Lukase 11:4 - Nouveau Testament en Ngienboum

⁴ lege menò tepòŋ még ńná né peg, Mélà’mie peg ne ńdege yég ńnáa mbwo pʉ̀a pie pɔ́ fʉ̌a nò mbwo peg. Tè zẅíŋ ngie peg kúu tsɛ̀ɛ nkwà’te.

Lukase 11:4 ပူးပေါင်းရင်းမြစ်များ

Matio 18:35

Yěsô cʉ́me ńgɔɔn ngie: Áa ndʉŋ ndʉŋ pá’ Tá wɔ̀ɔn gẅie aa tÿǒ lepwó, à ge gÿo nà wɔ̌wɔɔ tsetsɛ̀ɛ pi, pá’ à lɔɔn tè lege mefʉa fɛ́ we nê ngwòŋ ntʉ́m we ntsèm wɔ́.

Matio 26:41

Tà pi gíŋe ńdyé, pi sẅíŋte Ssé, ḿbɔ́g menò njÿó lékwà’te gẅí, pi fʉa nò. Ntʉ́m nyìŋ tʉte tɛ’ tá’, mbùm nnɛ́ pÿɛ́ pÿɛ̌.

Lukase 11:5

Yěsô gíŋe ńgɔɔn ngie: Pege lɔgɔ yɔɔn ḿbí fʉ̀’: Ɔ̀ gẅiin shǔ ɔ̀, ńgʉa mbʉ̀a ye tsɛ̀ɛ tsẅɛ́’, ńgɔɔn né yé ngie: Ashǔ, tsétsɔ’ leen ńnáa wɔ̀ɔn mbelég ntá’ tá.

Lukase 13:4

Pi zɔɔn ńkímte pʉ̀a ntsɔ̀b lefɔ̌ɔn nê legém pie máa ndá la keme ńzẅéte wɔ́b á Siloé. Pi kwǎŋ ngie pɛ̌ pʉ̀a lɔ́ɔn ńdɔgɔ ńgwɔ́ pʉ̀a tepòŋ ńcʉa petsɔ́ pʉ̀a Yerósalem metsèm lá?

Lukase 22:46

Á gɔɔn ngie: Pi ńnéŋe té lyé, ḿbɔ́g menò njÿó lékwa’te gẅi pi fʉa nò.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Ŋwà’ne Jâŋ 17:15

Mèŋ n těen sẅíŋte ɔ́ ngie ɔ̀ fóo tsɛ̀ɛ njÿó ńkẅile wɔ́b gwɔ́, mèŋ sẅíŋte gú pɔ́ ngie ɔ̀ pɔ́ɔn wɔ́b ná Sátà nyìŋ tepòŋ.

1 Korento 10:13

Menkwà’te mie é ka kúu gẅí, ée mie é kúu nyìŋ mesoŋ. E Ssé gẅie à tè gɔɔn nò ḿbiŋ ńkúbe wɔ́, à tè zẅíŋ ngie nkwà’te kúu gẅi tà ńgá’ metʉ̀ mí wɔ́. Nkwà’te ge gwɔ́ tà tó, à náa gẅi metʉ̀ lélɔg shÿɔg ḿbiŋ ńnáa gẅi shÿó lélɔg fó tsoló ńkẅɛ.

Kolosia 3:13

Pi gẅiin shÿɔ̀gɔ ntʉ́m tsetsɛ̀ɛ pi, nyìŋ gẅi fʉa nò pi lege ńnáa mbwo ye, ńdege mefʉa mí tsetsɛ̀ɛ pi né pi, pá’ Cʉ̀apʉ̀a wege la lege mefʉa mí gí la.

2 Tesalonika 3:3

Cʉ̀apʉ̀a aa ńké těen ńkúbe wɔ́. À ge gÿo pi le kʉ́a, é piŋ le zẅíŋ Sátà zába pwó ná pi wɔ́.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

Ŋwà’ne Jâg 2:13

E Ssé ge lá’ ne tsɔ́’te mentsaŋ, á le tsɔ́ɔn mezìŋe tè tsɔ̌ɔn mezìŋe pʉ̀a wɔ́, tá ńgwɔ́ gie nyìŋ la tsɔ́ɔn mezìŋe, mbà á ge lá’ lɔg pú’u, e Ssé le yé ŋag.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.