Jẅide 1:9 - Nouveau Testament en Ngienboum

⁹ Tá mbà Méshÿɛɛ, tándá *mecÿɔ́’ Ssé la tè pú’u gÿo. Á laa lyɛ̌’ gie pɔ́ Sátà la ne ńzoŋo nò ná mbùm Mǒsê, á ké tè Sátà zoonte, ńké tè túu *lɔ̌’ yé ńdɔg ńzoonte yé wɔ́. Tà ńcʉ́’ pú’u, mbà à la gɔɔn pɔ́ ndà’ ngie: Á poŋ ngie Cʉ̀apʉ̀a néŋ ngɔ́’ twó gù.

Jẅide 1:9 ပူးပေါင်းရင်းမြစ်များ

Malékuse 15:29

Pàcʉa mánzsè la ne ńnyime yé yɔ́b, ńzoonte yé ńgɔɔn ngie: Gù gẅie ɔ̀ keme *jʉ’ʉ Ssé ńdɔgɔ lyɛ̌’ lá’ sétá ńkwɛ́ɛ,

1 Tesalonika 4:16

Á ge lá’a lyɛ̌’ áyɛ̌, mé jú’u mmó gie á pÿé, á gwɔ́ pá’ *cÿɔ́’ Ssé we lÿò ge ná ngyè ye tÿǒ gɔɔn nò, ńgwɔ́ pá’ mé ge jú’ ngyè ntàŋ Ssé, kwà’ Cʉ̀apʉ̀a Kristo à fó tÿǒ lepwó ésẅɛ́’, pʉ̀a pie é la gwɔ kwé ńne ńzába ntʉ́m ná ye vɔg ńzíme nà legwé.

1 Piɛ 3:9

Tà pi lɔgɔ nò tepòŋ ńtsɔ́’ɔ nò tepòŋ. Tà mé zoonte gẅi pi pʉŋe. Tà ńcʉ́’ pú’u, pi gɔɔn ngie e Ssé gwɔ́ nê ngàŋ, e Ssé la tsɔ́’ɔ gẅi pɔ́ pá’ à ge gwɔ́ né pi.

2 Piɛ 2:11

Pɔ́ zoonte wɔ́b pú’u, tá mbà mbɔɔ *mecÿɔ́’ Ssé ké tè *lɔ̌’ mɛ̌ mezẅìge tú, ḿbiŋ ńké tè sẅiŋe wɔ́b mbwo Cʉ̀apʉ̀a wɔ́. Tá ńké ńgẅiin metʉ̀ ńcʉa pɛ̌ pà zí’i pʉ̀a cÿɔ̌ nò.

Ŋwà’ne Ngyà jʉ’ 12:7

Ncù lêen ńké ńgwe tÿǒ lepwó, Méshÿɛɛ, tándá *mecÿɔ́’ Ssé, lɔg *mecÿɔ́’ Ssé pie ée nzèm yé, ḿma’ ntí máamáa nnù ngém ya lê ncù. Máamáa nnù ngém ŋwɛ́ lɔg mecÿɔ́’ pé, ńdÿɔ́’ɔ Méshÿɛɛ lê ncù.