Jẅide 1:17 - Nouveau Testament en Ngienboum

¹⁷ Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

Jẅide 1:17 ပူးပေါင်းရင်းမြစ်များ

Megàŋ ntúm 20:35

Mèŋ n kɔ̌ɔn ne ńnyɛɛ gẅi fʉ̀’ ntsèm ntí gie á ne ńzɛ́te ngie mé fa’ pú’u, ńzsé ngie mé ge kẅéte pàtè mmó. Á poŋo lékímte nò gie kwà’ Cʉ̀apʉ̀a Yěsô la gɔɔn ngie: Lenǎ mmó à gẅiin fù’ ńcʉa lékẅé.

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

Efeso 4:11

Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

1 Jâŋ 4:6

Á gʉa ná pege, mbà pege ee nà gwǒŋo ye Ssé. Nyìŋ gẅie à ne ńzsé Ssé à ne ńzẅí’te nò gie pege gɔɔn. Nyìŋ gẅie à tè ná gwǒŋo ye Ssé wɔ́, à tè yégè nò zẅí’te. Pege fó pɔ́ pú’u, tá ńzsé nò nénʉ́, ńzsé cÿɔ̌ nò.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.