Jẅide 1:3 - Nouveau Testament en Ngienboum

³ Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.

Jẅide 1:3 ပူးပေါင်းရင်းမြစ်များ

Megàŋ ntúm 17:3

Pɔl ne ńnyɛte ńkyagte shwóŋó wɔ́b ngie a *Nzà’nkÿo gẅie mé ka ne ḿbyɛ́bɛ la, ka gẅiin légyá ngɔ́’, ńkwé, ḿbiŋ ńzíme nà legwé. A *Nzà’nkÿo áwɛ̌ aa Yěsô gẅie yé shwóŋó wɔ́b lɔɔn.

Megàŋ ntúm 18:28

pâ pà Yuda zɔɔn ńtyé mvfò lá’, ńzóŋo nò ńnáa ná Yěsô, á ne ńdɔgɔ nò gie á fóo tsɛ̀ɛ ŋwà’ne Ssé ńnyɛte ńda’te ngie Yěsô zɔɔ *Nzà’nkÿo, ḿbú ne ńdɔgɔ yé shwóŋè ńjÿɔ́’ɔ ncwò pà Yuda.

Megàŋ ntúm 20:27

Á zɔɔn ńgwaa gwɔ́, mbà mèŋ n ka shwóŋó gẅi kɔ̀ɔkɔ́ɔ wɔ́ gie e Ssé la ka’a légÿo. Tà mèŋ n te tsɔ́ mmó lÿoon.

Megàŋ ntúm 28:28

Pɔl gíŋe ńgɔɔn né pɔ́b ngie: Pi gẅiin lézsé ngie, á ké ńgwɔ́ fʉ̀’ɔɔn, mbà Ssé kéen ńtúm Nkʉ̀ mbòŋo gẅie é gÿo mé tsẅɛ́, á mbwo pʉ̀a pie é té pà Yuda wɔ́. Pɔ́ ge jú’ é zẅíŋ. [

Megàŋ ntúm 4:12

Epʉ̀a ké ńgẅiin lécʉa pɔ́ ná Yěsô tá ńtsẅɛ, á nue atsɔ̌ nyìŋ ndyɛ̀’ɛ tè tsɛ̀ɛ yɔɔn njÿó ńgwɔ́ gẅie e Ssé la zába yé légwɔ́ gie pege ge cʉa nà yé tsẅɛ wɔ.

Megàŋ ntúm 6:7

Ashwóŋè Ssé la ne ńkẅi’i saa pɔ́ jʉ’. Anùɔ pàzáb ntʉ́m ná Yěsô ně ńkẅi’i ńgyɔ́ɔn Yerósalem. Pànuŋe pwɔ́’ tà ńgyɔ́ɔn záb ntʉ́m nà Yěsô.

Megàŋ ntúm 9:13

Ananias tsɔ́’ ngie: Cʉ̀apʉ̀a, mèŋ n zyě ńjú’ pʉ̀a tà ńgyɔ́ɔn kíme nyìŋ gẅie ɔ̀ gɔɔn yé lɛ. Mèŋ m bǔ ńzsé nò tepoŋ gie à ka gÿǒ nà pʉ̀a pú, á Yerósalem.

Megàŋ ntúm 9:22

Sɔ̂l ké ńnyɛte ńgɔɔn nò pɔ́ tè pɔ́g. Ńcwoŋo ńda’te mbwo pà Yuda pie pɔ́ ée Ndamas ngie Yěsô aa *Nzà’nkÿo, ńgÿo pú’u, pɔ́ té gíŋe ńzsé tsɔ́ nò gie pɔ́ ge gɔɔn mbwo yé wɔ́.

1 Korento 15:3

N da cʉ́me nò gie mé la cʉ́me pɔ́ mbwo mèŋ á mbwo pi, á gwɔ́ ná nkʉ̀ mbòŋo ńgwɔ́ kwòŋ. Yɛ̌ nò gwɔ́ ngie: Kristo la kwé nà menò tepòŋ mégè, á gwɔ́ pá’ ŋwà’ne Ssé la tʉ́ njÿó ńgɔɔn.

Galatia 2:5

Tá’ peg la tè zẅíŋe tsɔ́ nò mbwo pʉ̀a ŋwɛ́ wɔ́, tà mbɔɔ lé ná’a ńzẅíŋ tá ḿbiŋ ńdʉ’. Pú’u, le gwɔ́ gie nkʉ̀ mbòŋo ge tyé pɔ́ ndʉŋ ndʉŋ pá’ é gwɔ́, pi zẅɛ́’.

Galatia 3:28

Á fó pú’u, e Ssé tè gíŋe ńgÿo tsɔ́ tyɛ’te ná pà Yuda lâ pʉ̀a Gelekia wɔ́, ńké té gíŋe ńgÿo nà menkwɔɔn lâ pà ndù nnɛ́ wɔ́, ńké tè gíŋe gÿo nà mbàŋa lâ pànzwé wɔ́, á nue pi lɔg pá’ pi la nnɛ́ ná Yěsô Kristo ńcʉ́’ ńgwɔ́ pɔ́ tà’ ntí

Galatia 6:11

Pi gyá pá’ mɔɔn menÿɔ́g ŋwà’ne ge fáŋte fáŋte. Kwà’ mèŋ Pɔl zɔ lɔgɔ́ pwó yɔ́ɔn ńŋwe’e yɔɔn jʉ’!

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Filipo 1:1

Yɔɔn ŋwà’ne fóo mbwo mèŋ Pɔl. Peg Timoté gẅie peg yé pú fa’a nzèm Yěsô Kristo náa mbwo pi pie pi la zẅɛ́’ɛ Yěsô Kristo ńgwɔ́ pʉ̀a Ssé, á gẅi gẅie pi ee tÿǒsoŋ Filipo. Á gíŋe ńgwɔ́ gí pi pà líe cú’tè pʉ̀a Kristo laa pi pàfa’a tsɛ̀ɛ cú’tè.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Kolosia 1:2

mbwo pi pʉ̀a Ssé pie pi ńnéŋe Kolos. Pi pǔ ńgwɔ́ mefɛ́ mefɛ́ á nà nò Kristo, pi ké ńzsé pɔ́ ndà’ yɛ̌. Tá wege Ssé ne ńgwɔ́ né pi, ńne ńnéŋe sẅétè ntʉ́m pi.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.

2 Timote 1:13

Timoté, ne ńkímte shwóŋè nénʉ́ gie ɔ̀ la jú’u ncwò mèŋ, ńne ḿbíi fʉ̀’ mǒ, ńzí’i pʉ̀a pú’u. Záb ntʉ́m gú pɔ́ nà Ssé, ńne ńkwoŋo yé pá’ peg pie peg la la nnɛ́ ná Yěsô Kristo peg gÿo pú’u.

Titus 1:4

Mèŋ n ŋwe’e yɔɔn nò, ńnáa mbwo gù Titus. Ɔ̀ɔ mbwo mèŋ, ńgwɔ́ míŋ wɔɔn tɛ’. Pɔgɔ pú ńzáb ntʉ́m nà Yěsô Kristo. Mèŋ n ne ńdúɔ mbwo Tá wege Ssé pɔ́ Yěsô Kristo, yé gẅie à gÿo pege tsẅɛ́ɛ, ńgie pɔ́ ne ńgwɔ́ né gù, ńne ńnéŋe sẅétè ntʉ́m gù.

Heber 13:22

Mefɛ́ pɔ́ɔn pe mbàŋa mbɔɔ pe pànzwě, mèŋ n ne sẅíŋte gẅi ngie pi lɔgɔ kwɔ́gɔ nnɛ́, ńzẅí’te yɔɔn shwóŋè gie mèŋ n nǎ mbwo pi, ńdɔg ńkẅiŋte gẅí. N zɔ̌ɔn ńké kaa ŋwe’e á sag wɔ́.

Heber 6:9

Mefɛ́ pég pe ntʉ̀ nzẅìŋ, peg ké ńgɔɔn pá’ɔɔn ńne ńzsé kwà’ mboŋó ngie pi ee ná mánzsè we mbòŋo á gwɔ́ gẅie mé pfó mǒ ńtsẅɛ́.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

2 Piɛ 2:21

Mvfò kaa pá’ à lɔɔn ńgwɔ́ pɔ́ le zsé mánzsè ndʉŋ ndʉŋ wɔ́, ńcʉa pá’ pɔ́ ge zsé mbʉ̌ Ssé mie mé ka zí’i wɔ́b e piŋ gwa’.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

Jẅide 1:20

Tá ńgʉa ná pi, mbà meshǔ pɔ́ɔn pe tʉ̀ nzẅìŋ, pi kẅi’i ńtʉte tʉte, ńne ńkú’te mmó gie pi la záb ntʉ́m gẅi mǒ. Yɛ̌ zɔ̌ cÿó gie gẅi leńnéŋe tyé mǒ. Pi tóŋo Zẅìge Ndʉalʉ̌a, à lɔg metʉ̀ mé ńkẅéte gẅí lésẅíŋte Ssé.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

Ŋwà’ne Ngyà jʉ’ 2:10

Áa nénʉ́ ngie pi ge gyá ngɔ́’, tá’, tà pi ké ḿbɔ́g. Pi zsé ngie Sátà ge ma’ tsɔ́ pʉ̀a pí ndá tsǎŋ lélɔg ńdʉŋte gẅi ńgyá. Pi gyá ngʉ̀ngʉ̀ gyǎ é lyɛ̌’ lá’ legém. Pi ké ńzsé pɔ́ ndà’ wɔ̀ɔn, tà mbɔɔ pá’ mé lɔɔn ńne ńzẅéte gẅi ńtí pú’u. Mèŋ n ge lá’ tɔ’ ngú’ gi, á gwɔ́ pá’ pi ge lá’a gwɔ́ pɔ́ wó.