gyá tsɔ́ nyìŋ gẅie à zǎb ntʉ́m ná mèŋ pá’ yé wɔ́.

Matio 9:33

Yěsô gwɔ́ tà ńjwoŋ yɛ̌ *ssé tepòŋ, mbu’ ncwò ŋwɛ́ gwóon ńzye légɔɔn nò. Àlá’ gyá ḿbú ḿmɔ́ɔn, ńne ńgɔɔn ngie: Mé laa zɔɔn ńgyá yɛ̂ ntí nò á tsɛ̀ɛ ngwòŋ pà Israel wɔ́.

Lukase 7:10

Pʉ̀a pie tá ndá ncù pà *Roma tumó wɔ́b gÿo ḿbiŋ tà ńkúu ndá, ńgyá, mbà nguɔ zeŋé.

Lukase 7:50

Yěsô gíŋe ńgɔɔn né manzwě ŋwɛ́ ngie: Ɔ̀ tsẅɛ̌ ndòon menò tepòŋ mú, mélà’mie ɔ̀ zǎb ntʉ́m ɔ́ ná mèŋ. Gʉa lê sẅétè.

Lukase 7:8

ńgie à gɔɔn pá’ɔɔn ńgwɔ́ yé nzèm nyìŋ, ńjú’u ncwò we, ńgíŋ ńgẅiin yé pàlÿɔ́’ ncù nzèm yé, pɔ́ ne ńjú’u yé, ńgie à lɔɔn ńgɔɔn né tsɔ̌ ngie gʉa, á gʉa, ńgie tóo, á tó, ḿbiŋ ńgɔɔn né nkwɔ̀ɔn ye ngie gÿo pá’ɔɔn, á gÿo.