Lukase 7:2 - Nouveau Testament en Ngienboum

² Tsɔ̌ Tá ndá pà lÿɔ́’ ncù nkÿo we pà *Roma gwɔ́ tÿǒsoŋ ŋwɛ́, ńgẅiin ménkʉ́ we, ḿbú ńkwoŋo yé tɛ’. Ménkʉ́ we ŋwɛ́ gwɔ́, mbà à gwě guɔ, ńcʉ́’ʉ ńkwé kwě.

Lukase 7:2 ပူးပေါင်းရင်းမြစ်များ

Matio 27:54

Yěsô lá kwé pá’ɔɔn, tándá pàlÿɔ́’ ncù pâ pàlÿɔ́’ ncù pie é la ne ḿbyɛ́be Yěsô gyá pá’ tsetsá’ pǔ ńcʉ’ʉ, ńgíŋe ńgyá kɔ́ɔkɔ́ wɔ́ gie á ne ńcʉa, ḿbú ńcÿɔ’ tɛ’, ńgɔɔn ngie Yěsô kaa kwà’ Míŋ Ssé.

Lukase 23:47

Tá ndá pàlÿɔ́’ ncù pà *Roma jʉ’ó la pú ńgyá kɔ̀ɔkɔ́ɔ wɔ́ gie á pǔ ńcʉa, tà ye mbÿɛ̌ gwɔ́ le gɔɔn ngie: Nyìŋ wɔɔn kaa tèfʉa. Ashwóŋè yé ŋwɛ́ ná mekù’ mbwo Ssé.

Lukase 7:1

Yěsô gɔɔn nò mbwo lá’ tà ńtsẅé jʉ’, ḿbiŋ nzèm né Kapernawúm.

Lukase 7:3

Tá ndá ncù jú’ mé ne ńkíme Yěsô, á gú melÿò pà Yuda ngie pɔ́ gʉa sẅíŋte yé, à tó ńkẅé ménkʉ́ we mbwo legwé.

Lukase 8:42

ńgie míŋ we cʉ’ʉ́ ńkwé kwě. Aa ndà’ míŋ we, ńgwɔ́ múɔ manzwě, tà ńgẅiin ngù’ ntsɔ̀b pʉ́a. Yěsô jú’ pú’u, ńdu Ssé pɔ́ yé gʉa, alá’ zse nzèm ye, ńtÿɔ́’ɔ yé ńnéŋe soŋ tà jʉ’ cʉ́’ʉ sẅíbe sẅibé.

Megàŋ ntúm 10:1

Atsɔ̌ nyìŋ gwɔ́ tÿǒsoŋ Sezare, lezíŋ sé gwɔ́ lê Kornɛy, á gwɔ́ tsɔ̌ tà’ tándá pàlÿɔ́’ ncù pà *Roma, ésá’a pʉ̀a nkÿo. Mé tóŋo yɛ̌ nùɔ lê nùɔ ye Italia.

Megàŋ ntúm 10:7

*Cÿɔ́’ Ssé tsẅii nò mbwo yé tà ńgʉa, Kornɛy cʉ́’ ńtóŋ megàŋa fà’ pé mépʉ́a, ńgÿo tà’ ndÿɔ́’ ncù. Á gwɔ́ gẅie pɔ́ yé zyě ńtsẅé. Á piŋ ńgwɔ́ nyìŋ ńgÿo yé mekù’ Ssé.

Megàŋ ntúm 22:26

Á jú’ ḿvege, ńkÿote ńgʉa ńgyá tándá wɔ́b, ńgɔɔn né yé ngie: Ɔ̀ ge gÿo lêkɔ́? Ambàŋa wa aa mûɔ lá’ pà *Roma.

Megàŋ ntúm 23:17

Pɔl tóŋo tsɔ̌ tà’ tándá ncù, ńgɔɔn né yé ngie: Lɔgɔ mûɔ shùm wɔɔn, ńgʉa ńtsege yé mbʉ̀a tándá gẅì. À gẅiin nò gie à gee shwǒŋ yé.

Megàŋ ntúm 27:1

Mé gÿo ńgwɔ́ tà ńzáb ngie peg ge kúu máamáa kanù’, é gʉa tsɛ̀ɛ ngwòŋ Italia, ńcʉ́me Pɔl lâ tsɔ́ megàŋa tsǎŋ mbwo tsɔ̌ tándá ncù. Lezíŋ sé gwɔ́ lê Julius. Á gwɔ́ tsɔ̌ tà’ nyìŋ ná kwò pàlÿɔ́’ ncù pie pɔ́ laa pe Kása.

Megàŋ ntúm 27:3

Njÿó gÿó ńgwaa lʉ́a, peg gwɔ́ Sidoŋ. Julius gẅiin ntʉ́m mbòŋo ná Pɔl tà ńnyé yé ngie à gʉa ńgúɔ meshǔ pé. Pɔ́ kú, ńkẅéte yé.

Megàŋ ntúm 27:43

Tá’, tándá ncù piŋ tè ne ńkwoŋo ngie mé zẅé Pɔl wɔ́, ńdeen ńtɔ’ɔ wɔ́b légÿo mmó gie pɔ́ kwǎŋ, ńtsẅi né pʉ̀a pie pɔ́ zsé lézɔ́’ ntse ngie pɔ́ vɔ́g ńkúu ntse, ńzɔ́’ ntse, ńkẅɛɛ kwóŋ.

Kolosia 3:22

Pi menkwɔɔn pi jú’ ncwò pʉ̀a pie é gẅiin gẅi ndùmo ssé tsetsá’, á nà kɔ̀ɔkɔ́ɔ. Pi pɔ́ɔn léfa’a fà’ pɔ́ ndà’ fʉ̀’ gie pɔ́ tyé nzèm pi pá’ fʉ̀’ gie pi gÿo pɔ́ mmó gie á ge poŋ pʉ̀a mesoŋ la. Pi fa’ nê ngwòŋ ntʉ́m gẅi ntsèm ńtí pá’ pi ne ńnáa mekù’ Cʉ̀apʉ̀a.