Lukase 3:3 - Nouveau Testament en Ngienboum

³ Jâŋ lêen ńké ńgʉa tsɛ̀ɛ melá’ mie ée nkʉŋ ntse Jurdeŋ, ńgiŋe sá’a mbwo lá’ ngie: Pɔ́ kúbe mà wɔb à nu’u wɔ́b ntse, e Ssé lege menò tepòŋ mɔ́b ńnáa mbwo pɔ́b.

Lukase 3:3 ပူးပေါင်းရင်းမြစ်များ

Matio 3:11

Mèŋ, n gẅiin yɔ́ɔn pɔ́ ndà’ lénu’u gẅi tsɛ̀ɛ ntse, lélɔg ńnyɛ ngie pi kubé mà. Tá nyìŋ gẅie aa nzèm mèŋ ńne ńtóo, ge tó yé néŋ pʉ̀a mbwó Zẅìge Ndʉalʉ̌a, é néŋ pʉ̀a tsɛ̀ɛ mmɔ̌g. À cʉa wɔ̀ɔn, tà mèŋ n tè ku’u lésẅɛ melɔ̌ɔn mé wɔ́.

Lukase 1:16

À gÿo pʉ̀a Israel tà ńgyɔ́ɔn sele ntʉ́m wɔ́b, ḿbiŋe mbwo Cʉ̀apʉ̀a Ssé yɔb.

Lukase 1:77

Ɔ̀ ge táa gÿo pʉ̀a pé zsé ngie á tsoté tà ḿbɔ́ɔnte pá’ à ge lege menò tepòŋ mɔ́b, é gÿo pɔ́ tsẅɛ́,

Lukase 4:1

Jâŋ la gwɔ́ tà ńnu’u Yěsô ntse, á fó nkʉ̀ŋ ntse Jurdeŋ ńgʉa. A Zẅìge Ndʉalʉ̌a pú ńjÿó yé, ńgÿo á gʉa lê nkwòŋo tsẅɛ,

Ŋwà’ne Jâŋ 1:28

Mé lɔ́ɔn ńzɛ́te yé mɔɔn menò pá’ɔɔn á Mbetáni, á nà yétsɔ́ nzǐŋ ntse Jurdeŋ á jʉ’ gie à lɔ̌ɔn ńnu’u pʉ̀a ntse wó.

Ŋwà’ne Jâŋ 3:26

*Ngàŋa kwò Jâŋ gʉa ńgyá Jâŋ, ńgɔɔn né yé ngie Tsítsà, ɔ̀ ne ńkímte nyìŋ wá gẅie pi yé kaa ná yétsɔ̌ nzǐŋ ntse Jurdeŋ la? Á nyìŋ wá gẅie ɔ̀ ka gɔɔn nò gie ɔ̀ zsé ná yé la? À ne ńnu’u yé pʉ̀a ntse fʉ̀’ɔɔn, tà lá’ menùɔ menùɔ ne ńgee ńgyá pɔ́ yé.

Megàŋ ntúm 13:24

Yěsô gÿo ńgwaa tó, mbà Jâŋ tǒ yé tà ne sá’a shwóŋó mbwó lá’a Israel ngie pɔ́ kúbe mà wɔ́b, ńgÿo mé nu’u wɔ́b ntse.

Megàŋ ntúm 19:4

Pɔl gɔɔn né pɔ́b ngie: Jâŋ ka ne nu’u pʉ̀a ntse ńdɔgɔ ńnyɛɛ ngie pɔ́ zẅiŋé lékúbe mà, tá ńké ne ńgɔɔn mbwo lá’ ngie: Pɔ́ záb ntʉ́m wɔ́b ná nyìŋ gẅie aa nzèm yé ńne ńtóo, ńgɔɔn pú’u, angàŋ gwɔ́ Yěsô.

Megàŋ ntúm 22:16

Ɔ̀ɔ fʉ̀’ɔɔn ńnyé ńzẅí’te kɔ́. Lu ssé ńtó mé lɔg lezíŋ sé ńnu’u gú ntse, ńdɔg sɔg menò tepòŋ mú.