Lukase 10:2 - Nouveau Testament en Ngienboum

² Pɔ́ gwaa gʉa, á gɔɔn né pɔ́b ngie: Eshúm sie mé gee ńdaga tsɛ̀ɛ nká’ gyɔ́ɔn tɛ’, nzẅìŋ megàŋa fà’ piŋ ńkɔ́g. Á poŋ ngie pi sẅíŋte ngàŋ nká’ à kẅi’i megàŋa fà’ pie pɔ́ ge ne laga shúm sé.

Lukase 10:2 ပူးပေါင်းရင်းမြစ်များ

Matio 20:1

Yěsô gíŋe ngie: Ànò *lefùɔ Ssé leen ńgwɔ́ pɔ́ pá’ nò tsɔ̌ nyìŋ gẅie à la mʉ́ mba’ámba’, ńgʉa fa’ megàŋa fà’ pie à ge ńnéŋe nká’ yé.

Malékuse 13:34

Menò fʉ̀’ ayɛ̌ ge gÿo gwɔ́ pá’ nò nyìŋ gẅie à cʉ́’ʉ légʉa legìŋ, ńcʉ́me ndá ye mbwo ngàŋa fa’ yé, ńnáa fà’ gie wɛ̌ nyìŋ wɔ́ ge cʉ́’ ne fa’a, ńdeen ńké ńtsẅii mbwo nyìŋ gẅie à pyɛ́bɛ ncwò nká’ ngie tà á gwá’a lÿɔg ńdyé.

Malékuse 16:15

Ńdeen ńké ńgɔɔn né pɔ́b ngie: Pi gʉa jʉ’ ntsèm tsɛ̀ɛ njÿó, ńtsẅi nkʉ̀ mbòŋo mbwo mbɔɔ wɛ̌ nyìŋ mesoŋ wɔ́ té vʉ’ʉ tsɔ̌.

Malékuse 16:20

*Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Lukase 9:1

Yěsô gÿo ńcú’te pʉ̀a ntsɔ̀b pʉ́a nê legém, ńná metʉ̀ mbwo pɔ́b, pɔ́ ku’u lélɔg lezíŋ sé ńjwoŋ *messé tepòŋ ntsèm mie é pue pʉ̀a, mbɔɔ légÿo meguɔ zeŋe.

Megàŋ ntúm 11:19

À gwaa gwɔ́, mbà mé la gwɔ́ tà ńzẅé Etien pá’a, ńzye létsɔ́’ɔ kwò pʉ̀a Kristo té pòŋ. Pɔ́ fó Yerósalem ńkẅɛ sa jʉ’. Petsɔ́ pʉ̀a lɔg ye Fenisia. Petsɔ́ lɔg ye Shʉ̀pele. Petsɔ́ lɔg ye Antiokia, ńkúu nzɔ̌ nzɔ̌ wɔ́, éshwóŋó nò Ssé pɔ́ ndà’ mbwo pà Yuda.

Megàŋ ntúm 13:2

Pɔ́ gÿo ne *ńkwoŋo kwoŋ ńnéŋe nzyè, ésẅíŋte Ssé. A Zẅìge Ndʉalʉ̌a gɔɔn né pɔ́b ngie: Pi faga Panebâse pɔ́ Sɔ̂l, ńnyé wɔ́b, pɔ́ fa’a fà’ gie mèŋ n ka tsɔ́’ɔ wɔ́b ńtí yɛ̌.

Megàŋ ntúm 13:4

A Zẅìge Ndʉalʉ̌a túmo Panebâse pɔ́ Sɔ̂l pú’u, pɔ́ gʉa lê Selesi. Efó wó ńkúu kanú’ légʉa lê Shʉ̀pele, é gwɔ́ ngwòŋ gẅie ntse la kéle ńnéŋe sòŋ.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Megàŋ ntúm 22:21

Cʉ̀apʉ̀a lêen ńké ńgɔɔn né mèŋ ngie: Lwo, mèŋ n túmo gú pá’ɔɔn ngʉ̀a shʉ̀shʉ̀a, á tsetsɛ̀ɛ pʉ̀a ntí ntí pie é té pà Yuda wɔ́.

