Lukase 5:1 - Nouveau Testament en Ngienboum

¹ Yěsô gwɔ́ tsɔ́ lyɛ̌’, ńtyé ngʉ̀ŋe letʉ̀ŋ sie mé tóŋo le Jenezared. Anùɔ lá’ tà ńgyɔ́ɔn tóo lejʉ́ŋ ye lé jú’u nò Ssé, ńgyɔ́ɔn gyɔ́ɔn tà mé cʉ́’ʉ sẅɛ́ɛ ye sẅɛ̌.

Lukase 5:1 ပူးပေါင်းရင်းမြစ်များ

Matio 11:12

Tà fó nà fʉ̀’e Jâŋ Mbabtis, ńkú fʉ̀’ɔɔn, mé ne ńjwoŋo ńkúu nà nò *lefùɔ Ssé. Pʉ̀a pie é lɔgɔ pɔ́ tʉ̀ ńgÿo menò mɔ́b ne fa’a lekàŋ *lefùɔ Ssé ŋwɛ́

Matio 14:34

Pɔ́ túm ntse tà ńkúu nà nzǐŋ ye Jenezared,

Malékuse 3:9

Yěsô gyá pú’u, ńgɔɔn mbwo *ngàŋa kwò yé ngie, pɔ́ cwoŋte mûɔ mékanú’, à kúu tsoló, ḿbɔ́gɔ lá’ lésẅɛ́ɛ yé.

Malékuse 4:1

Yěsô la gíŋe ńzye lézí’i pʉ̀a nò Ssé á ngʉ̀ŋe ntse Galilea, anùɔ lá’ tóo lejʉ́ŋ yé tà ńgyɔ́ɔn tɛ’, tà á kúu tsɛ̀ɛ kanú’ gie áa tsɛ̀ɛ ntse, ńnéŋe. Alá’ tyé ngʉ̀ŋe ntse.

Malékuse 5:24

Yěsô zẅíŋ, pɔ́ yé cʉ́me mánzsè ńně ńgee, alá’ pú ńgwɔ́ mánzsè tɛ’, ḿbú ne sẅɛ́ɛ Yěsô.

Malékuse 6:53

Pɔ́ túm ntse, tà ńkúu nà nzǐŋ ye Jenezared, ńcʉŋe kanú’, éfó tsɛ̀ɛ wó ńkẅɛ,

Lukase 12:1

Yěsô ne shwóŋe pú’u, alá’ ne ńkẅi’i ńkwɔ́’ɔ ńtóo lejʉ́ŋ yé, ejʉ’ sẅɛ́ sẅɛ̌ tà mé ne néŋte mekwò pʉ̀a. Á gwaa gɔɔn nò mbwo lá’, ḿvɔg ńgɔɔn mbwo ngàŋa nkwò yé ngie: Pi laga twó gí, ḿbɔ́ɔn *mvòŋ pʉ̀a *farisay, tà pi cʉ́’ ngàŋ mepàb pá’ pɔ́b.

Lukase 5:2

Yěsô ma’ nÿɔ́g, ńgyá kanú’ sépʉ́a ngʉ̀ŋe ntse, mbà pàmà’ ssó ně fó tsoló ńkẅɛ, ńgwɔ́ ntse sɔgɔ menkÿò mɔ́b.

Lukase 8:22

Yěsô pâ *ngàŋa kwò yé fó lyɛ̌’ ńkúu tsɛ̀ɛ kanú’, á gɔɔn né pɔ́b ngie pege gʉa tà ńkúu nà yetsɔ̌ nzǐŋ, pâ pɔ̌ gʉa.

Lukase 8:23

Pɔ́ ne ńgee, Yěsô lyé. Mé gwaa gyá tsɔ̌ máamáa fóm tó, ńzye lépʉe ntse, é ně ńkwɔ́’ɔ ńkúu tsɛ̀ɛ kanú’ tà á cʉ́’ʉ méjʉ’ à lúe. Pɔ́ pɔ́gɔ légʉa ntse,

Lukase 8:33

Pɔ́ lêen ńké fó ná nyìŋ awɛ̌ ńkẅɛ, ńgʉa ńkúu nà mekúnɔ́ɔn. Pɔ́ fó nkʉnkʉ́ŋe ńtága, ńzẅɛ ḿbʉle tsɛ̀ɛ letʉ̀ŋ, ńnú ntse ńkwéte.

Lukase 8:45

Yěsô zɛ́te ngie: Awɔ̌ kibé wɔ̀ɔn? Awɔ̌wɔ́ɔ ně ḿmoŋe moŋe. Piɛ gɔɔn ngie: Andè, mé ne sẅɛ́ɛ gú nzẅìŋ yɔɔn, ɔ̀ zɛ́te ngie mé gɔɔn ngie aa wɔ̌?

Ŋwà’ne Jâŋ 1:40

Á la gʉa ná pʉ̀a mépʉ́a pie pɔ́ la jú’u shwóŋè Jâŋ, ńcʉ́me nzèm Yěsô la, lezíŋ tsɔ̌ tà’ nyìŋ láa le Ndeléya, á gwɔ́ fɛ́ Símo Piɛ.

Ŋwà’ne Jâŋ 6:1

Mɔɔn menò tɔ́g, Yěsô túm ńgʉa yetsɔ̌ nzǐŋ letʉŋ sie ée Galilea, mé gíŋe ńtóŋ ngie letʉŋ Tiberiad

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.