Heber 7:6 - Nouveau Testament en Ngienboum

⁶ Melekisedeg la tè nyìŋ ná ngẅɛ̀ ndá Lěvi wɔ́, tá’, Ábalam gabte shúm sé nzsè legém, ńnáa tà’ nzsè né yé, á kẅé, ńnéŋ mbʉ́lè ná yé gẅie e Ssé la ka’a mmó mbwo yé.

Heber 7:6 ပူးပေါင်းရင်းမြစ်များ

Megàŋ ntúm 3:25

E Ssé lɔ̌ɔn ńdɔgɔ ncwò pà *ntsẅì nkʉ̀ Ssé ŋwɛ́ ńgɔɔn né pi. Pi gẅiin gí mmó nà *kʉ̀a gie Ssé la gwa tsetsɛ̀ɛ pàmangʉa njʉ’ pí. Á gwɔ́ pá’ à la gɔɔn né Ábalam ngie: Mèŋ n ge lá’ cʉa pɔ́ nà ngẅɛ̀ jù tá néŋ mbʉ́lè nà metsìŋe ndá ntsèm mie ée ndùmo ssé tsetsá’.

Roma 4:13

Atsɔ́ nò gíŋ ńgwɔ́ ngie e Ssé la ka’a mbwo Ábalam, mbɔɔ mbwo ngẅɛ̀ ye ngie à ge lá’ ná ngwòŋ mbwo pɔ́b. E Ssé lɔ̌ɔn tě ńka’a pá’ɔɔn, pɔ́ mélà’mie Ábalam la ne ńgÿo mmó gie *lepʉ̌ ne ńzɛ́te wɔ́, á la fó pɔ́ ná pá’ à záb ntʉ́m nà Ssé, e Ssé cʉ́’ ńdíe yé á gwɔ́ pɔ́ ndʉŋ ndʉŋ mvfò yé.

Roma 9:4

Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

Galatia 3:16

Áa mbwo Ssé ńgíŋ ńgwɔ́ pɔ́ pú’u. E Ssé la ka’a mmó mbwo Ábalam tà mbɔɔ mbwo nyìŋ gẅie Ábalam lɔ̌ɔn ńge gÿo zyé yé. Aŋwà’ne Ssé té gɔɔn ngie mé la ka’a mbwo pʉ̀a pie à lɔ̌ɔn ńge gÿo tá zyé wɔ́b pá’ fʉ̀’ gie pʉ̀a pie mé lɔ́ɔn ńka’a yɛ̌ mmó à gwɔ́ yɔ́b la gyɔ́ɔn gyɔ̌ɔn wɔ́. Ngǎŋ á la gwɔ́ pɔ́ nò tà’ nyìŋ, á nue mé zɔɔn ńtóŋo tsɛ̀ɛ ŋwà’ne Ssé ngie: Tà mbɔɔ mbwo nyìŋ gẅie ɔ̀ ge gÿo zyé yé. Wɛ̌ nyìŋ piŋ ńgwɔ́ Kristo.

Heber 11:13

Pɔ́b metsèm la gwaa kwéte ńne ńzába ntʉ́m wɔ́b pɔ́ nà Ssé, ńké nyé pɔ́ tè gẅiin mmó gie e Ssé la ka’a mbwo pɔ́b. Tá pɔ́ la ké ńtyé ńgyá pá’ á nyé ngʉ̀a shʉ̀shʉ̀a, anò poŋo wɔ́b tɛ’, pɔ́ shʉa shʉa ńgɔɔn ngie pɔ́ ée ndùmo ssé tsetsá’ ńgwɔ́ pɔ́ megʉ̀, ḿbiŋ ńgwɔ́ pɔ́ legúɔ.

Heber 11:17

Á la fó pɔ́ ná pá’ Ábalam la záb ntʉ́m wé nà Ssé, tá á tyé lélɔgɔ Esâg ńnuŋe pwɔ́’ mbwo Ssé nuŋe, á nà fʉ̀’ gie e Ssé la lʉŋte yé, ńtyé lélɔgɔ Esâg ńnuŋe pwɔ́’ pú’u, á gwɔ́ mbwo ye ńgwɔ́ ndà’ múɔ, ńgwɔ́ mámbàŋa, mbà e Ssé la lá’ ńka’a nò mbwo yé ńtí Esâg.

Heber 7:1

Melekisedeg ŋwɛ́ à laa fùɔ pʉ̀a Salem, ńgíŋe ńgwɔ́ nùŋe pwɔ́’ we Ssé, é Ssé gẅie à pi’i kɔ̀ɔkɔ́ɔ. Ábalam laa lyɛ̌’ gie à la gʉa ncù, ńtó ńdÿɔ́’ mefùɔ tà ńgyɔ́ɔn, ńjÿó wɔ́b, ńne ḿbiŋe nzèm, Melekisedeg gʉa ńzá’a yé, ńnéŋ mbʉ́lè ná yé.

Heber 7:7

Mé zɔɔn ńzsé mboŋó ngie nyìŋ gẅie à ńnéŋe mbʉ́lè à cʉa nyìŋ gẅie à kẅé mbʉ́lè.