Heber 7:7 - Nouveau Testament en Ngienboum

⁷ Mé zɔɔn ńzsé mboŋó ngie nyìŋ gẅie à ńnéŋe mbʉ́lè à cʉa nyìŋ gẅie à kẅé mbʉ́lè.

Heber 7:7 ပူးပေါင်းရင်းမြစ်များ

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Heber 7:6

Melekisedeg la tè nyìŋ ná ngẅɛ̀ ndá Lěvi wɔ́, tá’, Ábalam gabte shúm sé nzsè legém, ńnáa tà’ nzsè né yé, á kẅé, ńnéŋ mbʉ́lè ná yé gẅie e Ssé la ka’a mmó mbwo yé.

Heber 7:8

Pànuŋe pwɔ́’ pie é lɔgɔ ńgwɔ́ ngẅɛ̀ Lěvi, pie pɔ́ kẅé tà’ nzsè á nà shúm nzsè legém, pɔ́ ée pʉ̀a pie é ńnéŋe ńkwéte. Tá ńgʉa ná Melekisedeg gẅie à la kẅé tà’ nzsè á nà nzsè legém, aa nyìŋ gẅie aa ńgwɔ́ pɔ́ wó, pá’ ŋwà’ne Ssé ne shwóŋó wégè pú’u.