Jẅide 1:5 - Nouveau Testament en Ngienboum

⁵ Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.

Jẅide 1:5 ပူးပေါင်းရင်းမြစ်များ

Roma 15:15

N ne zsé pú’u tá’, n gʉ̌a nà tsɔ́ mejʉ’ tsɛ̀ɛ yɔɔn ŋwà’ne, ńgyá ngie n ge nyɛte gɔɔn tsɔ́ menò, lélɔg ńkímte gẅi menò mie mé la zí’i gẅí. Mèŋ n gɔɔn pú’u, ńcʉa ná pá’ e Ssé la cÿó gem yɔ́ɔn,

Heber 3:16

Pʉ̀a pie la zɔɔn ńjú’ ngyè Ssé, ńtʉʉ twó mbwo yé é laa pà wɔ̌? É laa pʉ̀a metsèm pie Mǒsê la lɔgɔ wɔ́b éfó tsɛ̀ɛ ngwòŋ Egipto ńkẅɛ.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

1 Jâŋ 2:20

ńgʉa ná pi, mbà Kristo ka náa Zẅìge Ndʉalʉ̌a né pi. Áa mmó gie á gÿo pi métsèm zsé nò nénʉ́.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.