Heber 8:4 - Nouveau Testament en Ngienboum

⁴ Kristo la gwé’e ńgwɔ́ ndùmo ssé tsetsá’, mbà à zɔɔn fó tè nùŋe pwɔ́’ wɔ́, á nue pànuŋe pwɔ́’ ná pá’ *lepʉ̌ Mǒsê ne ńzɛ́te, é léen ńdá’ ńgwɔ́ wó.

Heber 8:4 ပူးပေါင်းရင်းမြစ်များ

Heber 10:11

Á gʉa ná nùŋe pwɔ́’ we nzẅìŋe *kʉ̀a, mbà à gwɔ́ lyɛ̌’ ntsèm, ńtyé pɔ́ ncwò fà’ ye, ńké ńnuŋe pɔ́ tà’ ntí pwɔ́’ gie e lɔɔn ńgwɔ́ é le lá’a tsɔ́ lyɛ̌’ ńku’u léfóo ná nyìŋ ńzyɛ́b menò tepòŋ mé wɔ́.

Heber 11:4

Á la fó pɔ́ ná pá’ Abe la záb ntʉ́m wé nà Ssé, tá á nuŋe wé pwɔ́’ é poŋo mbwo Ssé ńcʉa we Kain. Á la fó pɔ́ mǒ, e Ssé líe yé tà ngie, aa ndʉŋ ndʉŋ mvfò yé, mbà à la cʉ́’ʉ lényɛ, ńzẅíŋe mmó gie Abe lɔ̌g ńtóo mvfò yé. Á la fó pɔ́ ná pá’ Abe la záb ntʉ́m wé nà Ssé, à nyé lyɛ̌’ɔɔn ńgɔɔn nò mbwo pege gɔɔn, tá mbà à léen ńkwé.

Heber 5:1

Mé zɔɔn ńgʉa pɔ́ tsetsɛ̀ɛ pʉ̀a mesoŋ ńtsɔ́’ɔ *nùŋe pwɔ́’ we lÿò pɔ́ légwɔ́ gie à ge fa’a mbwo Ssé, á nà twó pʉ̀a mesoŋ. À yé fà’ gwɔ́ lélɔg shúm ńtóo mvfò Ssé ńnyɛɛ yé mbɔɔ lénuŋe pwɔ́’ ńdɔg sẅíŋte yé ngie à lege menò tepòŋ pʉ̀a mesoŋ.

Heber 7:27

À tè pá’ petsɔ́ pànuŋe pwɔ́’ pe melÿò pie pɔ́ la gẅiin lénuŋe pwɔ́’ lyɛ̌’ ntsèm wɔ́. Pɔ́ lɔ́ɔn ḿvɔgɔ ńnuŋe pwɔ́’ ná mɔ́b menò tepòŋ, tá ḿbiŋe ńnuŋe pwɔ́’ ná menò tepòŋ petsɔ́ pʉ̀a. À la nuŋe wé pwɔ́’ pɔ́ tà’ legʉ̀a, á gwɔ́ pá’ à la náa twó mbùm yé nà tÿǒ nkǐ, á ku’ pú’u.

Heber 8:3

Mé zɔɔn ńzába *nùŋe pwɔ́’ we lÿò pɔ́ légwɔ́ gie à ge lɔg shúm tóo mvfò Ssé nyɛɛ yé mbɔɔ pá’ à ge nùŋe pwɔ́’ mvfò Ssé. Áa mmó gie á gÿo á ne ńzɛ́te ngie wege *nùŋe pwɔ́’ we lÿò à gíŋe ńgẅiin yé mmó gie à ge náa mbwo Ssé.

Heber 9:9

Áa mbwo pege ná fʉ̀’ɔɔn ńgwɔ́ liŋé gie mé lɔgɔ ńnyɛɛ wégè nò. Yɛ̌ nò gwɔ́ ngie: Ammó gie mé náa mbwo Ssé lâ pwɔ́’ gẅie mé nuŋe mvfò yé, ńgwɔ́ é le gÿo tà ntʉ́m nyìŋ gẅie à gu’te Ssé ná yɛ̌ ntí, é nyé té ké ne ńŋaga yé ŋag wɔ́.