Heber 9:9 - Nouveau Testament en Ngienboum

⁹ Áa mbwo pege ná fʉ̀’ɔɔn ńgwɔ́ liŋé gie mé lɔgɔ ńnyɛɛ wégè nò. Yɛ̌ nò gwɔ́ ngie: Ammó gie mé náa mbwo Ssé lâ pwɔ́’ gẅie mé nuŋe mvfò yé, ńgwɔ́ é le gÿo tà ntʉ́m nyìŋ gẅie à gu’te Ssé ná yɛ̌ ntí, é nyé té ké ne ńŋaga yé ŋag wɔ́.

Heber 9:9 ပူးပေါင်းရင်းမြစ်များ

Roma 5:14

Tà mbɔɔ pú’u, éfó nà fʉ̀’e Adam ńgʉa ńkúu nà fʉ̀’e Mǒsê, legwé gẅiin pʉ̀a mesoŋ gẅiin mbɔɔ pie pɔ́ la tè gÿo nò tepòŋ pá’ Adam gẅie à la fʉa *lepʉ̌ sie e Ssé la ná né yé wɔ́. À nò Adam sẅé yé nyìŋ gẅie à lɔ̌ɔn ge lá’ tá tó.

Galatia 3:21

Pá’ áa pá’ɔɔn lɔɔn á lɔgɔ ńgwɔ́ ngie *lepʉ̌ Ssé la pyág shúm sie à la ka’ kekɔ́ wɔ́? Ngǎŋ á té pú’u, wɔ́. Á la gwé’e ńgwɔ́ gie à la ná tsɔ́ *lepʉ̌ sie ńgwɔ́ é gÿo pʉ̀a mesoŋ gwɔ́ wó, mbà à lɔɔn ńgwɔ́ nyìŋ lɔg pá’ à kú’te *lepʉ̌, ńku’u nyìŋ gẅie aa mvfò Ssé ńgwɔ́ ndʉŋ ndʉŋ.

Heber 10:11

Á gʉa ná nùŋe pwɔ́’ we nzẅìŋe *kʉ̀a, mbà à gwɔ́ lyɛ̌’ ntsèm, ńtyé pɔ́ ncwò fà’ ye, ńké ńnuŋe pɔ́ tà’ ntí pwɔ́’ gie e lɔɔn ńgwɔ́ é le lá’a tsɔ́ lyɛ̌’ ńku’u léfóo ná nyìŋ ńzyɛ́b menò tepòŋ mé wɔ́.

Heber 11:19

Tá Ábalam tyé lélɔgɔ yé ńnuŋe pwɔ́’, á nue à la ne ńzsé tsɛ̀ɛ ntʉ́m yé ngie, e Ssé kǔ’ mbàa lezíme nyìŋ gẅie à kwě. Áa mmó gie á la gÿo e Ssé piŋe míŋ we mbwo yé, tà á cʉ́’ ńgwɔ́ pɔ́ pá’ fʉ̀’ gie múɔ zimé nà legwé la, ńdɔgɔ pú’u, ńtʉ́ʉ njÿó ńnyɛɛ fʉ̀’ʉ nò

Heber 5:1

Mé zɔɔn ńgʉa pɔ́ tsetsɛ̀ɛ pʉ̀a mesoŋ ńtsɔ́’ɔ *nùŋe pwɔ́’ we lÿò pɔ́ légwɔ́ gie à ge fa’a mbwo Ssé, á nà twó pʉ̀a mesoŋ. À yé fà’ gwɔ́ lélɔg shúm ńtóo mvfò Ssé ńnyɛɛ yé mbɔɔ lénuŋe pwɔ́’ ńdɔg sẅíŋte yé ngie à lege menò tepòŋ pʉ̀a mesoŋ.

Heber 7:11

*Lepʉ̌ pʉ̀a Israel zɛ́te ngie mé lɔg pɔ́ púɔ ngẅɛ̀ Lěvi ńgÿo pànuŋe pwɔ́’. Pɔ́ gwɔ́ pànuŋe pwɔ́’ á nà ntí gie Aroŋ la gwɔ́ yé pú’u. Ammó laa pé’e á té zága nà yɔb ntí lenuŋe pwɔ́’ wɔ́, mbà lenyé wɔ́b, ńcʉ́’ fa’a tsɔ́ nùŋe pwɔ́’ pɔ́ nà ntí ye Melekisedeg lɔ̌ɔn ńge kẅéte nà kɔ́?

Heber 8:4

Kristo la gwé’e ńgwɔ́ ndùmo ssé tsetsá’, mbà à zɔɔn fó tè nùŋe pwɔ́’ wɔ́, á nue pànuŋe pwɔ́’ ná pá’ *lepʉ̌ Mǒsê ne ńzɛ́te, é léen ńdá’ ńgwɔ́ wó.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.