Heber 9:4 - Nouveau Testament en Ngienboum

⁴ Á gwɔ́ tsɛ̀ɛ wɛ̌ lúm, lekyè mmɔ̌g tyé tsoló, mbà mé la lɔgɔ tʉ̌ gɔ̂l ńnyɛte, mé tuɔ shúm gyě ndùmo, àkʉ̀be *kʉ̀a gie e Ssé pâ pʉ̀a la gwa tyé yé tsoló, mbà mé la pú ńdɔg pɔ́ tʉ̌ gɔ̂l ńdɔg shʉŋ menzèm ntsèm, atsɔ̌ mûɔ méngwʉ̌ŋ gẅie mé la gíŋe ńdɔg pɔ́ tʉ̌ gɔ̂l ńnyɛte á tyé tsɛ̀ɛ yɛ̌ kʉ̀b lé mána tsoló, atÿǒ Aroŋ gie metootǒ la lá’ ńkẅɛte mǒ gíŋe ńnùŋe tsoló, metǎfelé tóon mie mé la ŋwe’e nò *kʉ̀a gie e Ssé pâ pʉ̀a pé la gwa gíŋ ńgwɔ́ tsoló.

Heber 9:4 ပူးပေါင်းရင်းမြစ်များ

Ŋwà’ne Ngyà jʉ’ 11:19

Pɔ́ gɔɔn pú’u, tà ńgwɔ cʉ́me, ncwò jʉ’e Ssé gie áa tÿǒ lepwó tsɔ́’ɔ ńtyé, akʉ̀b gie e Ssé la lɔg ńgwaa *kʉ̀a kẅɛ ńtyé tsɛ̀ɛ jʉ’ yé ŋwɛ́. Menně mbʉ̀ŋ kyɛ’ jʉ’. Mé jú’ ngyè *mecÿɔ́’ Ssé, ńjú’ lefaŋ vɛ́te ngʉ̀a ngʉ̀a. Atsetsá’ cʉ’e. Megẅì pú ńgwe pá’ɔɔn tɛ’.

Ŋwà’ne Ngyà jʉ’ 8:3

Atsɔ̌ *cÿɔ́’ Ssé tó ńtyé ngʉ̀ŋe jʉ’ gie mé tuɔ shúm gyě wó, ńgẅiin mmó gie mé ńnéŋe mmó gyě tsoló ńtuɔ. Á gwɔ́, mbà mé la lɔgɔ tʉ̌ gɔ̂l ńnyɛte. Mé náa laméndɔ́ɔn mbwo yé tà á gyɔ́ɔn gyɔ̌ɔn pá’, à ge temte mesẅíŋtè pʉ̀a Ssé mǒ, é tuɔ jʉ’ gie mé nuŋe pwɔ́’ wó, é náa mbwo Ssé. Yɛ̌ jʉ’ gwɔ́, mbà mé la lɔgɔ tʉ̌ gɔ̂l ńnyɛte. Á gwɔ́ mvfò lʉŋe lefùɔ.