Heber 8:2 - Nouveau Testament en Ngienboum

² À fa’a fà’ *nùŋe pwɔ́’ we lÿò á kwa’ jʉ’ gie e Ssé ee wó, á tsɛ̀ɛ kwà’ ntàb Ssé. Wɛ̌ ntàb gwɔ́ gẅie Cʉ̀apʉ̀a zɔ la lɔg kwà’ mbwo mé ńnÿɔg tà nyìŋ mesoŋ zɔ tè nÿɔg.

Heber 8:2 ပူးပေါင်းရင်းမြစ်များ

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Roma 15:8

Áa mmó gie á la gÿo Kristo tó fa’a mbwo pà Yuda, légÿo menò mie e Ssé la ka’a mbwo pà mangʉa njʉ’ pɔ́b pumte. Ndʉŋ ndʉŋ pá’ kɔ̀ɔkɔ́ɔ gie e Ssé gɔɔn wɔ́ ké ḿbumte pumte.

2 Korento 5:1

Peg zɔɔn ne ńzsé ngie ntàb wɔɔn gẅie pege ee tsoló, é gwɔ́ mbùm yege lɔɔn, é lɔɔn fó lyɛ̌’ ńkeme, mbà pege gẅiin ndá tÿǒ lepwó, é gwɔ́ gie e ge lá’a gwɔ́ pɔ́ wó. Epʉ̀a mesoŋ zɔ la tè pwóon, e Ssé zɔ la pwóon.

Kolosia 2:11

Pi lâ Kristo la gwɔ́ tà ńtemte, e Ssé gÿo liŋé ná pi. Á gwɔ́ gie á nyɛɛ ngie pi ee pʉ̀a pé. À laa tsɔ́ fʉ̀’ ńtsẅii mbwo pà Yuda ngie pɔ́ gÿo mé pú’u wɔ́b, á gwɔ́ liŋé, tá’ á ké ńgʉa ná pi, mbà liŋé gie a gÿǒ ná pi, á téen fóo mbwo pʉ̀a mesoŋ wɔ́, á fóo pɔ́ mbwo Kristo. Yɛ̌ liŋé kéen fó mbwo mmó gie áa soŋ nnɛ́ pege, ńtsóte wégè ńnéŋe ná nò tepòŋ, ńkẅile wégè.

Heber 10:11

Á gʉa ná nùŋe pwɔ́’ we nzẅìŋe *kʉ̀a, mbà à gwɔ́ lyɛ̌’ ntsèm, ńtyé pɔ́ ncwò fà’ ye, ńké ńnuŋe pɔ́ tà’ ntí pwɔ́’ gie e lɔɔn ńgwɔ́ é le lá’a tsɔ́ lyɛ̌’ ńku’u léfóo ná nyìŋ ńzyɛ́b menò tepòŋ mé wɔ́.

Heber 10:21

Pege lɔgɔ pú’u, ńgẅiin *nùŋe pwɔ́’ we lÿò gẅie aa kwà’ wɛ̌, yé zɔ̌ líe pʉ̀a Ssé.

Heber 11:10

Ábalam la gÿo pú’u, á nue à la ne ńzẅí’te tÿǒsoŋ gie á gẅiin cÿǒ gie á tʉ́te. E Ssé lê twó yé zɔ̌ ne ńzsé pá’ yɛ̌ tÿǒsoŋ ge gÿo gwɔ́, yé lê twó yé zɔ piŋ ńkwɛ́.

Heber 9:1

Nndùŋ mvfò *kʉ̀a la gẅiin ye ntí mendendá’ gie mé lɔ́ɔn ńgiŋe mǒ tá ńnuŋe pwɔ́’. Mé la gíŋ ńgẅiin jʉ’ gie mé nuŋe pwɔ́’ Ssé wó, á gwɔ́ pɔ́ ndùmo ssé tsetsá’.

Ŋwà’ne Ngyà jʉ’ 21:3

Mèŋ jú’ etsɔ̌ ngyè tetʉ̀ fóo jʉ’ʉ lʉŋe lefùɔ ńne ńgɔɔn ngie: Áa fʉ̀’ɔɔn, mbà jʉ’ gie Ssé ńnéŋe wó, á gwɔ̌ tsetsɛ̀ɛ pʉ̀a mesoŋ. Pâ pɔ̌ zɔ̌ ge cʉ́’ʉ ńnéŋe, pɔ́ gwɔ́ pʉ̀a pé, à gwɔ́ Ssé yɔb.