Jẅide 1:16 - Nouveau Testament en Ngienboum

¹⁶ Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

Jẅide 1:16 ပူးပေါင်းရင်းမြစ်များ

Lukase 15:2

Pà *farisay pâ *pàkyàgte lepʉ̌ Mǒsê gyá pú’u, ńné ńzẅɛte tsetsɛ̀ɛ pɔ́b ńgɔɔn ngie: Nyìŋ wɛ ne ńkúe pʉ̀a tepòŋ tà pâ pɔ̌ teme shúm ńjÿó.

Lukase 19:7

Alá’ la gyá pá’ pɔ́ ye gee, ńzẅɛ́te ngie: A gẅie à gee ndá nyìŋ tepòŋ ńda’a lɛ.

Lukase 5:30

Tsɔ́ pà *farisay lâ tsɔ́ *pàkyàgte lepʉ̌ Mǒsê gyá pú’u, ńne ńzẅɛ́te, ńzɛ́te megàŋa nkwò Yěsô ngie: Mélà’a kɔ́ pi lâ pàkẅé ncùb lâ petsɔ́ pʉ̀a tepòŋ teme shúm ńjÿó?

Ŋwà’ne Jâŋ 6:41

Pàsá’a lá’ leen ńké ńzye lézẅɛ́te nzèm Yěsô, mélà’mie à gɔ̌ɔn ngie aa mmó léjÿó gie à fóo tÿǒ lepwó.

Ŋwà’ne Jâŋ 6:61

Yěsô zsé ngie *ngàŋa kwò yé ne ńzẅɛ́te ńtí nò gie à gɔ̌ɔn, ńzɛ́te wɔ́b ngie ashwóŋè yɔ́ɔn ne ńgege gẅi gege ka?

1 Korento 10:10

Tà pi zẅɛ́te ná Cʉ̀apʉ̀a. Á piŋ ńgwɔ́ pá’ tsɔ́ pʉ̀a tsetsɛ̀ɛ pɔ́b la gÿo. Á cʉa pú’u, *cÿɔ́’ Ssé gẅie aa ńzẅéte pʉ̀a tó ńzẅéte wɔ́b.

Galatia 5:16

N ge gɔɔn né pi ngie: Pi zẅíŋ Zẅìge Ssé zɔ tsyeen gẅi nà gẅi le gwɔ́, pú’u pi é légÿo menò tepòŋ mie mbùm gí tsóte gẅi ngie pi gÿo wɔ́.

Galatia 5:24

Pʉ̀a pie ée pe Yěsô Kristo léen ńgwá’ shúm tepòŋ sie é póŋ mbùm nnɛ́ yɔb, lâ sie mbùm nnɛ́ ŋwɛ́ zɔ tsɔ̌ɔn, tá á gwɔ́ pɔ́ pá’ fʉ̀’ gie pɔ́ léen ńkim mbùm nnɛ́ ŋwɛ́ nà tÿǒ nkǐ la.

Filipo 2:14

Pi gÿo kɔ̀ɔkɔ́ɔ té zẅɛ́te, té tsɔ̌ zòŋo nò tsetsɛ̀ɛ pi,

1 Tesalonika 4:5

Tà á le zẅíŋ nkwaŋá tepòŋ jÿó yé pá’ é jÿó pʉ̀a pie é té Ssé zsé wɔ́.

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

1 Piɛ 1:14

Pi jú’ ncwò Ssé, pá’ penkʉ́ pie é jú’u ncwò, tà pi gíŋe ńzẅíŋ menkwaŋá tepòŋ mie é kɔ́ɔn sá’a gẅi fʉ̀’ gie pi ka nyě tè zsě Kristo gíŋe sá’a gẅí.

1 Piɛ 2:11

Meshǔ pɔ́ɔn pé tʉ nzẅìŋ, pi ee ndùmo ssé tsetsá’ jʉ’ɔɔn ńgwɔ́ pɔ́ pà ncʉ̀anzsè, ńgíŋe ńgwɔ́ pɔ́ megʉ̀. Áa mmó gie á gÿo mèŋ n ne shwóŋó gẅi ngie tà pi zẅí’te mbùm gí gie e ne ńtsó gẅi légÿo mmó gie e ne ńkwoŋo, á nue ee pú’u, ne ńdÿɔ́’ɔ ntʉ́m gẅi lê ncù.

1 Piɛ 4:2

Pú’u la, pi gʉa nà melyɛ’ɛ́ lá’ mie pi nyě ńgẅiin ndùmo ssé tsetsá’, ńgÿo pɔ́ mmó gie Ssé ne ńkwoŋo, tà pi gÿo mmó gie mbùm nyìŋ zɔ tsóte yé á gÿo.

2 Piɛ 2:10

À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

2 Piɛ 2:18

Pɔ́ lɔgɔ mmó gie pɔ́ zí’i pʉ̀a ńŋá’te, tá é gwɔ́ pɔ́ fÿɔ́g sẅɛ̀ɛ gie é zẅɛɛ. Pɔ́ gɔɔn mbwo pʉ̀a ngie ńgwɔ́ nyìŋ gÿo kɔ̀ɔkɔ́ɔ gie mbùm nyìŋ mesoŋ tsɔ́ɔn, tá á gwɔ́ nò shʉ́. Pɔ́ lɔg pú’u, éshwoŋte pʉ̀a pie pɔ́ ka nyé ńkẅɛɛ tsetsɛ̀ɛ pʉ̀a pie ée nà mánzsè tepòŋ,

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

Jẅide 1:15

Á lélɔg ńŋág pʉ̀a metsèm, ńnéŋ ngʉ̀ngʉ̀ twó pʉ̀a tepòŋ métsèm ńtí mefà’ tepòŋ mie pɔ́ la fa’, éfó ná pá’ pɔ́ la tʉʉ twó mbwo Ssé, tà mbɔɔ ná shwóŋè ntsèm gie á pÿɔ́g pÿɔ̌g, á gie pʉ̀a tepòŋ ŋwɛ́ pie pɔ́ té mekù’ gẅiin é lǎ gɔɔn ná Ssé.

Jẅide 1:18

Pɔ́ la gɔɔn ngie, á ge lá’ gwɔ́ nà fʉ̀’ gie njÿó ge magá, epʉ̀a gẅe gẅí, ńgÿo menò tepòŋ ná ntí gie mbùm yɔb ne ńtsóte wɔ́b légÿo pú’u.