Heber 7:8 - Nouveau Testament en Ngienboum

⁸ Pànuŋe pwɔ́’ pie é lɔgɔ ńgwɔ́ ngẅɛ̀ Lěvi, pie pɔ́ kẅé tà’ nzsè á nà shúm nzsè legém, pɔ́ ée pʉ̀a pie é ńnéŋe ńkwéte. Tá ńgʉa ná Melekisedeg gẅie à la kẅé tà’ nzsè á nà nzsè legém, aa nyìŋ gẅie aa ńgwɔ́ pɔ́ wó, pá’ ŋwà’ne Ssé ne shwóŋó wégè pú’u.

Heber 7:8 ပူးပေါင်းရင်းမြစ်များ

Ŋwà’ne Jâŋ 14:19

Á cʉ́’ pɔ́ méjʉ’, pʉ̀a njÿó le gíŋ ńgyá wɔ̀ɔn mɔ́, tá ńgʉa ná pi, pi ne ńgyá wɔ̀ɔn gyǎ, mélà’mie n gwɔ̌ pɔ́ ntentʉ́. Pi gÿo ńgíŋe ńgwɔ́ gí ntentʉ́.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Heber 3:16

Pʉ̀a pie la zɔɔn ńjú’ ngyè Ssé, ńtʉʉ twó mbwo yé é laa pà wɔ̌? É laa pʉ̀a metsèm pie Mǒsê la lɔgɔ wɔ́b éfó tsɛ̀ɛ ngwòŋ Egipto ńkẅɛ.

Heber 5:6

Á gíŋe ńgwɔ́ pɔ́ ndʉŋ ndʉŋ pá’ à la gíŋe ńgɔɔn tsɔ́ jʉ’ ngie: «Ɔ̀ɔ nùŋe pwɔ́’, tà ké lá’a gwɔ́ pɔ́ wɛ̌, á nà ntí gie Melekisedeg la gwɔ́ yé».

Heber 6:20

Á nue Yěsô la vɔg ńkúu wó ńtí wégè. À piŋ ńgwɔ́ wó fʉ̀’ɔɔn, ńgwɔ́ nùŋe pwɔ́’ wege we lÿò, á nà ngù’u nkɔ́ɔn nê nkɔ̌ɔn, á nà ntí ye Melekisedeg.

Heber 7:23

Ammó gie á gíŋe ńgwɔ́ mǒ gwɔ́ ngie: Pànuŋe pwɔ́’ pe ngẅɛ̀ Lěvi la gwaa gyɔ́ɔn gyɔ́ɔn á nue legwé lɔ̌ɔn ńtɔ’ɔ wɔ́b lé ké ńdá’a fa’a fà’ yɔ́b fa’ tà pɔ́ lekwé.

Heber 7:7

Mé zɔɔn ńzsé mboŋó ngie nyìŋ gẅie à ńnéŋe mbʉ́lè à cʉa nyìŋ gẅie à kẅé mbʉ́lè.

Heber 7:9

À lɔɔn ńgwɔ́ pege gɔɔn ngie e pʉ̀a Lěvi pie é kẅé tà’ nzsè, á nà nzsè legém, la ná yɔ́b tà’ nzsè á nà nzsè legém mbwo Melekisedeg, pú’u ńcʉa ná Ábalam.

Heber 9:27

Pá’ e Ssé la záb ngie wɛ̌ nyìŋ mesoŋ wɔ́ ge ké kwé pɔ́ tà’ legʉ̀a, é kwé pú’u, à cʉ́’ pɔ́ pá’ yé Ssé ge tsɔ́’te ntsaŋ ngàŋ la,

Ŋwà’ne Ngyà jʉ’ 1:18

Mèŋ n gee nyìŋ gẅie à gÿo mé gwɔ́ wó. N da kwé, tá mèŋ n gee fʉ̀’ɔɔn ńgwɔ́ wó, é ké lá’a gwɔ́ pɔ́ wó. Mèŋ n gẅiin metsɔ́’ɔ kí, mie é náa wɔ̀ɔn metʉ̀ lélɔg ńjÿɔ́’ɔ jʉ’ gie mepfó ée wó, kà pɔ́ lélɔg ńtsɔ́’ éfó wó ńkẅile pʉ̀a wɔ́.