Jẅide 1:7 - Nouveau Testament en Ngienboum

⁷ pi gíŋe ńkímte nò tÿǒsoŋo Sodom mbɔɔ ye Gomor, tà mbɔɔ ye metsɔ́ metÿǒsoŋ mie pâ pɔ̌ la teme pàa, ńkímte pá’ pʉ̀a metÿǒsoŋ ŋwɛ́ la gÿo nò tepòŋ pɔ́ pá’ *mecÿɔ́’ Ssé pɛ̌. Pɔ́ la ne ńgÿo menò shʉ́ tà sá’a sǎ’, ńdɔg mbùm yɔb ńkúbe shÿó menò mie e Ssé la záb. Áa nà fʉ̀’ɔɔn pɔ́ nuŋte tsɛ̀ɛ mmɔ̌g gẅie é té ndà’a ḿbyé wɔ́. Á lɔgɔ ńgɔɔn nò mbwo wɔ̌wɔ́ɔ.

Jẅide 1:7 ပူးပေါင်းရင်းမြစ်များ

Matio 10:15

Mèŋ n ge shwóŋó gẅí, kwà’ nénʉ́, àlyɛ̌’ gie Ssé ge lá’ ne tsɔ́’te mentsaŋ pʉ̀a mesoŋ, ngʉ̀ngʉ̀ pɛ̌ pʉ̀a gyɔ́ɔn ńcʉa yé pʉ̀a Sodom pâ yé pʉ̀a Gomor

Matio 11:24

Aa mmó gie á gÿo mèŋ n gɔɔn ngie: Á ge lá’ gwɔ́ lyɛ̌’ gie e Ssé ŋaga pʉ̀a mesoŋ, égi ngʉ̀ngʉ̀ cʉa yé pʉ̀a Sodom.

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Lukase 17:29

Tà ńdá’ ńkúu nà lyɛ̌’ gie Lod la fó tÿǒsoŋo Sodom tà ńkẅɛ. E Ssé fóo tÿǒ lepwó, ńtúm mbʉ̀ŋ mmɔ̌g pâ *mekʉ̀a, é pú ḿbyága lá’ tà á mag.

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

2 Tesalonika 1:7

é náa sẅétè mbwo pi pie pi ne ńgyá ngɔ́’ fʉ̀’ɔɔn lɔɔn, é gíŋe ná mbɔɔ mbwo peg yég. Mɔɔn menò ge lá’ cʉate á fʉ̀’ gie Cʉ̀apʉ̀a wégè Yěsô Kristo ge lá’ fó tÿǒ lepwó é kẅɛ, é nyɛ mbùm ye. Pâ mecÿɔ́’ pé pie é gẅiin metʉ̀ tɛ’ é gwɔ́.

2 Tesalonika 1:8

À ge lá’ gwaa tó pege gyá mmɔ̌g tÿɔ́’ɔ yé ńnéŋ soŋ, à gÿo pʉ̀a pie pɔ́ la lʉ’ Nkʉ̀ Mbòŋo wé gyá ngɔ́’.

2 Piɛ 2:2

Pʉ̀a tà ńgyɔɔn cʉ́me nzèm pɔ́b ńcʉ́’ʉ ńgÿo pɔ́ menò shʉ́. Mé cʉa ná pɔ́b, ńzoonte mánzsè nò gie áa nénʉ́.

2 Piɛ 2:6

E Ssé la gíŋe ńtém ngɔ́’ ná pʉ̀a tÿǒsoŋ Sodom lâ ná pʉ̀a tÿǒsoŋo Gomor ńdɔg mmɔ̌g ḿbyága wɔ́b, ńdɔgɔ ńnyɛɛ pʉ̀a tepòŋ fʉ̀’ mmó gie á ge gÿo tóo ná pɔ́b.

2 Piɛ 3:7

ńgʉa nà lefaŋ se fʉ̀’ɔɔn, mbɔɔ tsetsá’ ye fʉ̀’ɔɔn, mbà yɛ̌ Shwóŋè zɔ̌ le’e wɔ́b le’e ńdɔgɔ ńzẅí’te lyɛ̌’ gie e Ssé ge gÿo ŋág megàŋ mbù pé. Á ge lá’ gwɔ́ lyɛ̌’ó, mmɔ̌g gÿo lepwó pɔ́ tsetsá’ pú ńdége.