Megàŋ ntúm 8:4

Pʉ̀a Kristo pie pɔ́ la sa jʉ’, gʉa jʉ’ ntsèm tsɛ̀ɛ lá’, ńgiŋe ńtsẅii nkʉ̀ mbòŋo Yěsô.

1 Korento 12:28

E Ssé la cʉ́’ʉ létaŋte cú’tè yé, ḿvɔg ńzáb megàŋ ntúm, ḿbɔ́ɔnte ńzáb pà ntsẅì nkʉ̀ pie é fóo mbwo yé, ḿbɔ́ɔnte ńtÿɔ́g pà zí’i pʉ̀a nò Ssé, mé fó ná pɔ́b ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo menò mmɔɔn mmɔɔn, ḿbɔ́ɔnte ńgyá pʉ̀a pie à la cÿó gem yɔ́b, á gwɔ́ pá’ pɔ́ ge gÿo megùɔ zeŋe, mé fó ná pɔ́b ńgyá pʉ̀a pie ayɔ́b fù’ áa lékẅéte petsɔ́ pʉ̀a mbɔɔ pʉ̀a pie pɔ́ táŋte cú’tè, tà mbɔɔ pʉ̀a pie à la cÿó gem yɔ́b á gwɔ́ pá’ pɔ́ ge shwóŋó meshwóŋè mie pɔ́ laa zí’i.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

2 Korento 6:1

Pá’ pega Ssé zɔ puté ne fa’a la, peg ne ńkẅiŋte gẅi ngie tà pi gÿo ná ntí gie, légwɔ́ gie é Ssé tsɔ̌ɔn gẅí, ńcÿó gʉm gí, à ge cʉa sẅɛ̀ɛ.

Filipo 2:21

Petsɔ́ pʉ̀a ne sáŋa nò pɔ́ ndà’ ná yɔ́b twó tà pɔ́ téen sáŋa nò ná nò Yěsô Kristo wɔ́.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Filipo 2:30

á nue á ka cʉ́’ʉ méjʉ’, à tóo fa’a fà’ Kristo, ńkwé mǒ. À ka tóo ńgÿo mmó gie pi kɔ̌ɔn ńge gÿo ná mèŋ, tá ńtúm pɔ́ yé, á cʉ́’ʉ méjʉ’ à náa twó yé.

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

1 Tesalonika 5:12

Mefɛ́ mefɛ́, peg sẅiŋté gẅi ngie pi ná mekù’ mbwo pʉ̀a pie pɔ́ fa’a fà’a Ssé tsetsɛ̀ɛ pi, á mbwo pʉ̀a pie Cʉ̀apʉ̀a la tÿɔ́gɔ wɔ́b á mvfò pi ngie pɔ́ tÿɔ́gte gẅí.

2 Tesalonika 3:1

Mefɛ́ mefɛ́, anò gie peg ge lɔg cʉ́me, á gwɔ́ pɔ́ ngie pi sẅíŋte Ssé nà twó ség, tá shwóŋè Cʉ̀apʉ̀a kẅi’i sa jʉ’, ńgwɔ́ mmó mekù’ pá’ áa mbʉ̀a pi ńgwɔ́ lɛ.

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

2 Timote 4:5

Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

Filemo 1:1

Yɔɔn ŋwà’ne fóo mbwo mèŋ Pɔl, ngàŋa tsǎŋ ńtí nò Yěsô Kristo. Peg Timoté gẅie aa fɛ́ wɔgɔ nzèm Yěsô Kristo náa yɔɔn ŋwà’ne á mbwo gù Filemo. Ɔ̀ɔ fɛ́ weg we tʉ̀ nzẅìŋ, pege metsèm pú fa’a nà nò Yěsô Kristo.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie: