Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jẅide 1:24 - Nouveau Testament en Ngienboum

24 Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

အခန်းကိုကြည့်ပါ။ ကော်ပီ




Jẅide 1:24
28 ပူးပေါင်းရင်းမြစ်များ  

Pi zsé ngie: *Míŋ Nyìŋ pâ mecÿɔ́’ pé ge gÿo tó, á tsɛ̀ɛ legú’ Tá we, à leen ńké ńtsɔ́’ɔ fà’a wɔwɔ́, pɔ́ nà ngÿǒ menò mé.


Yěsô tsɔ́’ ngie: Tà mèŋ shwóŋó gẅí, kwà’ nénʉ́, mé ge lá’ kúu tsɛ̀ɛ ngwòŋ sẅé, *Míŋ Nyìŋ ńnéŋe nà lʉŋe lefùɔ yé gie á gẅiin shʉ́shÿɔ́g, pi pʉ̀a ntsɔ̀b pʉ́a nê legém pie pi la cʉ́me nzèm mèŋ, gíŋe ńnéŋe gí nà melʉŋ ntsɔ̀b pʉ́a nê legém, ńŋag pʉ̀a Israel, ngẅɛ̀ ntsɔ̀b pʉ́a nê legém


*Míŋ Nyìŋ ge gwɔ́ tà tóo tsɛ̀ɛ legú’ we, tà pâ mecÿɔ́’ pé gwɔ́, à ńnéŋe ná lʉŋ yé, ńgwɔ́ fùɔ gẅie tsɔ̌ tè yé cʉa.


Pi kág ńzɔb ńzíŋ, mélà’mie e Ssé nyɛté máa máa ntsɔ’ɔ́ fà’ né ńdɔgɔ ńzẅí’te gẅí. Pi zɔɔn ńzsé ngie á gíŋe ńgwɔ́ pɔ́ ndʉŋ ndʉŋ pá’, mé la gÿo nà pà *ntsẅì nkʉ̀ Ssé pie é la vɔg ńtó tá pi tó.


Nyìŋ lɔɔn ńkú shʉ́ légwɔ́ wɔ̀ɔn nyìŋ, mbɔɔ léshwóŋó nò yɔ́ɔn, mbà *Míŋ Nyìŋ ge lá’ kú shʉ́ lélɔgɔ yé ńgÿo we nyìŋ á fʉ̀’ gie à ge lá’ piŋ nzèm lê legú’ we gẅie aa we Ssé tà mbɔɔ mecÿɔ́’ pé.


Ɔ̀ɔ wɔ̌ tà ńtúu *lɔ̌’ ngàŋa fà’ nyìŋ ndyɛ̀’ɛ? À lɔɔn fʉa nò lo, à tè fʉa lo, mbà tá fà’ we zɔ gẅiin légɔɔn. Yé Cʉ̀apʉ̀a zɔɔn ńku’u légɔɔn ngie ngàŋ kaa nò fʉa.


Ngwɔ́ pege gíŋe ńkẅi’i kɔ́ nà nò gie pege gɔɔn lɔɔn? Pá’ e Ssé ee nà yégè gwǒŋ la, aa ńgwɔ́ wɔ̌ ku’u ná pege?


Pi zsé ngie n kwoŋo gẅi tà mèŋ n te zẅíŋ ngie nyìŋ gwaa gÿo mmó ná pi n ne ńgyá wɔ́. Yɛ̌ ntí nkwòŋo gie mèŋ n gẅiin nzèm pi e fóo pɔ́ mbwo Ssé, mélà’mie pi ée mbwo mèŋ, ńgwɔ́ pá’ múɔ manzwě gẅie mèŋ n da pÿé mbwo tà’ nyìŋ wémɔ’ɔ́, angàŋ gwɔ́ Kristo. Mèŋ n ne ńda’te gẅi mbwo yé ngie pi ee pá’ mûɔ ngùɔ gẅie à kaa tsɔ́ *lɔ̌’ kaa.


ńne ńzsé ngie Ssé gẅie à la gÿo Cʉ̀apʉ̀a Yěsô zíme ná legwé, ge gÿo gíŋe gÿo pege zím yégè, á nue pege la nnɛ́ ná Yěsô, e Ssé gÿo pege métsèm kẅɛ, pega Yěsô pú ńcú’te.


Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.


Yé Ssé, à ku’u légÿo kɔ̀ɔkɔ́ɔ ná pege, ńgÿo tà ńkwa’ ḿbú ńtɔ́g pá’ pege ne ńdúɔ, mbɔɔ pá’ pege ne ńkwaŋa. À gwɔ́ gÿo ńdɔg pɔ́ metʉ̀ mé mie é fa’a tsɛ̀ɛ mentʉ́m mégè.


À la ne ńkwoŋo ngie yɛ̌ cú’tè, a wɔ́ tyé mvfò yé, ńcwoŋo ne ńŋwʉŋe, ńgwɔ́ té ncÿǒ, té tsɔ́ jʉ’e nnɛ́ yé ńŋú’te, té tsɔ́ *lɔ̌’, atsɔ́ mmó le nyé ńzága ná yé wɔ́.


Tá á ké ḿbiŋ ńgwɔ́ fʉ̀’ɔɔn, mbà á ka fó ná pá’ Míŋ we ka cʉ́’ʉ nyìŋ mesoŋ, ńkwé, éshwoŋte gẅi ńgíŋe ńnéŋe lejʉ́ŋ ye, éshwoŋte gẅi pú’u, légwɔ́ gie pi ge gwɔ́ ndʉalʉ̌a, é gwɔ́ pà tèfʉa, é gwɔ́ pà tè *lɔ̌’.


Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.


Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.


Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.


Nyìŋ lɔɔn ńzɔɔn ńkú’te mbʉ̌ Ssé, ńgʉa mǒ fʉa pɔ́ ndà’ tà’, mbà à pǔ fʉa pɔ́ mbʉ̌ ntsèm.


Pi cʉ́’ ńkág kág á nue pi ne ńgyá gi ngɔ́’ pá’ kristo, à cʉa pú’u, pi gÿo ńgwɔ́ tà ńgyá legú’ we ńgíŋe ńgẅiin gí máamáa lekág.


Mefɛ́ pɔ́ɔn, pá’ áa pú’u la, pi kẅi’i ńkag tʉ̀, légwɔ́ gie pi ge gÿo mé zsé mboŋó ngie Ssé la tóŋo gẅí, ńtsɔ́’ɔ gẅí. Pi lɔɔn ńnéŋe ná yɛ̌ ntí, mbà pi těen ńdá’a ńgwe nà nò tepòŋ wɔ́.


Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.


mbà mé laa mé ńjú’ cÿɔ̌ nò kẅɛɛ ncwò pɔ́b wɔ́, *alɔ̌’ɔ yɔ́b té wó wɔ́.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